«Пэ вся и ԥув дэнас дума пэ ек шыб»

11:1—4, 6—9

Андо Вавилоно о Иегова стердя кадя, кай и мануша, савэ жылэ против лэстэ, тэ дэн дума пэ разни шыба и кадя тэ на полэн еқаврэс. Андэ амари время во стидэл фартэ бутэ манушэн «анда всаворэ нацыи, народоря, и шыба» и сытярэл лэн тэ дэн дума пэ «вужи шыб, кай всаворэ вонэ тэ ақарэн лэ Иеговас па алавэстэ и тэ служын лэсти ек еқэса» (Софония 3:9; Откровение 7:9). «Вужи шыб», када о чачимос пала Иегова и пала кода, со во загиндосардя, и када пистромэ андэ Библия.

Кала о мануш сытёл тэ дэл дума пэ нэви шыб, када фартэ влияет пэ лэско гиндо. Во терэл вся, кай най кати тэ сэрэл и нэвэ алава, ай сытёл па аврятэ тэ гиндой. Кала амэ сытювас тэ дас дума пэ вужи лэ чачимастири шыб, точно кадяжэ парудёл амаро гиндо (Римлянам 12:2). И кадэя дила амэ на парашаса тэ терас. Лэ Иеговаско народо сар ек ери, важ кода кай кажно лэско служытелё сытёл тэ дэл дума пэ вужи лэ чачимастири шыб (1 Коринфянам 1:10).