Саво лашимос анэн, кала ту кажно дес май драго уӷанэс и Писания?

Исин тутэ привычка кажно дес тэ адинос о библейско стихо и о каминтариё каринг лэстэ анда брашура «Исследуем Писания каждый день» (рус.)? Если най, васо бы тэ на стос када андэ тиро ӷрафико? Бут ко адиной о библейско стихо и о каминтариё тэсара, кай потом, кала терэл пэстири дила, тэ гиндой пала кода, со адиносардя (Иисус Навин 1:8; Псалом 119:97). Но со инке можно тэ стерэс? Проадиносар о библейско отрывко, анда саво лино о стихо, кай тэ полэс о кантексто. Саво принцыпо можно котэ тэ виарақэс? Ӷанэс ту инке авэр стихоря, андэ савэ исин кадэва принцыпо? Тоди погиндосар, сар во можэт тэ поможый тути андэ жызня. Если ту шос сама пэ кода, со пистромэ андэ Библия, кала прилэс и ришэнии, вой авэла тэ сыкавэл тути о дром, кай тэ парувэс пэстири жызня андэ лащи риг (Псалом 119:105).

И вефильски еря па вся и ԥув, пэ утренё поклонения адинон о стихо по дес. Андэ послидни бэрша и утренё поклонения линэ тэ вистон по JW Broadcasting^® андо раздело И ПРОӶРАММЫ И МЕРОПРИЯТИИ. Кала ту послиднё разо диқлян и утренё? Можэт, андэ варисави утренё ту виарақэса именно кода, со тути трэбуй. Сар кода, со сас андэ лэ Лотостири жызня, можэт тэ дэл тути помощь, кала прилэс и ришэнии?

ДИК ВИДЕО «НА ЛЮБИН О МИРО» И ДЭ АТВЕТОРЯ ПЭ КАДЭЛА ВОПРОСОРЯ.

• Па саво библейско принцыпо стерди кадэя речь?

• Сар кода, со сас лэ Лотоса, сыкавэл, пэ скати дэ опасно тэ любисарас о миро и кода, со во дэл? (Бытие 13:12; 14:12; 19:3, 12, 13, 24—26).

• Сар амэ можэм тэ сыкавас, кай любисарас най кадэва миро, ай лэ Иеговас?