ӶЛАВА 11
Васо андэ люма кадя бут ԥаримос?
1, 2. Со камэн тэ ӷанэн бут мануша?
И МАНУША ашунэн, кай о паи схалавэл и фороря. Варисаво мануш лэ мардянца зажал андо баро маӷазино и умарэл лэ манушэн. Ай варикай лэ ракостар мэрэл дэй, савятэ ашэнпэ панч бэятцэ.
2 Кала и мануша ашунэн пала кацавэ биды и ԥаримос, вонэ пушэн: «Васо?» Вонэ камэн тэ ӷанэн, васо андэ люма скати холи и биды. Ай ту пушэсас кацаво?
3, 4. а) Со пушля о Аввакумо лэ Иеговастар? б) Со ԥэндя лэсти о Иегова?
3 Анда Библия амэ уӷанас, кай када камэнас тэ ӷанэн дажэ кодэла, ко фартэ патянас лэ Иеговасти. О пророко Аввакумо пушэлас кай о Иегова: «Васо ту дэс манди тэ диқав о найлашимос и диқэс пэ биды? Васо англа мандэ обчорэн, марэн и умарэн аврэн? Васо и мануша споринпэ и на ладин?» (Аввакум 1:3).
4 Андэ Аввакум 2:2, 3 запистромэ алава, савэ о Иегова ԥэндя лэсти. Кадяжэ о Дэл дя алав лэ Аввакумости, кай лашарэла вся. Андэ Библия пистромэ, кай о Иегова фартэ любий лэ манушэн. Котэ пистромэ: «Во диқэл и фэрий тумэн» (1 Петра 5:7). Па чачимастэ, о Дэл вэрыцый о ԥаримос и о найлашимос май фартэ чем амэ. Тоди, васо андэ люма кадя бут ԥаримос? Уӷанам, со пала када пистромэ андэ Библия.
ВАСО ЛЭ МАНУШЭНДЭ ԤАРИМОС?
5. а) Со ԥэнэн и рашая, кала терэнпэ и биды? б) Со пала ԥаримос пистромэ андэ Библия?
5 И рашая сытярэн, кай лэ манушэндэ ԥаримос, важ кода кай кадя сас трэбуй. Авэр ԥэнэн, вся со терэлпэ лэ манушэнца и дажэ биды, када лэ Дэвлэстар. Ай инке авэр ԥэнэн, кай и мануша мэрэн и жан по нэбо кай о Дэл. Кала мэрэл о бэято, и мануша ԥэнэн: «О Дэл лэс заля, и во лэсти трэбуй по нэбо сар анӷелочко». Но вся када хохаимос. Када най о Иегова терэл и биды. Андэ Библия пистромэ: «Нэ можэт о чачуно Дэл тэ терэл о найлашимос и о Всемоӷущё тэ обжалпэ нэсправедливо!» (Иов 34:10).
6. Васо бут мануша андэ вся ԥаримос дошалярэн лэ Дэвлэс?
6 Бут мануша гиндон, кай андэ вся ԥаримос дошало о Дэл. Вонэ гиндон, кай о Дэл хулаий ла люмаса. Но сар амэ уӷанглям анда трито ӷлава, ла люмаса хулаий о Сатана.
7, 8. Васо андэ люма бут ԥаримос?
7 Андэ Библия пистромэ, кай «всаворя люмаса правий о Найлашо» (1 Иоанна 5:19). О хулай ла люмако, о Сатана о Найвужо, фартэ жэстоко. Во «обхохавэл всаворэ́н, ко жувэл пэ ԥув» (Откровение 12:9). Бут мануша терэн кадя сар во. И када ек, васо андэ люма бут хохаимос, вэрыцимос и жэстокость.
8 Ай инке, васо андэ люма бут ԥаримос? Важ кода кай о Адамо ла Еваса жылэ против о Дэл, вонэ пэрэдинэ о бэзэх пэстирэ бэятонэнди. Через о бэзэх и мануша терэн ек аврэсти ԥаримос. Вонэ камэн тэ авэн май лашэ аврэндар, жан пэ война, марэнпэ и на дэн жызня аврэнди (Экклезиаст 4:1; 8:9). Дэкала лэ манушэнца варисо терэлпэ, важ кода кай «время и случаё» (Экклезиаст 9:11). Ԥэнаса, о мануш жал па вулица, и акэ пэр лэстэ пэрэл витка. Када со, о Найвужо дошало чи о бэзэх, саво пэрэдяпэ лэ манушэнди? Най, када просто мануш най андэ кодэва ҭан и андэ най кодэя время, важ када лэса можэт тэ терэлпэ варисави бида.
9. Васо амэ патяс, кай исин кай о Дэл васо тэ домэкэл о ԥаримос?
9 О Иегова на терэл лэ манушэнди вэрыто. Во найдошало андэ кода, кай и мануша терэн биды, жан пэ война и на дэн жызня аврэнди. Кадяжэ во найдошало, кай тинойпэ и ԥув, ураӷаноря и авэр биды. И всаек ту можэш тэ пушэс: «Если о Иегова кацаво Всемоӷущё, васо во на улэл о ԥаримос?» Андэ Библия пистромэ, кай о Дэл фартэ любий амэн. Тоди, кай о Дэл исин, васо во домэкэл, кай амэндэ тэ авэл о ԥаримос (1 Иоанна 4:8).
ВАСО О ДЭЛ ДОМЭКЭЛ, КАЙ ТЭ АВЭЛ ԤАРИМОС?
10. Со о Сатана ԥэндя важ о Иегова?
10 Андо Эдэмско садо о Сатана обхохадя лэ Адамос и ла Ева. Во ԥэндя, кай о Иегова вэрыто правителё. О Сатана ԥэндя, кай о Дэл гаравэл лэндар варисаво лашимос. О Найвужо камля, кай и мануша тэ патян, кай о Иегова лэ манушэнди на трэбуй, ай во правия май драго чем о Иегова (Бытие 3:2—5; Дик и ссылка 27.)
11. Пэ саво вопросо амэ трэбуй тэ ӷанас атвето?
11 О Адамо и Ева жылэ против о Иегова и парашэлэ лэс тэ кандэн. Вонэ гиндосардэ, кай смоӷут екжэнэ тэ витидэн, со лашимос, ай со найлашимос. Сар о Иегова моӷ тэ доԥэнэн, кай вонэ найправи, ай кати ек во ӷанэн, состар амэ аваса бахталэ?
12. Васо о Иегова сразу на умардя лэ Адамос и ла Ева?
12 О Иегова на умардя лэ Адамос и ла Ева, важ кода кай во загиндосардя, кай пэ ԥув сас трэбуй тэ жувэн совершэни мануша. О Дэл домэкля, кай лэ Адамостэ и ла Еватэ тэ арақадёнпэ бэятцэ, савэ кадяжэ моӷли тэ витидэн, кас тэ кандэн. Хоть о Найвужо и камэлас тэ помешает лэ Дэвлэсти, всаек кода, со о Дэл загиндосардя, кадя и авелоп (Бытие 1:28; Исаия 55:10, 11).
13. Васо о Иегова домэкля, кай о Сатана тэ правий лэ мироса, и кай лэ манушэндэ тэ авэл пэстири правления?
13 О Сатана хохадя по Иегова англа милионоря анӷелоря (Иов 38:7; Даниил 7:10). О Иегова дя время лэ Сатанасти, кай тэ доԥэнэн, кай во право. Кадяжэ о Дэл дя время лэ манушэнди, кай вонэ тала лэ Сатанастири правления тэ стерэн пэстирэ правительства и тэ доԥэнэн, кай лэндэ вижала драго тэ жувэн би лэ Дэвлэско.
14. Со дицэля, сар прожыля время?
14 Най ек тысяча бэрша и мануша камэнас, кай пэр лэндэ нико тэ на хулаий. Но лэндэ нисо на вижалас. Сар прожыля время, ля тэ дицол, кай би лэ Дэвлэско и мануша нэ моӷут драго тэ хулаин ек пэ ек и о Сатана хохавно. Акэ, со пала када пистросардя о пророко Иеремия: «Иегова, мэ драго ӷанав, кай о мануш най хулай важ пэско дром. Най андэ лэ манушэско зор тэ сыкавэл пэсти каринг тэ жал» (Иеремия 10:23).
ВАСО КАДЯ ДОЛӶО?
15, 16. а) Васо о Иегова домэкэл, кай лэ манушэндэ тэ авэл долӷо о ԥаримос? б) Васо о Иегова акана на улэл о ԥаримос, саво исин через лэ Сатанастири правления?
15 Васо о Иегова домэкэл, кай лэ манушэндэ тэ авэл кадя долӷо о ԥаримос? Васо во када на улэл? Трэбуй сас тэ прожал и время, кай всаворэ тэ полэн, кай лэ Найвужэстири правления на анэна нисаво лашимос. Лэ манушэнца правинас бут правительства, но никастэ на вижалас драго тэ правин. Дажэ кода, кай и мануша бут со уӷанглэ андэ наука и андэ техника, андэ люма всаек бут нэсправедливость. Амэ диқас, кай исин войны, преступность и бут чорымос. И мануша нэ моӷут драго тэ хулаин ек пэ ек би лэ Дэвлэско.
16 Васо о Иегова акана на улэл о ԥаримос, саво анэн лэ Сатанастири правления? Если о Иегова када тэ стердоп, када сыкадоп, кай во поможый лэ Сатанасти. Ай инке, если бы о Дэл тэ улиноп вся о ԥаримос, и мануша гиндосардоп, кай лэндэ екжэнэндэ драго вижал тэ правин. Но кала о Дэл када тэ тердоп, во подритярдоп лэ Сатанаско хохаимос. Но во никала када на терэла, важ кода кай никала на хохавэл (Евреям 6:18).
17, 18. Сар о Иегова улэла вся, со стердя о Сатана, кала жыля против лэстэ?
17 Кай о Иегова вижала тэ улэл вся о ԥаримос, саво исин лэ Сатанастар и лэ манушэндар, савэ на кандэн? Да, важ о Иегова нинай кода, со во на стерэла. О Иегова улэла вся о ԥаримос, посли кода сар ужэ доԥэнэна, кай Сатана хохавно. И пэ ԥув, сар о Иегова и загиндосардя, упалэ авэла о раё. И кодэла, «ко мулинэ [пала кастэ сэрэл о Дэл]» ринапэ каринг и жызня (Иоанна 5:28, 29). На авэла смэрть и насвалимос. О Иисусо «розмарэла лэ Сатанастирэ делоря» и улэла вся кода, со во стердя, кала жыля против о Дэл (1 Иоанна 3:8). Но пока о Иегова тэрпий и аштярэл лэ манушэн, кай вонэ тэ уӷанэн пала лэстэ и тэ витидэн, кай во тэ авэл лэнго правителё! (Адиносар 2 Петра 3:9, 10.) И хоть акана амэндэ исин бут ԥаримос, о Иегова поможыя лэс тэ виритярас. (Адиносар 1 Коринфянам 10:13.)
18 О Иегова на заставий амэн, кай тэ витидас лэс правителёса. Во подарисардя амэнди кучутно подарко, када кай амэ екжэнэ тэ витидас, ко тэ авэл амаро правителё. Уӷанам, со када сыкавэл.
СО ТЕРЭСА ТУ?
19. Со о Иегова дя лэ манушэнди? Васо амэнди трэбуй када тэ цэнисарас?
19 О Иегова подарисардя амэнди подарко. Када, кай амэ екжэнэ тэ витидас, сар тэ жувас, каса тэ дружысарас и со тэ терас. Ай кай и жывотни када нинай (Притчи 30:24). Амэ екжэнэ витидас, тэ уӷодисарас лэ Иеговасти чи най. Амэ най сар роботоря, савэ терэн кадя, сар камэл кодэва, ко лэн стердя. О Иегова камэл, кай амари жызня тэ анэн амэнди радость. Акэ, васо во амэнди дя тэ витидас, савэ амэ тэ авас и соса тэ заласпэ андэ жызня.
20, 21. Саво само лашо дром андэ жызня?
20 О Иегова камэл, кай амэ лэс тэ любисарас (Матфея 22:37, 38). О Иегова шолпэ по дад, саво лошавэл, кала ашунэл, кай лэско бэято ԥэнэн лэсти «Мэ тут любисарав». И ԥэнэн када анда вся оди, ай най важ кода, кай лэс застависардэ. О Иегова амаро небесно Дад, и во амэн на заставий лэс тэ любисарас. Амэ можэм екжэнэ тэ витидас, тэ служысарас лэсти чи най. О Сатана, о Адамо и Ева витидэ тэ на кандэн лэ Дэвлэс. Ай со витидэса ту?
21 Витидэ само лашо дром андэ жызня и залэ тэ служыс лэ Иеговасти! Кадэва дром ужэ витидэ милионоря мануша. О Дэл фартэ лошало, кай вонэ витидэ тэ служын лэсти, ай най лэ Сатанасти (Притчи 27:11). О Иегова дэл алав, кай май англэ лэ манушэндэ будэр на авэла ԥаримос. Ай со можэш тэ терэс ту, кай тэ диқэс кода, пала со о Дэл дя алав? Пала када амэ уӷанаса анда авэр ӷлава.