ӶЛАВА 10
Чачимос пала анӷелоря и пала найвужэ
1. Васо трэбуй тэ ӷанас о чачимос пала анӷелоря?
О ИЕГОВА камэл, кай амэ тэ ӷанас о чачимос пала анӷелоря, важ кода кай вонэ лэско ери. Андэ Библия пистромэ, кай и анӷелоря, када «лэ Дэвлэстирэ шавэ» (Иов 38:7). Соса залэнпэ и анӷелоря? Сар и ангелоря поможынас лэ манушэнди андэ дэлмутни время? Ай акана вонэ моӷут тэ поможын амэнди? (Дик и ссылка 8.)
2. Ко создал лэ анӷелонэн и скати лэн?
2 Ко создал лэ анӷелонэн? Андэ Колоссянам 1:16 пистромэ, кай посли кода, сар о Иегова создал лэ Иисусос, во создал «вся, со по нэбо и вся, со пэ ԥув», кардэ кадяжэ ужан и анӷелоря. Скати лэн? Андэ Библия пистромэ, кай лэн май бут чем сто милионоря анӷелоря (Псалом 103:20; Откровение 5:11).
3. Со пистромэ пала анӷелоря андэ Иово 38:4—7?
3 Андэ Библия пистромэ, кай о Иегова создал лэ анӷелонэн, сар инке на стердя и ԥув. Андэ книӷа Иов пистромэ, кай и анӷелоря фартэ радуинаспэ, кала диқлэ, кай о Дэл стердя и ԥув. Андэ кодэя время всаворэ анӷелоря слинэ сар ек ери и кандэнас лэ Иеговас (Иов 38:4—7).
САР И АНӶЕЛОРЯ ПОМОЖЫНАС АНДЭ ДЭЛМУТНИ ВРЕМЯ?
4. Катар амэ ӷанас, кай и анӷелоря камэн тэ поможын лэ манушэнди?
4 И анӷелоря всегда камэнас тэ поможын лэ манушэнди и тэ ӷанэн, со о Иегова загиндосардя тэ стерэл важ и мануша и важ и ԥув (Притчи 8:30, 31; 1 Петра 1:11, 12). Лэнди ашэля найдраго, кала о Адамо и Ева парашэлэ тэ кандэн лэ Дэвлэс. Лэнди фартэ на чалёл, кай и акана бут мануша на кандэн лэ Иеговас. Ай кала и мануша каинпэ и авэн каринг о Дэл, и анӷелоря фартэ радуинпэ (Луки 15:10). Со май фартэ и анӷелоря камэн тэ поможын кодэлэнди, ко тэлён лэ Иеговасти. О Иегова бишалэл лэ анӷелонэн, кай тэ фэрин и тэ заботинпэ пала лэстирэ служытеля (Евреям 1:7, 14). Роздиқам дэсавэ примероря.
«Мэрно Дэл бишалдя пэстирэ анӷелос и заԥандадя о муй лэ левонэнди» (Даниил 6:22)
5. Сар и анӷелоря варикала поможынас лэ Дэвлэстирэ служытелёнэнди?
5 О Иегова бишалдя дуе анӷелонэн, кай тэ поможын лэ Лотости и лэстирэ ерести тэ унашэн, кала о Иегова заля тэ сԥабарэл и фороря Содомо и Гоморра (Бытие 19:15, 16). Кала лэ пророкос лэ Даниилос шутэ андэ яма лэ левонэнца «о Дэл бишалдя пэстирэ анӷелос и заԥандадя о муй лэ левонэнди» (Даниил 6:22). Кадя о Иегова фэрисардя лэ Даниилос (Даниил 6:22). Ай инке о Иегова бишалдя лэ анӷелос, кай тэ вилэл анда бар лэ Петрос, саво сас апостоло (Деяния 12:6—11). Кала о Иисусо сас пэ ԥув, лэсти кадяжэ поможынас и анӷелоря. Андэ Библия пистромэ, кала о Иисусо болделя, «и анӷелоря служынас лэсти» (Марка 1:13). И англа кода, сар лэс тэ умарэн, ек анда анӷелоря авеля «и подритярдя лэс» (Луки 22:43).
6. а) Васо патяс, кай и анӷелоря поможын и акана? б) Пала со уӷанаса?
6 Адес лэ анӷелонэн амэ на диқас. Но о Дэл всаек на парашэл через лэндэ тэ поможый лэ манушэнди. Андэ Библия пистромэ: «Лэ Иеговаско анӷело фэрий и спасый кодэлэн, ко дарал лэстар» (Псалом 34:7). Васо и анӷелоря трэбуй тэ фэрин амэн? Важ кода кай амэндэ исин фартэ холинатирэ и зоралэ вороӷоря. Ко вонэ? Катар вонэ? И сар вонэ камэн тэ терэн амэнди вэрыто? Кай тэ уӷанас када, погиндосарам, со ашэля, сар о Дэл создал лэ Адамос и ла Ева.
ВОРОӶОРЯ, САВЭ НА ДИЦОН
7. Каринг со о Сатана бандярдя лэ манушэн?
7 Сар амэ уӷанглям анда трито ӷлава, ек анӷело жыля против о Дэл. Во закамля пэ вся тэ хулаий. Андэ Библия пэр лэстэ ԥэнэн Сатана о Найвужо (Откровение 12:9). Во закамля, кай и мануша тэ жан против о Дэл. Во дилярдя ла Ева, ай потом и бутэ манушэн, савэ линэ тэ жувэн пэ ԥув. Но всаек дэсавэ на парашэлэ тэ кандэн лэ Иеговас, например, када о Авелё, о Енохо и о Ноё (Евреям 11:4, 5, 7).
8. а) Сар дэсавэ анӷелоря ашэлэ найвужэ? б) Со стердэ и найвужэ, кай тэ спасынпэ андо потопо?
8 Андэ лэ Ноёстирэ деса дэсавэ анӷелоря кадяжэ жылэ против о Дэл. Вонэ ашадэ пэско цэр по нэбо, змэклэпэ пэ ԥув, ашэлэ сар и мануша, кай тэ лэн пала пэстэ лэ манушнян. (Адиносар Бытие 6:2.) Но лэ анӷелонэнди када нащи сас тэ терэн (Иуды 6). Сар и кадэла анӷелоря, бут мануша ашэлэ найлашэ и жэстоки. Важ када о Иегова бишалдя пэ ԥув о потопо, кай тэ умарэл лэ найлашэ манушэн и тэ фэрий кодэлэн, ко кандэл лэс (Бытие 7:17, 23). Кай тэ на помэрэн, и найлашэ анӷелоря рисайлэ по нэбо. Андэ Библия пэр лэндэ ԥэнэн найвужэ. Вонэ залинэ лэ Сатанасти риг и витидэ, кай о Сатана тэ авэл лэнго правителё (Матфея 9:34).
9. а) Приля о Дэл лэ найвужэн палпалэ андэ пэско ери чи най? б) Пала со уӷанаса май англэ?
9 О Иегова на приля палпалэ андэ пэско ери кодэлэ анӷелонэн, савэ жылэ против лэстэ (2 Петра 2:4). Хоть адес и найвужэ нэ моӷут тэ ашэн манушэнца, вонэ всаек обхохавэн всаворэ́н, ко жувэл пэ ԥув (Откровение 12:9; 1 Иоанна 5:19). Диқам, сар вонэ обхохавэн бутэ манушэн. (Адиносар 2 Коринфянам 2:11.)
САР И БЭНГА ОБХОХАВЭН ЛЭ МАНУШЭН?
10. Сар и бэнга обхохавэн лэ манушэн?
10 Кала и мануша варисо камэн тэ уӷанэн, вонэ жан кай и экстрасэнсоря чи варикастэ жан тэ драбатярдён. Кадэлэса вонэ сԥандёнпэ лэ бэнгэнца. Пэ када ԥэнэн бэнгалимос. Ай андэ Библия пистромэ, трэбуй тэ ритярдювас кадэлэстар май дур (Галатам 5:19—21). Сар о охотнико, саво камэл тэ астарэл лэ зверёс, во варисоса заманий лэс. Кадя и бэнга варисоса заманин лэ манушэн, кай тэ обхохавэн. (Дик и ссылка 26.)
11. Со када драбатяримос и васо нащи када тэ терас?
11 Соса заманин и найвужэ? Када через о драбатяримос. Со када драбатяримос? Када, кала най пэстирэ зорэса камэн тэ уӷанэн пала кода, со авэла англэ или пала варисо, со нико на ӷанэн. Сар и мануша драбатярэн? Дэсавэ драбатярэн па черӷая, авэр патян андэ приметы, варико драбатярэл па карты, ай варико драбатярэл па магическо шаро или росԥэнэн, со авэла англэ, па вас. Бут мануша гиндон, кай андэ када нинай нисо вэрыто, но када най кадя. Вся када фартэ опасно. И примероря анда Библия сыкавэн, кай кодэла, ко драбатярэн, амала лэ бэнгэнца. Андэ Деяния 16:16—18 пистромэ пала ек тэрни манушни, андэ сави сас «о найвужо, саво драбатярэл». Во дэлас лати зор, кай тэ росԥэнэн кода, со авэла англэ. Кала о апостоло Павло видарадя андар латэ лэ найвужэс, вой парашэля тэ драбатярэл. Со када драбатяримос и васо нащи када тэ терас?
12. а) Васо тэ дас дума лэ мулэнца, када фартэ опасно? б) Васо лэ Дэвлэстирэ служытеля никала на лэна тэ терэн и обрядоря, кала гаравэн лэ мулэс?
12 Инке соса заманин и найвужэ, када кала дэн дума лэ мулэнца. И найвужэ камэн, кай амэ тэ патяс, кай и мулэ варикай жувэн, кай вонэ моӷут амэнца тэ дэн дума или моӷут тэ терэн амэнди варисо вэрыто. Дэсавэ мануша, кастэ муля о пашутно друӷо или варико анда чаче, жан каринг и мануша, савэ ԥэнэн, кай вонэ моӷут тэ дэн дума лэ мулэнца. Вонэ, файма, моӷут тэ росԥэнэн варисо пала муло или дажэ тэ дэн дума лэстирэ ӷолососа (1 Самуила 28:3—19). Инке, важ кода кай и мануша патян, кай и мулэ варикай жувэн, стердэ бут абычаи, кала гаравэн лэ мулэн. Када разни поминальни обрядоря, поминки, кала анэн подаркоря лэ мулэнди или обрядоря, кала простинпэ лэ мулэнца. Пала вся када тердён и найвужэ. Кала и христианоря отԥэндён вся када тэ терэн, о родо и сосидоря моӷут лэн тэ обсындон, тэ ԥэнэн пэр лэндэ найлашэ алава или дажэ тэ парашэн лэнца тэ дэн дума. Но и христианоря ӷанэн, кай и мулэ никай на жувэн, кай лэнца нисар на дэса дума и кай вонэ нэ моӷут амэнди тэ терэн вэрыто (Псалом 115:17). Важ када фэринпэ. Никала нисо на терэн, кай тэ дэн дума лэ мулэнца и на терэн важ када нисавэ обрядоря. (Адиносар Второзаконие 18:10, 11; Исаия 8:19.)
13. Со стердэ кодэла, ко даранас лэ найвужэндар?
13 И найвужэ най кати обхохавэн лэ манушэн, но и даравэн лэн. О Сатана и найвужэ ӷанэн, кай «ашэлпэ набут время», и о Дэл улэла лэн па ԥув. Важ када вонэ ашэн инке май холинатирэ (Откровение 12:12, 17). Но тысячи мануша, савэ варикала даранас лэ найвужэндар, парашэлэ лэндар тэ даран. Со лэнди поможысардя тэ на даран?
СО ТЭ ТЕРАС, КАЙ ТЭ НА АВАС СԤАНГЛЭ ЛЭ НАЙВУЖЭНЦА?
14. Со тэ терас, сар стердэ и христианоря анда Эфесо, кай тэ на авас сԥанглэ лэ найвужэнца?
14 И Библия сытярэл амэн, со тэ терас, кай тэ на авас сԥанглэ лэ найвужэнца. Котэ пистромэ пала мануша анда форо Эфесо. Жы каринг кода, сар тэ уӷанэн о чачимос пала Дэл, вонэ сԥандёнаспэ лэ бэнгэнца. Со вонэ стердэ, кай тэ на авэл када лэндэ? Андэ Деяния 19:19 пистромэ: «Анда кодэла, ко терэнас териматэ чи мало мануша стидэ пэстирэ книжки и сԥабардэ лэн англа всаворэ». Вонэ камлэ тэ ашэн христианоря, важ када сԥабардэ всаворэ книжки, па савэ терэнас териматэ. Если адес варико камэл тэ служый лэ Иеговасти, лэсти трэбуй тэ стерэл кадяжэ, кай лэстэ тэ на авэл нисо, со лэ найвужэнго. Када моӷут тэ авэн книжки, журналоря, киноря, диля, иӷры или плакаторя. Лэ манушэнди здэлпэ, кай нинай нисо вэрыто и дажэ интересно, кала драбатярэн, дэн дума лэ найвужэнца чи аштярэн варисо тэ диқэн лэндар. Кардэ кадяжэ ужал вся, соса фэринпэ, кай тэ на дэн яқало (1 Коринфянам 10:21).
15. Со тэ терас, кай тэ одмардювас лэ Сатанастар и лэ найвужэндар?
15 Прожылэ бэрша, сар и христианоря анда Эфесо сԥабардэ и книжки, па савэ терэнас териматэ. Но о Павло всаек ԥэнэнас лэнди тэ на парашэн тэ боринпэ лэ «холинатирэ найвужэнца» (Эфесянам 6:12). Васо? Важ кода кай и найвужэ идоси камэн тэ стерэн амэнди вэрыто. Со инке лэ христианонэнди сас трэбуй тэ терэн? О апостоло Павло пистросардя: «Но май англал, патян лэ Иеговасти, када тумаро баро щито, савэса тумэ одмарэна [или тердярэна] всаворэ лэ Сатанастирэ стрелы ягаса» (Эфесянам 6:16). Сар о щито фэрий лэ воинос, кадя амэн фэрия кода, кай патяс лэ Иеговасти. Кала састэс патяс, кай о Иегова амэн фэрия, тоди амэндэ вижала тэ одмардювас лэ Сатанастар и лэ найвужэндар (Матфея 17:20).
16. Со амэнди поможыя май фартэ тэ патяс лэ Иеговасти?
16 Со амэнди поможыя май фартэ тэ патяс лэ Иеговасти? Трэбуй кажно дес тэ адиносарас и Библия и тэ сытювас андэ вся тэ патяс лэ Иеговасти. Тоди кай о Сатана и кай найвужэ на вижала тэ терэн амэнди вэрыто (1 Иоанна 5:5).
17. Сар инке амэ тэ фэрисавас лэ бэнгэндар?
17 Андо Эфесо сас бут бэнгалимос, важ када о апостоло Павло ԥэнэнас лэ христианонэнди, тэ мангэнпэ лэ Иеговасти «кажно разо» (Эфесянам 6:18). Када сыкавэлас, кай лэнди трэбуй вся и время тэ мангэнпэ, кай во тэ фэрий лэн. Ай амэнди? Амэ тожэ жувас андэ люма, андэ сави бут бэнгалимос. Важ када амэнди кадяжэ трэбуй тэ мангаспэ лэ Иеговасти, кай тэ фэрий амэн и тэ взвисавас лэстэ па алавэстэ. (Адиносар Притчи 18:10.) Кала мангаса лэ Иеговас тэ фэрий лэ Сатанастар, во ашунэла амарэ алава (Псалом 145:19; Матфея 6:13).
18, 19. а) Сар тэ одмардювас лэ Сатанастар и лэ бэнгэндар? б) Пала со уӷанаса анда авэр ӷлава?
18 Кала амэндэ на авэла вся кода, со сԥангло лэ бэнгэнца, и анда вся оди патяса, кай о Иегова амэн фэрия, амэ одмардюваса лэ Сатанастар и лэ бэнгэндар. На трэбуй лэндар тэ дарас. (Адиносар Иакова 4:7, 8.) О Иегова лэ бэнгэндар пэ бутэстэ май зорало. Андэ лэ Ноёсти время о Дэл наказал лэ бэнгэн, ай май англэ во лэн умарэла совсем (Иуды 6). На бистрэн, кай амэ одмардювас лэндар най екжэнэ, о Иегова фэрий амэн через пэстирэ анӷелоря (2 Царей 6:15—17). Патян, кати через лэ Иеговаско зор амэ вицэласа и война лэ Сатанаса и лэ бэнгэнца (1 Петра 5:6, 7; 2 Петра 2:9).
19 Но если о Сатана и бэнга анэн скати бида лэ манушэнди, васо о Дэл идоси лэн на умардя? Пала када уӷанаса анда авэр ӷлава.