ССЫЛКИ
1. ИЕГОВА
Лэ Дэвлэс ақарэн Иегова. Кадэва алав сыкавэл «во дэл тэ ашэл». О Иегова Всемоӷущё Дэл, во вся стердя. Лэстэ исин зор тэ стерэл вся, со загиндосардя.
Пэ дэлмутни еврейско шыб кадэва алав пистромэ штарэ буквэнца. Ай пэ романи шыб кадэла штар буквы пистронпэ ЙХВХ чи ИГВГ. Андэ Писании, савэ пистронаспэ спэрва, лэ Дэвлэско алав пистромэ котэ 7 000 разоря. Андэ авэр страны лэ Дэвлэско алав «Иегова» и мануша ԥэнэн па пэстирятэ. Вонэ ԥэнэн лэско алав кадя, сар лэндэ ԥэнэнпэ пэ лэндири шыб.
2. И БИБЛИЯ, КНИӶА ЛЭ ДЭВЛЭСТАР
Хоть и Библия пистронас мануша, и гиндоря андэр латэ лэ Дэвлэстирэ. Када кадяжэ, сар ԥэнэса, о ԥором ԥэнэн пэстирэ внукости тэ пистрой о пи́сьмо. Андэ кадэва пи́сьмо авелоп лэ ԥоромэстирэ гиндоря, ай най лэ внукостирэ. Кадяжэ и Библия. Андэр латэ запистромэ лэ Дэвлэстирэ гиндоря. И мануша, савэ пистронас ла, терэнас када лэ Дэвлэстирэ свынтонэ духоса. О Дэл пэрэдэлас пэстирэ гиндоря акэ сар. Во дэлас лэ манушэнди видении чи сунэ, савэ вонэ запистросардэ.
3. ПРИНЦЫПО
Библейско принцыпо, када чачимос, саво поможый тэ витидэс правильно. Ԥэнаса, исин библейско принцыпо «Найлашо друӷо римой кода, савэ лашимасти ту сытелян». Андэр лэстэ кацаво чачимос. Амэ сытювас кодэлэндар, каса амэ проандярас и время (1 Коринфянам 15:33). Инке исин принцыпо «Со посадия о мануш, кода и вибарёла». Андэр лэстэ кацаво чачимос. О мануш никаринг на терэлапэ кодэлэстар, со во стердя (Галатам 6:7).
4. ПРОРОЧЕСТВО
Пророчество, када, кала о Дэл пэрэдэл лэ манушэнди пэстирэ гиндоря акэ сар. Во пэрэдэл лэн, кала росԥэнэн, со камэл, кай тэ авэл. Инке через кода, кай сытярэл, приԥэнэн и виандярэл о сындо. Ай дэкала во пэрэдэл, со авэла англэ. Бут анда када ужэ сас.
5. ПРОРОЧЕСТВА ПАЛА ХРИСТОС
Вся, со андэ Библия пистромэ пала Христос, кадя и ашэля лэ Иисусоса. Диқэн и рамка «Пророчества пала Христос».
▸ Ӷлава 2, абзацо 17, сноска
6. КОДА, СО О ИЕГОВА ЗАГИНДОСАРДЯ ВАЖ И ԤУВ
О Иегова стердя и ԥув акэ состэ. Во камэлас, кай и ԥув тэ ашэл раё и кай пэр латэ тэ жувэн и мануша, савэ лэс любин. Лэ Дэвлэско гиндо на паруделя. Йто во улэла вся о найлашимос и подария лэ манушэнди вечно жызня.
7. О САТАНА, КАДА О НАЙВУЖО
О Сатана о Найвужо, када анӷело, саво сас пэрво анда кодэла, ко жыля против Дэл. О алав Сатана сыкавэл «жал против», важ кода кай во жал против Иегова. Кадяжэ пэр лэстэ ԥэнэн, «хохавно», важ кода кай во хохавэл по Дэл и дилярэл лэ манушэн.
8. АНӶЕЛОРЯ
Инке жы кодэлэстэ, сар о Иегова тэ стерэл и ԥув, во создал май бут, чем сто милионоря анӷелонэн (Даниил 7:10). Вонэ трэбуй сас тэ жувэн по нэбо. Кажнонэстэ андар лэндэ исин пэско алав и лэндэ кажнонэстэ пэско характеро. По нэбо машкар лэндэ исин май барэдэра и лэндэ кажнонэстэ пэстири дила. И важ кода кай вонэ на заваздэн о шэро, вонэ на прилэн кода, кай и мануша тэ тэлён лэнди. По нэбо и анӷелоря терэн бут разни дила. Вонэ служын англа лэ Иеговаско престоло. Инке и анӷелоря пэрэдэн лэстирэ алава, фэрин и андярэн лэско народо. Кадяжэ вонэ терэн кода, со о Иегова виандярдя по сындо и терэн кадя, кай тэ жал лэ Дэвлэстири дила (Псалом 34:7; Откровение 14:6; 22:8, 9). Андэ время, кала авэла и война, пэ сави ԥэнэн Армагеддоно, вонэ авэна пэ Иисусостири риг (Откровение 16:14, 16; 19:14, 15).
▸ Ӷлава 3, абзацо 5; ӷлава 10, абзацо 1
9. БЭЗЭХ
Со када бэзэх? Када, кала кай о мануш андо ди, андэ гиндоря чи пэ дила кода, со жал против Дэл. И кала кай о мануш кацаво исин, тоди лэстэ на авэла дружба лэ Дэвлэса. Важ када о Дэл поможысардя амэнди тэ полас, со важ лэстэ бэзэх. Во дя амэнди законоря. Инке амэ ӷанас, сар во диқэл пэ варисави дила. Кала амэ кадя пэс андяраса, амэ на тераса бэзэх. Спэрва, вся со создал о Иегова сас совершэно. Но о Адамо и Ева витидэ тэ на кандэн лэ Иеговас. Вонэ стердэ бэзэх и ашэлэ бэзэхэстирэ. Важ када вонэ ԥурелэ и мулинэ. О бэзэх пэрэдяпэ всаворэ манушэнди, важ када всаворэ мануша ԥурён и мэрэн.
▸ Ӷлава 3, абзацо 7; ӷлава 5, абзацо 3
10. АРМАГЕДДОНО
Война, андэ сави о Дэл улэла вся, соса хулаий о Сатана и вся о найлашимос.
▸ Ӷлава 3, абзацо 13; ӷлава 8, абзацо 18
11. ЛЭ ДЭВЛЭСКО ЦАРСТВО
Лэ Дэвлэско Царство, када правительство, саво о Иегова стодя по нэбо. Царё андэр лэстэ, о Иисус Христос. О Иегова май англэ улэла вся о найлашимос через кадэва Царство. Лэ Дэвлэско Царство лэла тэ хулаий всаворя ԥувьяса.
12. О ИИСУС ХРИСТОС
О Иисусо само пэрво, кас создал о Дэл. О Иегова бишалдя лэс пэ ԥув, кай во тэ отдэл пэстири жызня пала мануша. Лэ Иисусос умардэ, ай о Иегова рисардя лэс каринг и жызня. Акана о Иисус Христос Царё. Во хулаий по нэбо андэ лэ Дэвлэско Царство.
13. ПРОРОЧЕСТВО ПАЛА СЕМЬДЕСЯТ КУРТЕ
Андэ Библия пистромэ важ и время, кала пэ ԥув трэбуй сас тэ авэл о Христос. Во трэбуй сас тэ авэл, сар прожана и 69 «курте». Кадэла курте залинэпэ андо 455 бэрш жы кай И. Х. и парашэлэ андо 29 бэрш лэ И. Х. (лэ пэрвонэ бэршэстар жы кай И. Х. и жы кай о пэрво бэрш лэ И. Х. машкар лэндэ жал ек бэрш).
Катар амэ ӷанас, кай о Иисусо трэбуй сас тэ ашэл Христоса андо 29 бэрш? 69 «курте», пала савэ сас ԥэндо май англал, залинэпэ андо 455 бэрш жы кай И. Х. кала андо розмардо Иерусалимо авеля о Неемия и ля тэ ваздэл о форо (Даниил 9:25; Неемия 2:1, 5—8). Кадяжэ, сар амэ ашунас алав «дес», амэ полас, кай када 24 часа, ай алав «курко» када 7 дес. Но кала жал дума пала кода, со трэбуй тэ авэл, тоди и бэрша лэн тэ виадинон кадя «дес важ о бэрш» (Числа 14:34; Иезекииль 4:6). Тоди, сар жал и дума пала «курте», кала о Иисусо ашэля Христоса, када най курте, андэ савэ 7 дес, ай курте, андэ савэ 7 бэрш. Вижал, сар кажно курко жал семь бэрш, тоди 69 «курте», када 483 бэрш (69 умножыть пэ 7). Кала амэ виадиносараса 483 бэрш лэ 455 бэршэстар жы кай И. Х., амэндэ вижала 29 бэрш лэ И. Х. Андэ кадэва бэрш о Иисусо болделя и ашэля Христоса (Луки 3:1, 2, 21, 22).
Андэ алава пала кода, со трэбуй сас тэ авэл лэ Христоса, пистромэ инке пала курко, ай када инке 7 бэрш. Андэ машкар кадэя время о Христос авэла умардо. Ла времятар, кала о Иисусо арақаделяпэ андо 33 бэрш, лэс умардэ. Ай кала андо 36 бэрш кадэла 7 бэрш прожылэ, и лащи весть пала лэ Дэвлэско Царство линэ тэ росԥэнэн най кати лэ евреёнэнди, но и всаворэ народонэнди (Даниил 9:24—27).
14. НАЙЧАЧИМОС ПАЛА ТРОИЦА
Дэсавэ веры ԥэнэн, кай о Дэл, када Троица. Вонэ сытярэн, кай о Дад, о Шаво и о свынто духо, када ек. Но андэ Библия нинай алав «Троица». Кала сытярэн пала Троица, када хохаимос. Ай андэ Библия пистромэ, кай вся создал о Дэл Иегова. Ай о Иисус Христос, када пэрво, кас во создал (Колоссянам 1:15, 16). О Иисусо най Дэл, и най Всемоӷущё. Во никала на ԥэнэнас, кай во сар о Дэл. Во ԥэнэнас: «О Дад май баро мандар» (Иоанна 14:28; 1 Коринфянам 15:28).
О свынто духо, када зор, через саво о Дэл терэл кода, со во камэл. Андэ Библия пистромэ, сар дицэля кадэва зор пэ христианоря анда пэрво вико. Пэр лэндэ «сжыля о свынто духо». Кадяжэ о Иегова ԥэндя, сар инке дицола кадэва зор: «Мэ дава пэско свынто духо всаворэ манушэнди» (Деяния 2:1—4, 17). Вижал, о свынто духо, када най варисо жундо.
▸ Ӷлава 4, абзацо 12; ӷлава 15, абзацо 17
15. ТРУШУЛ
Васо и чачунэ христианоря на полэн о трушул, кала тэлён лэ Дэвлэсти?
1) Бут время о трушул полэнас кати андэ хохавнэ веры. Андэ дэлмутни время о трушул полэнас, кала терэнас празнико важ и ԥув, қам, паи, бара, жывотни, витки, яг и инке бут авэр. Кадяжэ о трушул полэнас, сар терэнас билажавардимос, кала тэлёнас хохавнэ дэвлэнди. И пэрви 300 бэрш посли кода, сар муля о Иисусо, лэстирэ ученикоря на полэнас о трушул, кала тэлёнас лэ Дэвлэсти. Прожыля время и кала правияс андо Римо о императоро Константино, во ԥэндя, кай и христианоря трэбуй тэ полэн о трушул. Кадя во камэлас, кай о трушул тэ полэн май бут мануша. Но о трушул нисар на сыкавэлас по Иисусо. Андэ «Нэви католическо инцыклапедия» пистромэ, кай о трушул и мануша полэнас ужэ жы каринг кода, сар о Иисусо тэ авэл пэ ԥув и дажэ кодэла, ко на сас христианоря».
2) О Иисусо муля най по трушул. О ӷреческо алав, саво пэрэандярдо «трушул», сыкавэл «столбо», «каштуно столбо» чи «витка». Пэ ӷреческо шыб андо Н[эво] З[авето] нинай нисо, со ԥэндоп, пала дуй каштунэ столборя, савэ пашлёнас ек пэ ек, сар бы лэн тэ на бандярэс, ай кати пистромэ пала ек каштуно столбо. Лэс умардэ по каштуно столбо, саво тердёлас ворта.
3) О Иегова на камэл, кай амэ тэ тэлювас лэ масхарянди и лэ трушулэсти (Исход 20:4, 5; 1 Коринфянам 10:14).
16. ВЭЧЭРО, КАЙ ТЭ СЭРЭН ПАЛА ЛЭ ИИСУСОСТИРИ СМЭРТЬ
О Иисус Христос приԥэндя пэстирэ учениконэнди тэ терэн о Вэчэро, кай тэ сэрэн пала лэстири смэрть. Вонэ терэн о Вэчэро 14 нисана. Варикала андэ кадэва дес израильтяноря стонас и Патради. Андэ амарэ деса, када марто чи апрелё. Кодэла, ко авэн пэ кадэва Вэчэро, всаворэ пэрэдэн ек аврэсти о марно и о вино, савэ сыкавэн лэ Христостири тила и лэско рат. Кодэла, ко лэна тэ правин лэ Иисусоса по нэбо, вонэ хан о марно и пэн о вино. Ай кодэла, ко аштярэн вечно тэ жувэн пэ ԥув, на хан о марно и на пэн о вино. Но кода, кай вонэ авэн, сыкавэл, кай вонэ стон патив пэ кадэва Вэчэро.
17. ДУША
Андо «Нэвэ мироско переводо» пэ русско шыб о алав душа сыкавэл 1) мануш 2) жывотно 3) манушэстири чи жывотнонэстири жызня.
Мануш. «В дни Ноя... немногие, то есть восемь душ, были спасены через воды» (1 Петра 3:20). Катэ о алав «душа» сыкавэл лэ манушэн. Када о Ноё, лэстири хулаи, лэстирэ трин шавэ и лэндирэ хулая́.
Жывотно. «И сказал Бог: „Пусть воды закишат множеством живых душ и пусть над землёй по небесному пространству полетят летающие создания“. И сказал Бог: „Пусть земля произведёт живых душ по их родам: домашнее животное, всякое двигающееся животное и земного зверя по его роду“. И стало так» (Бытие 1:20, 24).
Манушэстири чи жывотнонэстири жызня. О Иегова ԥэндя лэ Моисеёсти: «Все, кто охотился за твоей душой, умерли» (Исход 4:19). Кала о Иисусо сас пэ ԥув, во ԥэндя: «Я — добрый пастух. Добрый пастух отдаёт свою душу за овец» (Иоанна 10:11).
Кала о мануш терэл дила анда вся оди и отдэл пэ када вся о зор, тоди ԥэнэн, кай во терэл када «от всей души» (Эфесянам 6:6; Колоссянам 3:23). Кадяжэ о алав «душа» можно тэ ԥэнэс пэ кода, кала варисо камэл о мануш чи о жывотно, ԥэнаса, тэ хал. Ай по муло мануш чи по муло жывотно, ԥэнэн «мёртвая душа» (Числа 6:6; Притчи 23:2; Исаия 56:11; Аггей 2:13).
▸ Ӷлава 6, абзацо 5; ӷлава 15, абзацо 17
18. ДУХО
Андо «Нэвэ мироско переводо» пэ русско шыб, еврейско и ӷреческо алав, саво пэрэандярдэ «духо» можно тэ полэс по разному. Но вся и время кадэва алав сыкавэл пэ варисо, со на дицол, када и балвал чи кай о мануш ԥурдэл, чи ԥурдэл о жывотно. Кадяжэ кадэва алав сыкавэл свынто духо, саво исин лэ Дэвлэско зор. Инке о алав «духо» сыкавэл лэ анӷелонэн и лэ найвужэн. Андэ Библия никай нинай пистромэ, кай кала о мануш мэрэл, посли лэстири смэрть во варикай всаек жувэл (Исход 35:21; Псалом 104:29; Матфея 12:43; Луки 11:13).
▸ Ӷлава 6, абзацо 5; ӷлава 15, абзацо 17
19. ГЕЕННА
«Геенна» ԥэнэнас по ҭан, саво сас паша Иерусалимо, кай сԥабарэнас о мусоро. Никай нинай ԥэндо, кай андэ лэ Иисусостирэ деса котэ мучинас или сԥабарэнас жундэ манушэн чи лэ жывотнонэн. Важ када андэ Библия, кала пистромэ о алав «геенна», када на ԥэнэн, кай исин ҭан, саво никасти на дицол и андэ саво мучинпэ и вечно ԥабон андэ яг и мулэ. Вижал, кала о Иисусо ԥэнэнас, кай варикас шон андэ геенна, во ԥэнэнас, кай када смэрть пэ вечность (Матфея 5:22; 10:28).
20. МОЛИТВА «ОТЧЕ НАШ»
Када молитва, савяса о Иисусо сытярэлас пэстирэ учениконэн, сар трэбуй тэ мангэнпэ. Акэ со можно тэ мангас лэ Дэвлэстар.
«Мэк тиро алав авэл свынто»
Амэ мангас лэ Иеговас, кай во тэ стерэл вся, кай лэско алав тэ авэл инке май свынто, май ашунгло, кай тэ злэл па пэско алав вся о хохаимос. И тоди всаворэ, и пэ ԥув и по нэбо, лэна тэ стон патив и тэ полэн лэ Дэвлэско алав.
«Мэк авэл тиро царство»
Амэ мангас лэ Дэвлэс, кай лэско правительство тэ улэл па ԥув и найлаши лэ Сатанастири люма, тэ лэл тэ правий ла ԥувьяса и тэ стерэл андар латэ раё.
«Мэк тири воля авэла и пэ ԥув»
Амэ мангас лэ Дэвлэс, кай во тэ стерэл кода, со загиндосардя пала ԥув. Кадяжэ, кай и совершэни мануша, савэ кандэн лэ Дэвлэс, тэ жувэн вечно андо раё. Када и камэлас о Дэл, кала создавал лэ манушэн.
21. ВЫКУПО
О Иегова потиндя выкупо, кай тэ спасый лэ манушэн лэ бэзэхэстар и ла смэртятар. Выкупо, када цэмин, сави сас трэбуй тэ потинэл, кай тэ витинэл и совершэно лэ манушэндири жызня, сави хасардясас пэрво мануш о Адамо. Кадяжэ о выкупо дя амэнди, кай амэ тэ рисарас палпалэ и дружба лэ Дэвлэса. О Иегова бишалдя лэ Иисусос пэ ԥув, кай во тэ отдэл пэстири жызня важ всаворэ ӷрешникоря. Через лэ Иисусостири смэрть и мануша смоӷут тэ ашэн совершэни и тэ жувэн вечно.
▸ Ӷлава 8, абзацо 21; ӷлава 9, абзацо 13
22. ВАСО О 1914 БЭРШ КАДЯ ВАЖНО?
Сар запистромэ андо пророчество андэ книӷа Даниила, андо штарто ӷлава, андо 1914 бэрш о Дэл сас трэбуй тэ стол пэско Царство.
Пророчество. О Иегова дя лэ царёсти, савэс ақарэн Навуходоносоро, андо суно пророчество пала бари витка, сави сас сшынди. Кай тэ на барёл кадэя витка «семь времён», по пэнько шутэсас круӷоря анда састри и анда харкум. Сас трэбуй тэ прожал время и витка упалэ лэла тэ барёл (Даниил 4:1, 10—16).
Со кадэва пророчество сыкавэл амэнди? Кадэя витка сыкавэл лэ Дэвлэстири правления. Бут время лэ Дэвлэстири власть сас по Израильско народо через и царёря, савэ правинас андо Иерусалимо (1 Летопись 29:23). Но кадэла царёря парашэлэ тэ кандэн лэ Дэвлэс и парашэлэ тэ правин. Андэ 607 бэрш жы кай И. Х. о Иерусалимо сас розмардо. Кадэла времятар залинэпэ и «семь времён» (2 Царей 25:1, 8—10; Иезекииль 21:25—27). Кала о Иисус Христос дэлас дума: «И народоря лэна тэ топчин о Иерусалимо, пока на прожала и время, сави стоди важ и народоря», во ԥэнэнас пала кодэла «семь времён» (Луки 21:24). Важ када можно тэ ԥэнас, кай кала о Иисусо сас пэ ԥув, кадэла «семь времён» инке на прожылэ. О Иегова дя алав, кай кала прожана и «семь времён», во упалэ стола пэстирэ Царёс. Правления кадэлэ Царёсти, савэса ашэля о Иисус Христос, лэла вечно тэ анэн лашимос лэ Дэвлэстирэ народости па вся и ԥув (Луки 1:30—33).
Сар долӷо жанас кадэла «семь времён»? И «семь времён» жанас 2 520 бэрш. Сар тэ адиносарас лэ 607 бэршэстар жы кай И. Х. 2 520 бэрш, тоди амэ аваса каринг о 1914 бэрш (лэ пэрвонэ бэршэстар жы кай И. Х. и жы кай о пэрво бэрш лэ И. Х. машкар лэндэ жал ек бэрш). Андэ кадэва 1914 бэрш о Иегова стодя лэ Иисусос Христос Царёса андэ пэско Царство по нэбо.
Катар ляпэ о число 2 520? Андэ книӷа Откровение можно тэ додиқэс, кай и трин епашэса время, када 1 260 деса (Откровение 12:6, 14). Вижал, кай и «семь времён», савэ жан дувар май бут, када 2 520 деса (1260 умножыть пэ 2). Кала адиносарас кадя, сар пистромэ андо пророчество «о дес важ о бэрш», вижал кай и 2 520 деса, када 2 520 бэрша (Числа 14:34; Иезекииль 4:6).
23. АРХАНӶЕЛО МИХАИЛО
О алав «арханӷело» сыкавэл «само барэдэр анӷело». Андэ Библия пистромэ кати важ ек арханӷело. Лэско алава Михаило (Даниил 12:1; Иуды 9).
Андэ Откровение 12:7 пистромэ: «О Михаило и лэстирэ анӷелоря марэнаспэ лэ драконоса и о драконо и лэстирэ анӷелоря марэнаспэ лэнца». Анда кадэва стихо дицол, кай о Михаило, барэдэр андэ лэ Дэвлэско войско, саво сас анда ангелоря и савэ на парашэнас тэ кандэн лэ Дэвлэс. Кадяжэ андэ Откровение, андэ авэр стихоря пистромэ важ о Иисус Христос, кай во барэдэр андэ лэ Дэвлэско войско. Вижал, о Михаило, када о Иисусо Христос. Михаило, када инке ек лэ Иисусоско алав (Откровение 19:14—16).
24. ПОСЛИДНИ ДЕСА
Послидни деса, када набут время англа кода, сар розмарэна вся, соса правий о Сатана. Сас ԥэндо, кай андэ кадэя время пэ ԥув бут со лэла тэ терэлпэ. Андэ Библия пэ кадэя время ԥэнэнпэ «кадэя время будэр на авэла» и «андэ кодэя время, кала о Шаво манушыкано залэла тэ правий» (Матфея 24:3, 27, 37). «Послидни деса» залинэпэ андо 1914 бэрш, кала по нэбо ля тэ правий лэ Дэвлэско Царство. Вонэ кончинапэ тоди, кала кадэва Царство розмарэла андо Армагеддоно кода, соса правий о Сатана (2 Тимофею 3:1; 2 Петра 3:3).
25. О ДЭЛ РИЯ КАРИНГ И ЖЫЗНЯ КОДЭЛЭН, КО МУЛЯ
Кодэла, ко муля ринапэ каринг и жызня. Андэ Библия пистромэ пала девять случаёря, кала рисардэ каринг и жызня кодэлэн, ко муля. Лэн ринас каринг и жызня о Илья, о Елисей, о Иисус Христос, о Пётро и о Павло. Вонэ терэнас када, кати лэ Дэвлэстирэ зорэса. О Иегова дэл алав, кай рия каринг и жызня пэ ԥув кодэлэн, «ко муля, праведни и нэправедни» (Деяния 24:15). Андэ Библия кадяжэ пистромэ, кай дэсавэн о Дэл рия каринг и жызня по нэбо. Кадэла мануша, савэн витидя о Дэл, и памазаникоря, лэна тэ жувэн по нэбо вмести лэ Иисусоса (Иоанна 5:28, 29; 11:25; Филиппийцам 3:11; Откровение 20:5, 6).
26. БЭНГАЛИМОС (ТЕРИМАТЭ)
Бэнгалимос чи териматэ, када дилы, савэ и мануша терэн, кай тэ сԥандёнпэ лэ бэнгэнца. И мануша терэн варисо, кай тэ дэн дума лэ мулэнца. Вонэ жан тэ драбатярдён чи жан кай и экстрасэнсоря. Кодэла, ко кадэлэса залэлпэ, патян, кай посли смэрть о машуш всаек варикай жувэл и можэт тэ стерэл варисо вэрыто. Но када хохаимос. Тэ дэн дума лэ мулэнца, када фартэ найдраго. Васо? Через када и найвужэ терэн кадя, кай и мануша тэ на кандэн лэ Дэвлэс. Андо бэнгалимос ужал, кала ашунэн и ӷороскопоря, драбатярдён, кала калдуин, патян андэ разни приметы чи кала варисо сыкадёл. Инке када, кала терэн вся важ о муло. Када, кала помэнин, кала роздэн о хамос и инке бут со. Кала и мануша диқэн о бэнгалимос андэ книжки, журналоря, киноря чи ашунэн кацавэ диля, лэнди здэлпэ, кай андэ вся када нинай нисо вэрыто и дажэ интересно. Кала и мануша камэн тэ сԥандёнпэ лэ найвужэнца, дэко прилэл наркотикоря (Галатам 5:20; Откровение 21:8).
▸ Ӷлава 10, абзацо 10; ӷлава 16, абзацо 4
27. ЛЭ ИЕГОВАСТИРИ ПРАВЛЕНИЯ
О Иегова, Всемоӷущё Дэл, во создал вся, со пэ ԥув и по нэбо (Откровение 15:3). Важ кода кай во вся создал, вся када лэско, и лэстэ исин право пэ вся тэ авэл хулай (Псалом 24:1; Исаия 40:21—23; Откровение 4:11). Во стодя и законоря, пэ савэ трэбуй тэ жувэл вся, со во создал. О Иегова можэт тэ дэл власть аврэнди. Амэ подритярас лэ Иеговастири правления, кала любисарас и кандас лэс (1 Летопись 29:11).
28. АБОРТО
Аборто, када кала спецыально умарэн лэ бэятос, саво инке на арақаделяпэ. Катэ на жал дума, кай варисо тердяпэ и важ када вой вишутя лэ бэятос. Чи када тердяпэ, важ кода кай сас лэ зорэса варисо най кадя. Кала и манушни заԥирдя, о бэято, када ужэ най часть латиря тилати, ай о бэято, када ужэ мануш.
29. КАЛА ПЭРЭШОН О РАТ
Со ужал андо рат? Андэр лэстэ бут со ужал, но ӷлавно, када плазма, эритроцыторя, лейкоцыторя и тромбоцыторя. Дэкала пэрэшон о рат кадя, сар во исин, чи ек анда кода, со ужал андэр лэстэ. Тоди, кала пэрэшон о рат, пэрэшон лэско рат чи аврэ манушэско.
30. СЫТЯРЭН
Сар пистромэ андэ Библия, кала сытярэн и кала цыпин, када най еқэндар. Кала сытярэн, када подԥэнэн чи росԥэнэн, андэр со о мануш трэбуй тэ парудёл. Кала о Иегова ԥэнэн лэ манушэсти, андэр со во тэ парудёл, во никала на терэл када ӷрубо чи жэстоко (Притчи 4:1, 2). О Иегова драго сыкавэл, сар трэбуй о дад и дэй тэ сытярэн пэстирэ бэятонэн. Кала сытярэл о Дэл, када анэн кати ек о лашимос. Важ када амэнди дажэ можэт тэ чалёл, кала амэн сытярэн (Притчи 12:1). О Иегова любий пэстирэ народос и сытярэл лэс. О Дэл най кати ԥэнэн, андэр со лэстирэ служытеля трэбуй тэ парудён, но и поможый лэнди тэ гиндон и тэ терэн кадя, сар лэсти чалёл. Ай сар о дад и дэй моӷут тэ сытярэн пэстирэ бэятонэн? Спэрва лэ бэятонэнди трэбуй тэ поможын, кай вонэ тэ полэн, васо вонэ трэбуй тэ кандэн. Инке, о дад и дэй трэбуй тэ поможын лэ бэятонэнди, кай вонэ тэ любин лэ Иеговас, тэ любин лэско Алав и Библия, и тэ сытён тэ полэн и библейски принцыпоря.
31. НАЙВУЖЭ
Найвужэ, када анӷелоря, савэ на канглэ лэ Дэвлэс и ашэлэ лэстирэ вороӷоря. Вонэ на дицон, лэндэ найманушыкано зор и вонэ фартэ холинатирэ (Бытие 6:2; Иуды 6). И бэнга жылэ пала Сатана, кала во вазглясаспэ против Дэл (Второзаконие 32:17; Луки 8:30; Деяния 16:16; Иакова 2:19).