УРОКО 11

Дэ дума анда вся оди

Римлянам 12:11

СО ТРЭБУЙ ТЭ СТЕРЭС. Дэ дума кадя, кай када тэ дожал каринг лэ манушэнго ди и кай вонэ тэ закамэн варисо тэ терэн.

Тер всаворэ́ одеса. Кала ӷотовишся, гиндосар, пэ скати дэ важно кадэя тема. Кай тэ дэс дума анда оди, трэбуй фартэ драго тэ полэс и тема.
Погиндосар пала мануша. Погиндосар, саво лашимос исин андэ кода, со ту лэса тэ адинос или тэ росԥэнэс. Витидэ, сар тэ росԥэнэс кадэя инфармацыя кадя, кай и мануша май драго тэ полэн, пэ скати када дэ куч важ лэндэ.
Сытяр анда оди. Мэк тири дума авэл интересно важ и мануша. Мэк кода, со тутэ андо ди, дицол па тирэ жэсторя и па тиро муй.

Дик, кай тутэ тэ на авэн ек жэсторя вся и время, кай и мануша тэ на шон сама пэ када. Сыкав и жэсторя, савэ сжанпэ кодэлэса, со ту дэс дума. Дэ дума анда оди, кала росԥэнэс и ӷлавни гиндоря или камэс, кай и мануша тэ закамэн варисо тэ терэн. На трэбуй вся и время тэ дэс дума фартэ эмацыонально, кай и мануша йто тэ на цыён тиря думатар.