УРОКО 6

Росԥэн, кай тэ полэн и библейски стихоря

Иоанна 10:33—36

СО ТРЭБУЙ ТЭ СТЕРЭС. Кала адиносардян стихо анда Библия, на пэрэжа сразу пэ авэр гиндо. Драго сыкав, сар о библейско стихо сжалпэ кодэлэса, пала со ту дэс дума.

САР КАДА ТЭ СТЕРЭС

Шу сама пэ ӷлавни алава. Кала проадиносардян о стихо, шу сама пэ алава, савэ сжанпэ лэ ӷлавнонэ гиндоса. Када можно тэ стерэс, кала упалэ ԥэнэса кадэла алава или кала задэса вопросо, через саво и мануша закамэна тэ виарақэн и ӷлавни алава.

Если ту росԥэнэс о стихо пэстирэ алавэнца, дик, кай и мануша кадяжэ драго тэ полэн, сар о библейско стихо сжалпэ лэ ӷлавнонэ гиндоса.
Шу сама по ӷлавно гиндо. Если андэ алава каринг о библейско стихо ту ԥэндян, сости ту лэс адиноса, то акана росԥэн, сар и ӷлавни алава анда стихо сыкавэн кадэва гиндо.

Ритяр и Библия ԥэрнади, кала росԥэнэс пала библейско стихо. Тоди и мануша драго полэна, сар тирэ алава сжанпэ кодэлэса, со ту заадиносардян.
Росԥэн, кай тут тэ полэн. Промэк кода, со на сжалпэ лэ ӷлавнонэ гиндоса. Кала витидэс, со трэбуй тэ росԥэнэс важ о стихо, погиндосар, со и мануша ужэ ӷанэн пала кадэя тема.