УРОКО 7

Сытяр лэ чачимасти

Луки 1:3

СО ТРЭБУЙ ТЭ СТЕРЭС. Ԥэн кацави инфармацыя, савяти можно тэ патяс и сави поможыя лэ манушэнди вся правильно тэ полэн.

САР КАДА ТЭ СТЕРЭС

Сытяр па кода, сости можно тэ патяс. Дэ дума па Библия и, если вижал, адиносар ворта анда Библия. Если, кай тэ доԥэнэс варисо, ту росԥэнэс кода, со доԥэндя и наука, новость, случаё или варисо инке, тоди спэрва уӷан, можно ли тэ патяс кодэлэсти, катар кадэя инфармацыя и поджал када каринг амари время чи най.
Нисо на досто и на вилэ корко пэстар. Кала ту росԥэнэс пала библейски стихоря, када трэбуй тэ сжалпэ кодэлэса, со пистромэ андо кантексто. Ай кадяжэ кодэлэса, со пистромэ андэ вся и Библия и андэ литература, сави вимэкэл амари арӷанизацыя (Матфея 24:45). Кала ту ԥэнэс и инфармацыя, сави най анда амари арӷанизацыя, дик, кай тэ пэрэдэс о гиндо кадя, сар пистромэ.

На досто и на вилэ корко пэстар и алава, кала ԥэнэс пала цыфры и пала кода, со сас доԥэндо. Дик, кай «дэсавэ мануша» тэ на ашэн «бут мануша», ай «дэкала» тэ на авэл «вся и время».
Погиндосар лэ манушэнца. Кала ту проадиносардян о библейско стихо или варисави авэр инфармацыя, поможысар лэ манушэнди екжэнэнди тэ полэн кода, со ту адиносардян. Важ када задэ тактични вопросоря или росԥэн примеро, саво поджал.