Ту ӷанэс?

Израильтяноря слинэ рабонэнца андо Египто, и када сас запистромэ андэ Библия. Со доԥэнэн, кай када чачимос?

Андэ Библия пистромэ, кай и мадианитяноря залинэ лэ Иосифос андо Египто. Посли кода, сар прожыля время, кордэ анда Ханаано авеля тэ жувэл лэско дад о Иаково пэстирэ ереса. Вонэ ашэлэпэ тэ жувэн андо Египто, андэ область Гесемо, кай и лэн Нило питялас андэ Средиземно моря (Бытие 47:1, 6). Лэ израильтянонэн ашэлас май бут и май бут, и «вонэ ашэнас май зоралэ и май зоралэ». Через када и египтяноря линэ тэ даран лэндар. Важ када и египтяноря стердэ кадя, кай и израильтяноря тэ ашэн лэндирэ рабонэнца (Исход 1:7—14).

И мануша, савэ на патян ла Библияти ԥэнэн, кай када хохаимос, кай и израильтяноря слинэ рабонэнца андо Египто. Но исин кода, со доԥэнэн, кай машкар и раборя андо дэлмутно Египто, слинэ семиторяa.

О ӷрамотно миро, саво виӷанавэл кода, со дэлмут пашлёл андэ ԥув, виарақлэ кацавэ ҭана по северо андо Египто, кай варикала жувэнас и мануша. О Джоно Бимсоно, када о библеисто, ԥэндя, кай котэ виарақлэ варикай 20 ҭана, кай жувэнас и семиторя. О египтолого Джеймсо Хоффмайеро ԥэндя: «Лэ 1800 жы кай 1540 бэршэстар жы кай И. Х. андо Египто часто пэрэладэнас и семиторя анда Западно Азия (кадяжэ котар сас и лэ Иаковоско ери)... О Авраамо, о Исаако и о Иаково кадяжэ жувэнас андэ кадэя время. Кадяжэ шолпэ кода, сар жувэнас и мануша андэ кодэя время кодэлэса, со пистромэ андэ Библия андэ книӷа Бытие».

Инке исин, со доԥэнэн, кай машкар и раборя андо дэлмутно Египто, слинэ семиторя, када о папирусо, саво виарақлэ по юӷо андо Египто. Кадэва папирусо запистросардэ андэ время Среднего царства (варикай лэ 2000 бэршэстар жы кай варикай 1600 бэрш жы кай И. Х.). Пэ кадэва папирусо пистромэ лэ рабонэндирэ алава, савэ терэнас по ек ери, савэ жувэнас по юӷо андо Египто. Май бут чем 40 анда всаворэ алава слинэ семитски. Кадэла раборя тавэнас тэ хан, терэнас и материя и терэнас авэр ԥари бути. О Джеймсо Хоффмайеро ԥэнэн: «Если кати андэ Фиваида (када по юӷо андо Египто) по ек ери терэнас май бут чем 40 семиторя, тоди пэ вся страна лэн сас фартэ бут, ай май бут котэ, кай и лэн Нило питял андэ Средиземно моря».

О ӷрамотно мануш, саво виӷанавэл кода, со дэлмут пашлёл андэ ԥув, о Дэвидо Роло пистрой, кай дэсавэ лэ рабонэндирэ алава «кабута линэ анда Библия». По папирусо пистромэ алава, савэ шонпэ пэ библейски, ԥэнаса, о Иссахаро, о Асиро и и Шифра (Исход 1:3, 4, 15). О Дэвидо Роло ԥэнэн: «Када драго доԥэнэн, кай и израильтяноря слинэ лэ рабонэнца андо Египто».

О Джоно Бимсоно терэл ԥэнэн: «Кода, со пистромэ андэ Библия пала египетско рабство и пала кода, кай и израильтяноря вижылэ анда Египто, бут со доԥэнэн».