Со поможыя май драго тэ полэс кадэя брашура?
Манг варикас анда лэ Иеговастирэ свидетеля тэ поможын. Манг кодэлэс, ко дя тути кадэя брашура, кай во тэ поможый тути май драго тэ полэс и Библия или пистросар заявка по амаро сайто jw.org.
АДИНОСАР ЕКЖЭНО
И бари цыфра 1 сыкавэл о вопросо. Адиносар кажно абзацо и кажно вопросо каринг о абзацо. И бари цыфра 2 сыкавэл и стихоря, савэ поможына май драго тэ полэс ӷлавно гиндо андо абзацо. Адиносар кадэла стихоря. Кадяжэ, кала каринг о стихо пистромэ о алав «Адиносар», ԥэрнав и заадиносар лэс.
АДИНОН ВМЕСТИ
И бари цыфра 3 сыкавэл, пала со жала и дума андэ кадэя ӷлава. И бари цыфра 4 сыкавэл пэ ек анда ӷлавни гиндоря, савэ исин андэ ӷлава. Адинон и стихоря анда Библия, дэн атвето пэ вопросоря. И бари цыфра 5 сыкавэл по видео. Диқэн о видео.
И бари цыфра 6 сыкавэл пэ картинки и пэ кода, со пистромэ каринг лэндэ. Роздиқэн и картинки. Инке погиндон, сар тумэ ԥэндоп пэ кода, со дэн дума и мануша. Диқэн котэ, кай тердёл бари цыфра 7.
ПАЛА СО ДИНЭ ДУМА И ДИК ИНКЕ
И бари цыфра 8 сыкавэл, пала со динэ дума андэ ӷлава, ай кадяжэ сыкавэл и вопросоря каринг о мануш пала кода, со во прожыля. И бари цыфра 9 сыкавэл, кай ту котэ пистроса о дес, кала проадиносардэ и ӷлава вмести. Тала када пистромэ, со кодэва, ко заля тэ адиной, трэбуй тэ стерэл екжэно. Котэ, кай пистромэ «Дик инке», ту бут со уӷанэса. Каринг када пистромэ бари цыфра 10.
Сар тэ виарақэс о стихо анда Библия, саво тути трэбуй?
Кай тэ виарақэс библейско стихо, спэрва дик, сар называеца и книӷа. Бари цыфра 1 сыкавэл, кай када названия. И бари цыфра 2 сыкавэл, кай када ӷлава, виарак ла. И бари цыфра 3 сыкавэл, кай када о стихо, виарак лэс. Вижал, кала пистромэ Иоанна 17:3, трэбуй тэ ԥэрнавэс книӷа Иоанна, ӷлава 17, стихо 3.