СТАТЬЯ, КАЙ ТЭ СЫТЮВАС 49
«Всаворэсти исин пэсти время», исин время тэ терас дила и тэ отцыювас
«Жам кордэ, кай нико нинай и хоть набут отцыён» (МАРКА 6:31).
ДИЛИ 143 Жди, проповедуй и помни
ПАЛА СО УӶАНАСА АНДА СТАТЬЯ?a
1. Сар бут мануша диқэн пэ бути?
САР диқэн и мануша пэ бути котэ, кай тумэ жувэн? Андэ бут страны мануша линэ тэ терэн май бут бути. Часто вонэ кадя бут терэн бути, кай лэндэ на ашэлпэ время ни важ о ери, ни тэ отцыён, ни тэ гиндон, сар жал и жызня (Экклезиаст 2:23). Исин кацавэ мануша, савэ на любин тэ терэн бути и кадэлэсти арақэн алав (Притчи 26:13, 14).
2, 3. Сар о Иегова и о Иисусо диқэн пэ бути?
2 О Иегова и о Иисусо диқэн пэ бути па аврятэ, най кадя сар и мануша. Амэ ӷанас, кай о Иегова любий тэ терэл дила. О Иисусо драго када сыкадя, кала ԥэндя: «Мэрно Дад и мэ идоси терас дила» (Иоанна 5:17). Погиндон, скати во стодя зор, кай тэ стерэл кацави бари дила, кала создал фартэ бутэ анӷелонэн и о Космосо, савэсти нинай краё. Ай скати инке шукаримос исин андэ люма, саво амэ диқас! О псалмопевцо драго ԥэндя: «Сар дэ бут ту создал, о Иегова! Ту вся создал фартэ мудро, пэ ԥув ԥэрдо кода, со ту стердян» (Псалом 104:24).
3 О Иисусо терэлас вся, сар лэско Дад. Андэ книӷа Притчи важ о Иисусо пистромэ, кай во сас, ԥэнэса, сар мудрость паша Дэл, «кала во создавал о нэбо». Ай инке во сас паша Иегова «лашо мастеро» (Притчи 8:27—31). Посли кода, кала о Иисусо авеля пэ ԥув, во кадяжэ драго стердя и дила, сави дя лэсти о Иегова. Кадэя дила лэ Иисусости чалёлас тэ терэл, сар ԥэнэса, тэ хал лашо хамос. И вся лэстири жызня пэ ԥув сыкавэлас, кай лэс бишалдя о Дэл (Иоанна 4:34; 5:36; 14:10).
4. Сар о Иегова и о Иисусо диқэн пэ кода, кай тэ отцыён?
4 Если о Иегова и о Иисусо вся и время терэн дила, сыкавэл када, кай и амэ на трэбуй тэ отцыювас? Най. О Иегова никала на цыёл, и важ када тэ отцыёл лэсти на трэбуй. Андэ Библия пистромэ, кала о Иегова терэлас о нэбо и ԥув, во «парашэля тэ терэл дила и ля тэ отцыёл» (Исход 31:17). Но када, файма, сыкавэл, кай о Иегова будэр на ля нисо создавать и лэсти чалёлас кода, со во ужэ стердя. Кала о Иисусо сас пэ ԥув, лэсти трэбуй сас бут со тэ стерэл. Но во виарақэлас время тэ хал, тэ пэл и тэ отцыёл лэ друӷонэнца (Матфея 14:13; Луки 7:34).
5. Андар со бутэнди ԥарэс тэ витидэн?
5 И Библия сытярэл пэстирэ служытелёнэн тэ терэн дила и тэ на авэн лениви (Притчи 15:19). Бут андар мэндэ терэн бути, кай лэ ерестэ тэ авэл вся, со трэбуй. И инке амэ, сар лэ Христостирэ ученикоря, терас дила, кала росԥэнас лащи весть. Но амэ всаек на обжаспэ би кодэлэско, кай драго тэ отцыювас. Ай тумэндэ исин кацаво, кала тумэнди найвушэро тэ витидэн, скати трэбуй тэ отцыён, тэ служын и тэ терэн дила? Сар тэ полэн, скати время трэбуй тэ отдэн ла бутяти, ай скати тэ отцыён?
ТРЭБУЙ ГОДЯВЭРНЭС ТЭ ДИҚАС ПЭ ДИЛА И ТЭ ОТЦЫЮВАС
6. Сар кода, со запистромэ андэ Марка 6:30—34, сыкавэл, кай о Иисусо правильно диқэлас пэ бути и кала тэ отцыёл?
6 Амэнди трэбуй годяса тэ диқас пэ бути. О царё Соломоно пистросардя лэ Дэвлэстар: «Всаворэсти исин пэсти время, и исин время важ всаворэ дилы». Ай инке, во ԥэндя, кай исин время тэ садис, тэ строис, тэ ровэс, тэ асас и тэ цэлэс (Экклезиаст 3:1—8). Да, тэ отцыёс и тэ терэс бути, када дуй важни маменторя андэ амари жызня. О Иисусо годявэрнэс диқэлас пэ бути и кала тэ отцыёл. Еқвар и апостолоря кадя бут время служынас, кай лэнди «дажэ най кала сас тэ хан». Тоди о Иисусо ԥэндя: «Жам кордэ, кай нико нинай, кай тумэ хоть набут тэ отцыён». (Адиносар Марка 6:30—34b.) Кай о Иисусо и кай лэстирэ ученикоря най вся и время вижалас тэ отцыён, скати вонэ камэнас. Но Иисусо полэлас, кай лэнди трэбуй тэ отцыён.
7. Саво лашимос амэнди анэна, кала май драго уӷанаса законо пала суббота?
7 Дэкала трэбуй тэ отцыювас или тэ терас авэр варисо. Када дицолас анда Законо, саво о Дэл варикала дя пэстирэ народости, и када сас фартэ важно, кай тэ ритярэн и суббота. Андэ амари время амэ на ритярас лэ Моисеёско законо. Но всаек амэнди трэбуй тэ ӷанас, со андэ кадэва законо ԥэнэнаспэ важ и суббота. Када поможыя амэнди тэ полас, сар тэ диқас пэ бути и пэ кода, сар тэ отцыювас.
И СУББОТА, КАДА ВРЕМЯ, КАЛА ТЭ ОТЦЫЁС И ТЭ ТЭЛЁС ЛЭ ДЭВЛЭСТИ
8. Состэ, сар пистромэ андэ Исход 31:12—15, трэбуй сас и суббота?
8 Сар пистромэ андэ Библия посли кода, сар о Дэл создал вся важ и шов «дес», во будэр нисо нэ создавал пэ ԥув (Бытие 2:2). Но о Иегова любий тэ терэл и дила. Во «идоси терэл дила», но па аврятэ (Иоанна 5:17). Андэ Бытие пистромэ, о дес, андэ саво о Иегова отцыёл, сыкадя, кай кажно суббота трэбуй тэ отцыён. И израильтяноря кадя и терэнас. О Дэл ԥэндя, кай и суббота, сас знако машкар лэстэ и машкар Израилё. И суббота ашэля дес, кала «всаворэ отцыён», и ашэля «свынто важ о Иегова». (Адиносар Исход 31:12—15c.) Андэ кадэва дес нико нащи сас тэ терэл бути, ни бэятцэ, ни раборя ни жывотни (Исход 20:10). Важ када кай и израильтяноря сас май бут время тэ шон сама пэ кода, сави лэндэ дружба лэ Иеговаса.
9. Сар нэ правильно полэнас и суббота, кала сас о Иисус Христос?
9 О законо важ и суббота сас важ кода, кай лэ Дэвлэстирэ народости тэ авэл май драго. Но бут барэ мануша анда веры, савэ жувэнас андэ кодэя время, кала сас о Иисус Христос, фартэ строӷо полэнас и суббота. Вонэ ԥэнэнас, кай андэ кадэва дес па законо дажэ нащи сас тэ шынэн о стеблё лэ зэрноса чи тэ исцылин лэ насвалэн (Марка 2:23—27; 3:2—5). Кода, сар вонэ полэнас о законо пала суббота, на сжаласпэ кодэлэса, сар сытярэл о Дэл. И важ када о Иисусо росԥэнэнас пала када всаворэнди, ко камэлас лэс тэ ашунэл.
О ери, андэ саво бареля о Иисусо, кажно суббота терэнас лэ Дэвлэстири дила (Диқэн о абзацо 10.)g
10. Сар кода, со пистромэ андэ Матфея 12:9—12, сыкавэл, сар о Иисусо полэлас и суббота?
10 О Иисусо и лэстирэ ученикоря, савэ сас иудеёря, ритярэнас и суббота, важ кода кай жувэнас па лэ Моисеёско законоd. Но о Иисусо сыкадя, кай и суббота трэбуй тэ ритярэн годявэрнэс и кай андэ кадэва дес можно тэ поможыс аврэнди. Во ворта ԥэндя: «Тэ терэс лашимос в субботу, када па законо». (Адиносар Матфея 12:9—12e.) Во на гиндояс, кай ла лащя диласа можэт тэ римой о законо важ и суббота. Па кода, со во терэлас дицолас, кай во полэл, васо о Дэл дя пэстирэ народости тэ ритярэн и суббота. Када, кала вонэ отцыёнас ла бутятар, сави терэнас кажно дес, вонэ моӷли тэ гиндон кати пала кода, кай тэ тэлён лэ Дэвлэсти. О Иисусо вибареля андо ери, андэ саво в субботу ашавэнас вся и тэлёнас лэ Иеговасти. Анда кода, со терэлас о Иисусо, можно тэ полэс, со сас лэса андэ лэско форо. Андэ Евангелия лэ Лукастар, амэ адиносарас: «О Иисусо авеля андо Назарето, андо форо, кай во вибареля. В субботу, во сар и обычно, авеля андэ синагога... [потом] во ущеля, кай тэ адиной» (Луки 4:15—19).
САР ТУ ДИҚЭС ПЭ БУТИ?
11. Ко драго сытярэлас лэ Иисусос тэ терэл бути?
11 Кала о Иосифо сытярэлас пэстирэ шавэс лэ Иисусос, кай тэ авэл плотнико, во поможыяс лэсти тэ диқэл пэ бути кадя, сар о Дэл (Матфея 13:55, 56). Кадяжэ о Иисусо моӷ тэ диқэл, сар о Иосифо кажно дес терэл ԥари бути, кай тэ праварэл пэско баро ери. Кала прожыля время, о Иисусо ԥэндя пэстирэ учениконэнди: «Кодэлэсти, ко терэл бути, прижалпэ тэ потинэн» (Луки 10:7). Да, о Иисусо пар пэстэ ӷанэнас, со када тэ стос зор, кала терэс бути.
12. Савэ стихоря андэ Библия сыкавэн, сар о Павло диқэлас пэ бути?
12 Кадяжэ можно тэ ԥэнас и пала апостоло Павло. Ӷлавно важ лэстэ сас тэ росԥэнэн важ о Иисусо и важ лэстири весть. Но о Павло инке терэлас бути, кай тэ прожувэл. И фессалоникийцоря ӷанэнас, кай во «дес и рят» «терэлас бути и вицыёлас», кай нико «тэ на тратий барэ ловэ через лэстэ» (2 Фессалоникийцам 3:8; Деяния 20:34, 35). Файма, о алав «бути» о Павло камэлас тэ ԥэнэн пала пэстири дила, када, кай сувэлас и катуны. Кала во сас андо Коринфо, во жувэлас кай о Акила и Прискилла и еқэҭанэ лэнца сувэлас и катуны. Кода, кай о Павло терэлас бути «дес и рят», на сыкавэл, кай во отдэлас кадэлэсти вся пэстири время. Например, андэ суббота во на терэлас бути. Через када во моӷ тэ росԥэнэн лащи весть лэ иудеёнэнди, савэ кадяжэ андэ суббота на терэнас бути (Деяния 13:14—16, 42—44; 16:13; 18:1—4).
13. Сости амэ можэм тэ сытювас лэ Павлостар?
13 Амэ можэм тэ сытювас лэ Павлостар. Лэсти прижаласпэ тэ терэл бути. О Иегова дажэ ԥэндя лэ Павлости тэ пистрой: «Если варико на камэл тэ терэл бути, мэк тоди и на́ хал» (2 Фессалоникийцам 3:10). И всаек во старыияспэ вся и время тэ терэл и «свынто дила важ и лащи весть» (Римлянам 15:16; 2 Коринфянам 11:23). Кадяжэ о Павло ԥэнэнас, кай и авэр тэ терэн кадя. Во ԥэнэнас лэ коринфянонэнди тэ «терэн бут дила, сави терэл о Ӷосподо» (1 Коринфянам 15:58; 2 Коринфянам 9:8). Во ԥэндя по Акила и пэ Прискилла, кай вонэ лэса «терэнас еқэҭанэ лэ Христостири дила» (Римлянам 12:11; 16:3).
14. Пала со ԥэнэнас о Иисусо, сар запистромэ андэ Иоанна 14:12?
14 Само важно дила, сави трэбуй тэ терас андэ кадэла послидни деса, када тэ росԥэнас важ о Дэл и тэ сытярас лэ манушэн, кай тэ ашэн лэ Христостирэ ученикоря. О Иисусо ԥэндясас, кай лэстирэ ученикоря терэна май бари дила, чем во! (Адиносар Иоанна 14:12f.) Со во кадэлэса камля тэ ԥэнэн? Канешно, най кода, кай амэ можэм тэ терас чуда, сар во. Во ԥэндя, кай амэ май бут ласа тэ росԥэнас важ о Дэл и тэ сытярас лэ манушэн, кай тэ ашэн лэстирэ ученикоря, чем во. Амэндэ вижала тэ росԥэнас важ о Дэл андэ май бари тиритория и май бутэ манушэнди, и май бут время.
15. Со кажно андар мэндэ трэбуй тэ пушас пэстар и васо?
15 Если ту терэс пэ бути, пуш пэстар: «Дэн дума важ мандэ, кай мэ драго терав бути чи най? Стерав мэ бути, кала трэбуй и драго терав ла чи най?» Если ту ԥэндян «да», када сыкавэла, кай ту домардёса кода, кай кодэва, ко дэл тути бути, лэла тэ патял тути май фартэ. Ай инке кодэла, ко терэн туса пэ бути, лэна май драго тутар тэ ашунэн и лащи весть. Акана пуш пэстар акэ со: «Дэн дума важ мандэ, кай мэ драго росԥэнав важ о Дэл и драго сытярав лэ манушэн па Библия? Драго мэ ӷотовлюсь, кай тэ дав дума лэ манушэнца чи най? Мэ сразу жав кодэлэндэ, ко закамля май бут тэ уӷанэн важ о Дэл чи най? Мэ служысарав андэ разно служэния чи най?» Если ту ԥэндян «да», када сыкавэл, кай кадэя дила анэна тути радость.
САР ТУМЭ ДИҚЭН ПЭ КОДА, САР ТЭ ОТЦЫЁН?
16. Соса кода, сар диқэнас о Иисусо и апостолоря пэ кода, сар тэ отцыён, на шолпэ пэ кода, сар диқэн пэ када адес и мануша?
16 О Иисусо полэлас, кай дэкала лэсти и лэ апостолонэнди трэбуй сас тэ отцыён. Но сар тоди, кадя и акана, дэко андярэл пэс, сар о барвало мануш анда лэ Иисусостири притча, саво ԥэндя пэсти: «Ха, пи, отцыю и радосав» (Луки 12:19; 2 Тимофею 3:4). Кадэва мануш гиндояс кати пала кода, кай тэ отцыёл и тэ радуийпэ ла жызняти. Ай о Иисусо и апостолоря на камэнас, кай ӷлавно важ лэндэ андэ жызня тэ авэл тэ отцыён и тэ терэн кода, со камэлпэ.
Кала годявэрнэс диқэс пэ дила и пэ кода, сар тэ отцыёс, када поможый тэ терэс май бут лащи дила, савятар лэс зор (Диқэн о абзацо 17.)h
17. Со амэ терас, кала амэндэ нинай бути?
17 Амэ старысавас тэ сытювас кай о Иисусо, сар правильно тэ проандярас и время, андэ сави амэ на терас и бути, най кати кай тэ отцыювас. Ай инке, важ кода кай тэ росԥэнас важ о Дэл и тэ ԥирас пэ собрании.Тэ сытярас лэ манушэн па Библия и тэ ԥирас пэ собрании, када важ амэндэ фартэ важно (Евреям 10:24, 25). Дажэ, кала амэ андо отпуско и кай бы амэ тэ на авас, амэ всаек ԥирас пэ собрании и росԥэнас важ о Дэл (2 Тимофею 4:2).
18. Со камэл важ амэндэ амаро Царё, о Иисус Христос?
18 Сар жэ амэ лошалэ, кай амаро Царё, о Иисус Христос, на аштярэл амэндар кода, со амэ нэ можэм тэ стерас и поможый амэнди годявэрнэс тэ диқас пэ бути и сар тэ отцыювас! (Евреям 4:15). Во камэл, кай амэ драго тэ отцыювас. И кадяжэ во камэл, кай амэ анда оди тэ терас и дила. Васо? Важ кода кай амэндэ тэ авэл вся, со трэбуй важ и жызня и тэ терас и лащи дила, кай тэ сытярас лэ учениконэн. Андэ авэр статья амэ подаса дума, со стердя о Иисусо, кай тэ освободий амэн лэ бэзэхэстар.
ДИЛИ 38 О Дэл дэла тути зор
a И Библия сытярэл амэн годявэрнэс тэ диқас пэ бути и пэ кода, кала отцыювас. Андэ кадэя статья амэ роздиқаса законо пала суббота, саво о Дэл дя варикала лэ Израилёсти. Када поможыя тэ полас, сар амэ терас бути и сар отцыювас.
b Марка 6:30—34: «Апостолоря авелэ каринг о Иисусо и росԥэндэ лэсти пала вся, со вонэ терэнас и пала со сытярэнас. Во ԥэндя лэнди: „Жам кордэ, кай нико нинай, кай тумэ хоть набут тэ отцыён“, важ кода кай авэнас и ужанас бут мануша, и лэ Иисусости и лэ апостолонэнди дажэ най кала сас тэ хан. Тоди вонэ уплывисардэ пэ лодка кордэ, кай нинай мануша, кай тэ авэн екжэнэ. Но и мануша диқлэ, кай вонэ отплывин, и бут пала када уӷанглэ. Тоди и мануша анда всаворэ фороря прастае кордэ, и авелэ интя май йто чем вонэ. Кала о Иисусо вижыля анда лодка, во диқля фартэ бутэ манушэн. Лэсти ашэля лэн фартэ жалко, важ кода кай вонэ слинэ, сар бакрорэ би пастухоско, и во ля бутэсти лэн тэ сытярэл».
c Исход 31:12—15: «О Иегова ԥэндя лэ Моисеёсти: „Ԥэн лэ израильтянонэнди: ,Вся и время тэ ритярэн мэрнэ субботы, важ кода кай када знако машкар мандэ и тумэндэ пэ всаворэ поколении, кай тумэ тэ ӷанэн, кай мэ о Иегова терав, кай тумэ тэ авэн свынти. Ритярэн и суббота, важ кода кай вой свынто важ тумэндэ. Ай кодэва, ко стерэла варисаво найлашимос андэ суббота, лэс трэбуй тэ умарэн. Если андэ кадэва дес варико терэла бути, лэс кадяжэ трэбуй тэ умарэн. Шов дес можно тэ терэс бути, ай о седьмо дес, када и суббота, дес, андэ саво тэ отцыёс. Важ кода кай во важ о Иегова. Кодэва, ко лэла тэ терэл бути андэ суббота, лэс трэбуй тэ умарэн“».
d Лэ Иисусостирэ ученикоря кадя фартэ полэнас о законо важ и суббота, кай на линэ нисо тэ терэн лэ чарянца и лэ вулееса, савэнца сас трэбуй тэ обмакэн лэ Иисусостири тила, сар во муля, пока на кончисайля о субботнё дес (Луки 23:55, 56).
e Матфея 12:9—12: «Во ужыля котар и авеля андэ синагога. Котэ сас мануш, савэстэ вишутеля о вас. Лэ Иисусостар пушлэ: „Када па законо тэ исцылин в субботу?“, ай пушлэ важ кода, кай лэндэ тэ авэл андэр со лэс тэ дошалярэн. Во ԥэндя лэнди: „Если тумэндэ тэ авелоп ек бакри и вой в субботу тэ пэрэл андэ яма, тоди хэба тумэ на вилиноп ла? Ай пэ скати о мануш май куч ла бакрятар! Важ када тэ терэс лашимос в субботу, када па законо“».
f Иоанна 14:12: «Чачимос, чачимос ԥэнав тумэнди, ко патял манди, кодэва кадяжэ стерэла и дила, сави мэ терав, и стерэла май бут дила, чем мэ, важ кода кай мэ жав каринг о Дад».
g Пэ картинка. О Иосифо андэ суббота андярэл вся пэско ери андэ синагога.
h Пэ картинка. Христианино терэл пэ бути, кай тэ авэл кай о ери вся, со трэбуй важ и жызня и кадяжэ на бистрэл тэ терэл лэ Дэвлэстири дила, дажэ кала лэстэ отпуско.