И читателя пушэн

Со андэ Библия ԥэнэнпэ пала солах?

Солах — када кала о мануш англа всаворэ дэл алав варисо тэ стерэл. Часто во дэл кацави обещяния англа Дэл. О мануш можэт тэ дэл солах просто пэ алава или тэ запистрой када.

Дэсавэ моӷут тэ гиндон, кай нащи тэ солахан, важ кода кай о Иисусо ԥэндя «На солахан нисар... [...] Мэк тумаро алав „да“ авэл „да“ и тумаро „най“, „най“, ай со май бут кадэлэстар, када уже лэ Найлашэстар» (Матф. 5:33—37). Но чаче када кадя? О Иисусо ӷанэнас, кай андэ лэ Моисеёско законо сас пистромэ, кай андэ дэсавэ ситуацыи и израильтяноря трэбуй сас тэ дэн солах, и дэсавэ лэ Дэвлэстирэ служытеля кадя и терэнас (Быт. 14:22, 23; Исх. 22:10, 11). Кадяжэ о Иисусо ӷанэнас, кай екжэно о Иегова солахалас (Евр. 6:13—17). Вижал, о Иисусо на камля тэ ԥэнэн, кай амэ вобще нащи тэ солахас, но амэ на трэбуй тэ терас када евья. Если амэ солахадям, тоди трэбуй тэ зритярас пэско алав, со бы тэ на авэл.

Но со тэ терэс, если тутар мангэн тэ дэс солах? Спэрва погиндосар, вижала тутэ тэ зритярэс пэско алав чи най. Если на ӷанэс точно, авелоп фэдэр тэ на солахас. Андэ Библия ԥэнэнпэ: «Фэдэр тэ на дэс обещяния, чем тэ дэс обещяния и тэ на зритярэс о алав» (Эккл. 5:5). Кадяжэ проадиносар, со андэ Библия пистромэ пала солах, ай тоди стер кадя, сар подԥэнэн тути тири совесть. Савэ принцыпоря пистромэ андэ Библия пала солах?

Солах, саво уӷодно лэ Дэвлэсти. Например, кала лэ Иеговастирэ служытеля жэнинпэ, вонэ дэн алав ек еқэсти. Кадэя обещяния шолпэ по солах. О тэрно и тэрни дэн алав, кай вся и жызня лэна тэ любин и тэ цэнин ек еқэс и тэ стон патив ек пэ ек. (Дажэ если вонэ на ԥэнэн имено кадэла алава, вонэ всаек англа Дэл дэн кацави обещяния). Посли када вонэ ашэн хулай и хулаи, и лэнго брако трэбуй тэ авэл пэ вся и жызня (Быт. 2:24; 1 Кор. 7:39). Кацаво солах уӷодно лэ Дэвлэсти.

Солах, саво нэ уӷодно лэ Дэвлэсти. И чачунэ христианоря никала на дэна солах, кай жана андэ халавдэ тэ зашонпэ пала страна или кай отԥэндёна лэ Дэвлэстар. Када жылоп против лэ Дэвлэско законо. Амэ на сԥандювас кадэлэ мироса (Иоан. 15:19). Важ када на ӷуляс андэ лэндири дила и на жас пэ война (Ис. 2:4; Иак. 1:27).

Солах, саво дэн, сар подԥэнэн и совесть. Дэкала, англа кода, сар тэ дэн солах, трэбуй тэ погиндон пала лэ Иисусостирэ алава: «Во ԥэндя лэнди: «Акэ и отдэн лэ цэзарёско лэ цэзарёсти, ай лэ Дэвлэско лэ Дэвлэсти» (Луки 20:25).

Например, кала о христианино подэл заявления пэ ӷражданства или камэл тэ лэл о лил, лэс моӷут тэ мангэн тэ дэл обещяния, кай во авэла предано андэ страна. Если трэбуй тэ дэл солах тэ стерэл варисо, со жал против лэ Дэвлэско законо, тоди и совесть подԥэнэна лэсти, кай на трэбуй тэ дэл кацави обещяния. Но дэкала и власти домэкэн, кай о мануш тэ ԥэнэн авэр алава, кай када тэ на жал против лэстири совесть.

Андэ Римлянам 13:1 ԥэнэнпэ: «Мэк кажно мануш кандэл кодэлэн, кастэ исин власть». Важ када о христианино можэт тэ ришый тэ дэл кацаво солах, андэ саво парудэ и алава, кай тэ стерэл кода, со и кадя аштярэл лэстар о Иегова.

Кадяжэ важно тэ приашундювас каринг и совесть, кала мангэн тэ дас солах жэстонэнца или пэ варисаво предмето. Например, андэ дэлмутни время и римляноря и скифоря солаханас пэ пэстирэ шуря и приақарэнас ла войнатирэ дэвлэс. Када сыкавэлас, кай о мануш ԥэнэн о чачимос. Ай и ӷрекоря ваздэнас о вас каринг о нэбо. Кадя вонэ прижанэнас, кай исин варисаво небесно зор, саво шол сама пэ лэндирэ алава и дила и савэсти вонэ обязани тэ дэн отчёто.

Канешно, лэ Иеговаско служытелё на лэла тэ дэл солах пэ варисаво символо, саво жал анда хохавнэ веры. Но со, если по сындо мангэна, кай ту тэ стос о вас пэ Библия и тэ солахас, кай лэса тэ ԥэнэс кати о чачимос? Тоди ту можэш тэ ришыс тэ стерэс кадя, важ кода кай андэ Библия пистромэ, кай дэсавэ мурша и жувля терэнас варисаво жэсто, кала солаханас (Быт. 24:2, 3, 9; 47:29—31). Но важно тэ сэрэс: кадя ту дэс солах англа Дэл, кай лэса тэ ԥэнэс кати о чачимос. Ту трэбуй тэ дэс чесно атвето пэ любо вопросо, саво тути задэна.

Библейски советоря, пэ савэ трэбуй тэ шос сама:

Матфея 5:37: «Мэк тумаро алав „да“ авэл „да“ и тумаро „най“, „най“».
Иоанна 15:19: «Тумэ най сар всаворэ миро».
Второзаконие 5:9: «Мэ, тиро Дэл Иегова, — Дэл, саво мангэл, кай ту предано тэ служыс кати лэсти».
Римлянам 13:1: «Мэк кажно мануш кандэл кодэлэн, кастэ исин власть».
Луки 20:25: «Отдэн лэ цэзарёско лэ цэзарёсти, ай лэ Дэвлэско лэ Дэвлэсти».
1 Петра 2:12: «На парашэн тэ андярэн пэс драго машкар авэр народоря. И кала тумэн лэна тэ дошалярэн андо найлашимос, вонэ диқэна тумари лащи дила».

Важ амэндэ фартэ куч амари дружба лэ Иеговаса. Англа кода, сар тэ дас солах, амэ трэбуй тэ помангаспэ, драго тэ погиндосарас, со пистромэ андэ Библия пала солах, и тэ шас сама, со подԥэнэн амари совесть. Если солахадян, тоди обязательно трэбуй тэ зритярэс пэско алав (1 Пет. 2:12).