9. Дик пэр пэстэ, савэ манушэса ту камэс тэ авэс

ВАСО?

Тиро алав и кода, саво ту пэса, када на сыкавэл, саво ту мануш. Кала и мануша мангэн, кай ту тэ росԥэнэс пала пэстэ, вонэ камэн тэ уӷанэн, саво тутэ характеро, андэр со ту патяс и со важ тутэ куч.

ВАСО КАДА ВАЖНО?

Если ту патяс андэ варисо и приритярдёс кадэлэсти, ту на домэкэса, кай тэ терэс кода, сар тути ԥэнэн тирэ ровэсникоря, савэ гиндон па аврятэ.

«Бут мануша терэн кода, со лэнди ԥэнэн авэр. Вонэ, сар и манекеноря, савэ на витидэн, со тэ лэн пэр пэстэ. Важ лэндэ када терэн авэр мануша» (Адриано).

«Мэ сытелэм тэ зашавпэ пала кода, андэр со патяв, дажэ кала када найвушэро. Но чачуно друӷо када кодэва, каса манди драго, важ кода кай во стол патив пэ законоря, па савэ мэ жував» (Кортни).

БИБЛЕЙСКО ПРИНЦЫПО. «Парашэн тэ гиндон и тэ терэн, сар и мануша андэ кадэя люма. Парудёнпэ и гиндон па аврятэ» (Римлянам 12:2).

СО МОЖНО ТЭ СТЕРЭС?

Погиндосар, саво ту мануш, и савэса камэс тэ ашэс. Важ када драго полэ, со тутэ вижал тэ терэс, ай со най, ай кадяжэ погиндосар пала кода, андэр со ту патяс. Кай тэ погиндос пала када, тути поможына вопросоря, савэ пистромэ тэлэ.

Погиндосар, со тутэ драго вижал. Со мэ ӷанав тэ терав? Терав мэ вся вовремя? Ритярав мэ пэс андэ вас? Любисарав мэ тэ терав дила? Терав мэ лашимос анда вся оди? Саво лашимос мэ терав андэ жызня?

СОВЕТО. Если тути найвушэро тэ полэс, со тутэ драго вижал, пуш кай о дад и дэй или кай о пашутно друӷо, со вонэ андэр тутэ цэнин и васо.

БИБЛЕЙСКО ПРИНЦЫПО. «Но мэк кажно сыкавэла пэстири дила, и тоди лэстэ авэла, васо тэ лошавэл, сар диқэл кати пэр пэстэ и тэ на сыстой пэс аврэнца» (Галатам 6:4).

Погиндосар, со тутэ найдраго вижал. Со спэрва мэ трэбуй тэ парував андо пэско характеро? Кала манди май часто камэлпэ тэ терав кода, со нэправильно? Кала манди трэбуй май драго тэ ритярав пэс андэ вас?

БИБЛЕЙСКО ПРИНЦЫПО. «Кала амэ ԥэнас: „Амэ би бэзэхэско“, амэ хохавас корко пэс» (1 Иоанна 1:8).

Погиндосар, андэр со ту патяс. Саво законо мэ ритярав и васо? Патяв мэ андо Дэл чи най? Васо мэ патяв, кай во исин? Со важ мандэ нэсправедливо и васо? Со мэ гиндосарав пала кода, со мандэ авэла англэ?

БИБЛЕЙСКО ПРИНЦЫПО. «Кода, кай ту спэрва обгиндос, лэла тэ фэрий тут. Инке кода, кай ту полэс, лэла тэ спасый тут» (Притчи 2:11).