Со трэбуй, кай о ери тэ авэл бахтало?

1. Васо важ о брако трэбуй тэ авэл реӷистрацыя?

И лащи новость жал лэ Иеговастар, лэ бахталэ Дэвлэстар, саво камэл, кай всаворэ еря пэ ԥув тэ авэн бахталэ (1 Тимофею 1:11). Када во создал о брако. Кай андо ери всаворэ тэ авэн бахталэ и тэ полэн, кай лэн любин, фартэ важно тэ стерэн реӷистрацыя. Кодэла, ко любин лэ Дэвлэс, трэбуй тэ терэн кадя, сар пистромэ андо законо пала реӷистрацыя. (Адиносар Луки 2:1, 4, 5.)

Сар о Дэл диқэл по брако? Во камэл, кай о брако тэ авэл састо и пэ вся жызня. О Иегова камэл, кай о хулай и хулаи тэ зритярэн о алав, саво динэ ек еқэсти (Евреям 13:4). О Дэл нэнавидит о розводо (Малахия 2:16). Но во домэкэл, кай о хулай и хулаи тэ розвэдинпэ и тэ авэл лэндэ нэво брако, если варико андар лэндэ сас аврэса. (Адиносар Матфея 19:3—6, 9.)

2. Сар о хулай и хулаи трэбуй тэ андярэн пэс ек еқэса?

О Иегова создал лэ муршэс и ла жувля кадя, кай вонэ тэ подритярэн ек еқэс и тэ поможын ек еқэсти (Бытие 2:18). О мурш, хулай андо ери. Во трэбуй тэ диқэл, кай ла хулаятэ и лэ бэятонэндэ тэ авэл кода, со трэбуй важ и жызня, ай кадяжэ тэ сытярэл лэн па Библия. Лэ хуласти трэбуй тэ отԥэндёл варисостар важ пэстири хулаи. Вонэ трэбуй тэ любин ек еқэс и тэ стон патив пэ еқаврэстэ. Важ кода, кай всаворэ мануша найсовершэни, фартэ важно тэ сытювас тэ простисарас ек еқэс андо ери. Када поможый, кай о ери тэ авэл бахтало. (Адиносар Эфесянам 4:31, 32; 5:22—25, 33; 1 Петра 3:7.)

3. Со тэ терас, если андо ери исин ԥаримос?

Если андо ери исин ԥаримос, о хулай и хулаи трэбуй тэ сытён тэ любин ек еқэс (1 Коринфянам 13:4, 5). Андэ лэ Дэвлэско Алав на ԥэнэнпэ, кай, кала исин ԥаримос, вонэ трэбуй тэ жувэн роздельно. (Адиносар 1 Коринфянам 7:10—13.)

4. Бэяцэ, со важ тумэндэ камэл о Дэл?

О Иегова камэл, кай тумэ тэ лошавэн ла жызняти. Если тумэ кандэна лэс, тоди тумэндэ на авэла бут саво ԥаримос и тумэ авэна бахталэ. Во кадяжэ камэл, кай тумэ тэ кандэн лэ родителёнэн, важ кода кай вонэ май бут тумэндар ӷанэн и май бут прожудэ (Колоссянам 3:20). Ай инке о Иегова камэл, кай тумэ тэ терэн варисо важ лэстэ и важ лэско Шаво. Во ӷанэн, кай када анэна тумэнди радость. (Адиносар Экклезиаст 11:9—12:1; Матфея 19:13—15; 21:15, 16.)

5. Родителя, со тумэ можэте тэ стерэн важ тумарэ бэяцэ?

Тумэнди трэбуй тэ диқэн пала кода, кай лэ бэятонэндэ тэ авэл, со тэ хан, со тэ лэн пэр пэстэ и кай тэ жувэн (1 Тимофею 5:8). Но кай и бэяцэ тэ барён май бахталэ, тумэнди кадяжэ трэбуй тэ сытярэн лэн тэ любин и тэ кандэн лэ Дэвлэс (Эфесянам 6:4). И андэ када фартэ важно, сар тумэ екжэнэ пэс андярэн. Если и бэяцэ диқэна, кай тумэ екжэнэ любин лэ Дэвлэс, тоди вонэ закамэна тэ терэн кадя жэ, сар тумэ. И Библия поможыя тумэнди тэ сытярэн лэ бэятонэн кадя, кай вонэ тэ авэн пативалэ и годявэрнэ манушэнца. (Адиносар Второзаконие 6:4—7; Притчи 22:6.)

Фартэ важно тэ хвалин лэ бэятонэн и тэ ԥэнэн, кай любин лэн. Но кадяжэ трэбуй тэ сытярэн лэн и тэ наказываете. Када фэрия кодэлэстар, кай вонэ тэ на стерэн кода, состар моӷут тэ ашэн найбахталэ (Притчи 22:15). Но кала сытярэн лэ бэятонэн, на трэбуй тэ авэн жэстоки и ӷруби. (Адиносар Колоссянам 3:21.)

Лэ Иеговастирэ свидетеля вимэклэ дэсави литература, кай тэ поможый лэ родителёнэнди и лэ бэятонэнди. Кадэя литература стерди па Библия. (Адиносар Псалом 19:7, 11.)