26 ӶЛАВА
Васо исин о найлашимос и терэнпэ и биды?
Кала терэлпэ варисаво найлашимос и мануша пушэн: «Васо када тердяпэ?» Пала када амэ можэм тэ уӷанас анда Библия.
1. Сар о Сатана дошало андэ вся найлашимос?
О Сатана жыля против Дэл. Во закамля тэ хулаий пэ авэр, важ када во через о хохаимос подвазгля пэрвонэ манушэн лэ Адамос и ла Ева (Бытие 3:1—5). Во дя гиндо ла Евати, кабута о Иегова гаравэл латар варисо лашо. Андэ пэсти дума во сыкадя, кай и мануша авэна пэ бутэстэ май бахталэ, кала парашэна тэ кандэн лэ Дэвлэс. О Сатана ԥэндя ла Евати, кай вой на мэрэла и када сас пэрво хохаимос. Важ када андэ Библия по Сатана ԥэнэнпэ, кай «во хохавно и дад лэ хохаимаско» (Иоанна 8:44).
2. Со витидэ о Адамо и Ева?
О Иегова дя бут лашимос лэ Адамости и ла Евати. Во мэкля тэ хан па любо витка андо садо Эдэмо, кроме ек (Бытие 2:15—17). Но вонэ на канглэ лэ Дэвлэс. И Ева «ля тэ хал» па кодэя витка, тоди и о Адамо халя (Бытие 3:6). О Адамо и Ева сас совершэни, вонэ вся моӷли тэ терэн правильно. Но вонэ жылэ против законо лэ Дэвлэско и андэ када сас лэнго бэзэх. Вонэ сыкадэ, кай на камэн тэ полэн лэ Дэвлэс. Кадя вонэ халэ пэсти жызня (Бытие 3:16—19).
3. Со ашэля посли кода, со витидэ о Адамо и Ева?
О Адамо ла Еваса стердэ бэзэх кодэлэса, кай жылэ против Дэл. Вонэ ашэлэ найсовершэни и када пэрэдинэ пэстирэ бэятонэнди. Пала Адамо андэ Библия пистромэ: «Через о ек мануш о бэзэх авеля андо миро, ай через о бэзэх авеля и смэрть, и кадя и смэрть пэрэжыля пэ всаворэ мануша» (Римлянам 5:12).
Кай и мануша бут через со исин ԥаримос. Дэкала ԥарэс, кай екжэнэ терас нэправильно или нэправильно терэн авэр. Ай инке можэт тэ авэл ԥарэс, кай мануш попэля най андэ кодэя время или кай варисо тердяпэ дэзначай. (Адиносар Экклезиаст 9:11.)
УӶАНАМ МАЙ БУТ
Андэ кадэя ӷлава амэ уӷанаса, васо о Дэл найдошало, кай терэнпэ и биды и исин бут ԥаримос, и кай лэ Дэвлэстэ дуқал оди, кала амэнди ԥарэс.
4. Ко дошало, кала лэ манушэндэ биды и о ԥаримос?
Бут мануша патян, кай ла люмаса правий о Дэл. Но чаче када кадя? Диқам о ВИДЕО.
Адиносарам Иакова 1:13 и 1 Иоанна 5:19 и подам дума пала вопросо, саво май тэлэ.
Дошало о Дэл андэ кода, кай терэнпэ биды?
5. Со андя лэ Сатанастири правления?
Адиносарам Бытие 3:1—6 и подам дума пала вопросоря, савэ май тэлэ.
Саво хохаимос ԥэндя о Сатана? (Диқэн о стихо 4 и 5.)
Со ԥэндя о Сатана, кай и мануша тэ гиндон, кай о Иегова гаравэл лэндар варисо лашо?
Со ԥэндя о Сатана, кай и мануша тэ гиндон, кай вонэ моӷут тэ авэн бахталэ и би кодэлэско, кай о Дэл тэ хулаий ла люмаса?
Адиносарам Экклезиаст 8:9 и подам дума пала вопросо, саво май тэлэ.
Со паруделя, кала о Иегова парашэля тэ правий?
1. О Адамо ла Еваса сас совершэни и жувэнас андо раё пэ ԥув. Но вонэ патяе лэ Сатанасти и одбанделэ лэ Иеговастар
2. Через кода, кай вазглэпэ против о Дэл, и мануша ашэлэ ӷрешни, ашэля бут ԥаримос и смэрть
3. О Иегова улэла о бэзэх, о ԥаримос и смэрть. И мануша ашэна совершэни и упалэ жувэна андо раё пэ ԥув
6. Кай о Иегова дуқал оди, кала амэнди ԥарэс
Лэ Дэвлэсти всаек, кала амэндэ ԥаримос? Шон сама пэ алава, савэ ԥэндя о царё Давидо и о апостоло Пётро. Адиносарам Псалом 31:7 и 1 Петра 5:7 и подам дума пала вопросо, саво май тэлэ.
Со тутэ по ди кодэлэстар, кай ту ӷанэс, кай о Иегова промэкэл тири дук через пэско ди?
7. О Дэл улэла лэ манушэндар вся о ԥаримос
Адиносарам Исаия 65:17 и Откровение 21:3, 4 и подам дума пала вопросо, саво май тэлэ.
Васо май вушэро по ди кодэлэстар, кай о Иегова улэла вся о ԥаримос и всаворэ па чачимастэ авэна бахталэ?
Ту ӷанглян?
Само пэрво разо о Сатана хохадя по Иегова, кай и мануша тэ гиндон пала лэстэ найдраго. Ӥто о Иегова стерэла кадя, кай лэ манушэндэ на авэла нисаво ԥаримос. Кадэлэса во сыкавэла, кай найдошало и доԥэнэна, кай лэстири правления со май лащи. Кай по Иегова тэ на авэл нисави дош, када со май важно анда вся (Матфея 6:9, 10).
ТУТИ ВАРИКО МОЖЭТ ТЭ ԤЭНЭН: «Со дэла о Дэл, када и амаро».
Со ту лэсти ԥэндоп?
ПАЛА СО АМЭ ДЯМ ДУМА?
Анда кадэя ӷлава амэ уӷанглям, кай о Сатана и о Адамо ла Еваса, дошалэ андэ всаворэ биды и ԥаримос. Амэ уӷанглям, кай о Иегова промэкэл амари дук через пэско ди, и во ӥто стерэла кадя, кабута вся кадэва ԥаримос никала на сас.
Сар ту гиндос?
Саво хохаимос о Сатана Бэнг ԥэндя ла Евати?
Сар дицэля пар мэндэ кода, кай о Адамо и Ева жылэ против Дэл?
Катар ту ӷанэс, кай лэ Иеговастэ дуқал оди, кала тути ԥарэс?
ДИК ИНКЕ
Уӷан, со када бэзэх па Библия.
Проадиносар, пала со ля тэ дэл дума о Сатана андо Эдэмо.
«Васо о Дэл домэкэл о ԥаримос?» («Сторожэво башня» лэ 1 январёстар пала 2014 бэрш)
Кадэлэстар, со ту акана уӷанэса, тути ашэла май вушэро по ди.
«Васо поумардэ фартэ бутэ евреёнэн? Васо о Дэл домэкля када?» (статья по сайто)
Ек мануш поля, васо лэ манушэнди кадя дэ ԥарэс. Уӷан пала лэстэ.