18 ӶЛАВА

Сар тэ полас, ко чачунэ христианоря?

Изображэния

Бут мануша ԥэнэн пэр пэстэ, кай вонэ христианоря, ай кажно патял и жувэл па пэстирятэ. Сар тэ полас, ко чачунэ христианоря?

1. Ко када христианоря?

Христианоря, када лэ Христостирэ ученикоря или кодэла, ко жал пала Иисусо. (Адиносар Деяния 11:26.) О Иисусо екжэно росԥэндя, ко лэстирэ ученикоря. Во ԥэндя: «Если тумэ ритярдён кодэлэсти, сости мэ сытярав, тоди тумэ па чачимастэ мэрнэ ученикоря» (Иоанна 8:31). Када сыкавэл, кай и чачунэ христианоря трэбуй тэ жувэн кадя, сар сытярэлас о Иисусо, ай о Иисусо вся и время сытярэлас па Писания. Важ када и чачунэ христианоря жувэн па Библия и вся, со вонэ росԥэнэн лэ манушэнди, анда Библия. (Адиносар Луки 24:27.)

2. Сар и чачунэ христианоря сыкавэн, кай любин?

О Иисусо ԥэндя пэстирэ учениконэнди: «Любин ек еқэс, сар мэ любисарав тумэн» (Иоанна 15:12). Сар во када терэлас? Во сыкавэлас када пэ дила. Во вся и время сас лэнца, поможыяс и подритярэлас лэн. Во дажэ отдя пала лэндэ пэстири жызня (1 Иоанна 3:16). Кадяжэ и адес, и чачунэ христианоря най кати ԥэнэн, кай любин, ай инке сыкавэн када пэ дила.

3. Сави дила терэн и чачунэ христианоря?

О Иисусо приԥэндя пэстирэ учениконэнди, сави дила вонэ трэбуй тэ терэн. Во бишалдя лэн тэ росԥэнэн пала лэ Дэвлэско Царство (Луки 9:2). И пэрви христианоря росԥэнэнас пала Дэл котэ, кай вонэ стидэнаспэ и везде, кай сас бут мануша, ай кадяжэ вонэ росԥэнэнас па цэра. (Адиносар Деяния 5:42; 17:17.) Андэ амари время и чачунэ христианоря росԥэнэн о чачимос анда Библия везде, кай исин мануша. Вонэ любин всаворэ манушэн и важ када на жалуин пэско зор и время, кай тэ росԥэнэн па Библия пала лашимос, саво авэла англэ (Марка 12:31).

УӶАНАМ МАЙ БУТ

Андэ кадэя ӷлава амэ уӷанаса, ко чачунэ христианоря, ай ко кати ԥэнэн, кай вонэ христианоря, ай па чачимастэ на терэн кода, сости сытярэлас о Иисусо.

4. Вонэ родэн о чачимос андэ Библия

Христианоря анда пэрво вико роздиқэн о свитко. — Лэ христианонэнди, савэ жувэнас андо пэрво вико, сас куч лэ Дэвлэско Алав и Писания

Най всаворэ мануша, савэ ԥэнэн пэр пэстэ, кай вонэ христианоря, жувэн кадя, сар пистромэ андэ Библия. Диқам о ВИДЕО и подам дума пала вопросо, саво посли видео.

ВИДЕО: «Сар кода, сости сытярэлас о Иисусо, сас парудо?» (5:11)

Сар через и қандиря и мануша на уӷанэн, сости сытярэлас о Иисусо?

О Иисусо сытярэлас лэ чачимасти анда лэ Дэвлэско Алав. Адиносарам Иоанна 18:37 и подам дума пала вопросо, саво май тэлэ.

Сар па алава, савэ ԥэндя о Иисусо тэ полас, ко чачунэ христианоря, савэ тердён «пэ риг кай о чачимос»?

5. Вонэ росԥэнэн о чачимос анда Библия

Христианоря анда пэрво вико росԥэнэн пала Дэл па цэра. — И христианоря, савэ жувэнас андо пэрво вико, росԥэнэнас пала Писания аврэнди

Англа кода, сар о Иисусо тэ жал по нэбо, во приԥэндя кодэлэнди, ко кандэл лэс, тэ терэн важно дила, сави трэбуй тэ терас и адес. Адиносарам Матфея 28:19, 20 и Деяния 1:8 и подам дума пала вопросо, саво май тэлэ.

Сар дэ бут пэ ԥув лэна тэ ӷанэн пала чачимос анда Библия, и сар долӷо лэна пала када тэ росԥэнэн?

6. Вонэ жувэн кадя, сар и сытярэн

Сар о Томо поля, кай арақля чачунэ христианонэн? Диқам о ВИДЕО и подам дума пала вопросоря, савэ посли видео.

ВИДЕО: «Мэ ужэ на патявас андэ религии» (5:20)

Васо о Томо парашэля тэ патял андэ веры?
Сар во поля, кай арақля о чачимос?

И дила май бут сыкавэл, чем алава. Адиносарам Матфея 7:21 и подам дума пала вопросо, саво май тэлэ.

Со важ о Иисусо май ӷлавно, кай амэ тэ ԥэнас, кай патяс андэр лэстэ или тэ жувас кадя, сар во сытярэл?

7. Вонэ любин ек еқэс

Христианско ери анда пэрво вико анэн хамос аврэ ерести. — И христианоря, савэ жувэнас андо пэрво вико, любинас ек еқэс

Ӷотови и христианоря тэ отдэн пэстири жызня важ кодэла, ко патян лэнца андо ек Дэл? Диқам о ВИДЕО и подам дума пала вопросоря, савэ посли видео.

ВИДЕО: «Во сас ӷотово тэ мэрэл важ о ԥрал» (2:55)

Васо о Ллойдо ӷотово сас тэ отдэл пэстири жызня важ о Йоханссоно?
Гиндос ту, кай во стердя, сар о чачуно христианино?

Адиносарам Иоанна 13:34, 35 и подам дума пала вопросоря, савэ май тэлэ.

Сар и христианоря, савэ кандэн лэ Иисусос, обжанпэ лэ манушэнца анда авэр нацыя?
Парашэн вонэ тэ любин ек еқэс, кала жал война?

ТУТИ ВАРИКО МОЖЭТ ТЭ ԤЭНЭН: «Сави разница, сави вера. Всаворэ христианоря полэн еқэ Дэвлэс».

Саво стихо анда Библия ту сыкадоп, кай тэ росԥэнэс манушэнди, ко чачунэ христианоря?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай и чачунэ христианоря жувэн па Библия, любин ек еқэс кадя, кай ӷотови тэ отдэн пэстири жызня и сытярэн па Библия аврэн.