Лэ Иеговастирэ свидетеля, када чачунэ христианоря?

Амэ лэ Иеговастирэ свидетеля ӷанас, кай амэ чачунэ христианоря. Васо? Ту полэса, васо амэ кадя ԥэнас, кала уӷанэса, кай кода, андэр со амэ патяс, пистромэ андэ Библия. Уӷанэса, васо амэ пэр пэстэ ԥэнас лэ Иеговастирэ свидетеля и сар амэ на ашавас ек еқэс.

1. Кода, андэр со патян лэ Иеговастирэ свидетеля, вонэ линэ анда Библия чи най?

О Иисусо ԥэндя: «Тиро алав исин чачимос» (Иоанна 17:17). Сар и о Иисусо, лэ Иеговастирэ свидетеля гиндон кадя жэ, сар пистромэ андэ Библия. Андо 19 вико набут мануша линэ внимательно тэ адинон и Библия. Вонэ вся терэнас кадя, сар котэ запистромэ дажэ, кала када на сжаласпэ кодэлэса, сар сытярэнас андэ лэндирэ қандиря. Потом вонэ линэ тэ росԥэнэн аврэнди кода, пала со уӷанэнас анда Библияa.

2. Васо ԥэнас пэр пэстэ, кай амэ лэ Иеговастирэ свидетеля?

Андэ дэлмутни время, о Дэл ԥэндя пэстирэ народости: «Тумэ мэрнэ свидетеля». (Адиносар Исаия 43:10.) Андэ Откровение 1:5 и по Иисусо ԥэнэнпэ, кай во «Верно Свидетелё». О Иегова ԥэнэн по пэско народо, кай вонэ лэстирэ свидетеля, важ кода кай вонэ росԥэнэн пала лэстэ о чачимос (Евреям 11:4—12:1). Важ када андо 1931 бэрш амэ лям тэ ԥэнас пэр пэстэ, кай амэ лэ Иеговастирэ свидетеля. Важ амэндэ када бари бах.

3. Сар лэ Иеговастирэ свидетеля сыкавэн, кай любин кадя жэ, сар о Иисусо?

О Иисусо фартэ любияс пэстирэ учениконэн, вонэ сас важ лэстэ сар ери. (Адиносар Марка 3:35.) Кадяжэ андэ амари время лэ Иеговастирэ свидетеля, сар ек баро ери па вся и ԥув, важ када амэ ԥэнас ек пэ еқэстэ ԥрал или ԥэй (Филимону 1, 2). Лэ Иеговастирэ свидетеля пэ дила сыкавэн, кай любин всаворэн, ко патял лэнца андо ек Дэл. Например, вонэ када терэн, сар жал и бида андэ природа. Амэ любисарас всаворэн андэ собрании (1 Петра 2:17).

УӶАНАМ МАЙ БУТ

4. Вся, пала со амэ сытярас, анда Библия

О Иегова ԥэндя, кай о чачимос анда Библия лэна тэ полэн по набут. Адиносарам Даниил 12:4 и подам дума пала вопросо, саво май тэлэ.

• Со ашэла май бут кай лэ Дэвлэско народо, если вонэ лэна и май дур тэ изучают и Библия?

Уӷанам, сар о Чарлзо Рассэлло и Исследователя Библии старыинаспэ тэ полэн и Библия. Диқам о ВИДЕО и подам дума пала вопросо, саво май тэлэ.

ВИДЕО: «Сар о чачимос анда Библия упалэ линэ правильно тэ полэн?» (7:45)

• Сар изучали и Библия о Чарлзо Рассэлло и мануша, савэ терэнас лэса ек дила?

Ту ӷанглян?

Дэкала амэ лас тэ полас па аврятэ кода, со уӷанглям анда Библия. Васо кадя? Сар тэсара ваздэлпэ о қам, ашэл май светло и май драго лэл тэ дицол. Кадяжэ и о Дэл по набут дэл амэнди май драго тэ полас кода, со запистромэ андэ Библия. (Адиносарам Притчи 4:18.) Кода, со пистромэ андэ Библия, на парудёл. Када амэ парувас пэстирэ гиндоря, кала май драго полас ла.

5. Амэнди поджал кода, сар амэ ԥэнас пэр пэстэ

ВИДЕО: «Кода, сар амэ пэр пэстэ ԥэнас, сыкавэл, ко амэ сам» (2:40)

• Васо, кала ԥэнас, кай амэ лэ Иеговастирэ свидетеля, када поджал каринг амэндэ?

Васо о Иегова витидя лэ манушэн, кай вонэ тэ росԥэнэн о чачимос пала лэстэ? Важ кода кай пэр лэстэ бут хохавэн.

Дэсавэ веры сытярэн, кай лэ Дэвлэсти чалёл, кала тэлён лэ масхарянди или инке варисости. Адиносарам Левит 26:1 и подам дума пала вопросо, саво май тэлэ.

• Ай сар па чачимастэ, чалёл лэ Иеговасти, кала тэлён кацавэ дэвлэнди?

Дэсавэ веры сытярэн, кай о Иисусо, када Дэл. Адиносарам Иоанна 20:17 и подам дума пала вопросоря, савэ май тэлэ.

• Ай сар па чачимастэ, о Иисусо, када Дэл?

• Ай ту кадяжэ гиндос, кай када бари бах тэ авэс лэ Иеговастирэ свидетелёса и тэ росԥэнэс о чачимос пала лэстэ и лэско Шаво?

6. Любисарас ек еқэс

Андэ Библия пистромэ, сар и разни части кай о мануш и тила, стидэ ек еқэса, кадя жэ и христианоря трэбуй тэ авэн сар ек. Адиносарам 1 Коринфянам 12:25, 26 и подам дума пала вопросоря, савэ май тэлэ.

• Сар анда стихоря дицол, со терэн и чачунэ христианоря, кала терэлпэ варисави бида лэ манушэндэ анда собрании?

• Сар лэ Иеговастирэ свидетеля пэ дила сыкавэн, кай вонэ куч ек еқэсти? Росԥэн.

Лэ Иеговастирэ свидетеля анда разни страны всегда авэн тэ поможын кодэлэнди, кастэ бида. Диқам о ВИДЕО и подам дума пала вопросо, саво посли видео.

ВИДЕО: «Амарэ ԥрала андэ Гаити пэрэандярэн о ураӷано „Мэтью“» (5:29)

• Лэ Иеговастирэ свидетеля дэн помощь, кала варикастэ бида через и природа. Сар анда када дицол, кай вонэ любин?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай лэ Иеговастирэ свидетеля, када чачунэ христианоря. Амэ, сар ек баро ери па вся и ԥув. Ай кадяжэ амэ патяс кодэлэсти, со пистромэ андэ Библия и росԥэнас о чачимос пала Иегова аврэ манушэнди.

Сар ту гиндос?

• Васо амэ лям тэ ԥэнас пар мэндэ, кай амэ лэ Иеговастирэ свидетеля?

• Сар амэ обжаспэ ек еқэса?

• Ԥэндоп ту, кай лэ Иеговастирэ свидетеля, када чачунэ христианоря?

ДИК ИНКЕ

Уӷан пала лэ Иеговастирэ свидетеля май бут.

«Лэ Иеговастирэ свидетеля. Диласа сыкадэ, кай патян. Часть 1. Анда тэмнота» (1:00:53)

Лэ Иеговастирэ свидетеля росԥэнэн, сар и мануша андэ разни веры сытярэн хохаимасти.

«Лэ Дэвлэско народо прославий лэско алав» (7:08)

Уӷан, пала со май часто пушэн важ лэ Иеговастирэ свидетеля.

«Кода, со май бут пушэн пала лэ Иеговастирэ свидетеля» (раздело по сайто)

О Стивино вэрыцыяс лэ манушэн анда авэр нацыя. Уӷан, сар о Стивино парудя пэстири жызня, сар уӷангля пала лэ Иеговастирэ свидетеля.

«Мэ ашавас май хужэ» («Сторожэво башня» лэ 1 июлёстар важ 2015 бэрш)