Со ԥэнэнпэ андэ Библия пала кодэла, ко екжэнэ или ко андо брако?

Андэ дэсавэ нацыи через и культура и мануша лэн тэ гиндон, кай если о мурш найжэнато или и щей наймиростэ, вонэ най бахталэ. Но най всаворэ, ко андо брако, бахталэ. Бут кодэлэн, ко екжэнэ, но вонэ лошалэ кадэлэсти. Андэ Библия пистромэ, кай о брако и кала о мануш екжэно, када даро лэ Дэвлэстар.

1. Саво лашимос кай о мануш, кала во екжэно?

Андэ Библия ԥэнэнпэ: «Кадяжэ и кодэва, ко жэнийпэ чи жал миростэ терэл драго, но кодэва, ко на жэнийпэ чи на жал миростэ терэл инке май драго». (Адиносар 1 Коринфянам 7:32, 33, 38.) Сар када тэ полэс? Кодэва, ко екжэно, лэсти на трэбуй тэ заботийпэ пала пэско хулай или хулаи. Важ када вонэ екжэнэ моӷут тэ витидэн каринг пэстири время тэ отдэн и кадя лэндэ исин май бари возможность май бут тэ терэн лэ Дэвлэстири дила. Например, тэ пэрэладэн андэ авэр страна, кай тэ росԥэнэн пала Иегова. И со май ӷлавно, лэндэ май бут время пэ кода, кай лэндири дружба лэ Иеговаса тэ авэл май лащи.

2. Саво лашимос лэ манушэндэ андо брако, саво зареӷистрировано?

Кодэлэндэ, ко андо брако, исин и пэско лашимос. Андэ Библия ԥэнэнпэ: «Дуенди фэдэр, чем еқэсти» (Экклезиаст 4:9). Кадэла алава драго пашон кай о хулай и хулаи, савэ жувэн па библейски принцыпоря. И мануша, савэ терэн реӷистрацыя, дэн алав, кай стона патив, любина и заботинапэ ек пала ек. Через о законо брако лэ бэятонэндэ авэла май надёжно жызня и кай о хулай и хулаи авэла май вушэро по ди, чем кодэлэндэ, кастэ нинай реӷистрацыя, но жувэн вмести.

3. Сар по брако диқэл о Иегова?

Кала о Иегова стидя о пэрво брако, во ԥэндя: «О мурш ашавэла пэстирэ дадэс и пэстиря да и вся и жызня авэла пэстиря хулаяса» (Бытие 2:24). Во камэл, кай о хулай и хулаи тэ любин ек еқэс и вся и жызня тэ авэн вмести. Но если варико ек андар лэндэ тердя билажавардо бэзэх варикаса, тоди о Иегова домэкэл, кай и мануша тэ розвэдинпэ. Кати тоди кодэва, ко найдошало, можэт тэ витидэл тэ розжалпэ чи най (Матфея 19:9)a. Кай о Иегова исин законо, кай трэбуй тэ авэл кати ек хулай и ек хулаи (1 Тимофею 3:2).

УӶАНАМ МАЙ БУТ

4. Цэнисар кода, кай ту екжэно

О Иисусо ԥэнэнас, кай кала о мануш екжэно, када подарко лэ Дэвлэстар (Матфея 19:11, 12). Адиносарам Матфея 4:23 и подам дума пала вопросо, саво май тэлэ.

• О Иисусо на сас жэнато. Тоди со во моӷ тэ терэл важ о Иегова и важ и мануша?

И христианоря, савэ най андо брако, моӷут тэ радуинпэ ла жызняти, если лэна тэ сытён па лэ Иисусоско примеро. Диқам о ВИДЕО и подам дума пала вопросо, саво посли видео.

ВИДЕО: «Верни лэ Дэвлэстирэ служытеля, савэ най андо брако» (3:11)

• Саво лашимос можэт тэ стерэл о христианино андэ лэ Дэвлэсти время, кала во найжэнато или вой наймиростэ?

Ту ӷанглян?

Андэ Библия на ԥэнэнпэ, андэ савэ бэрша и мануша моӷут тэ жэнинпэ. Но андэр латэ пистромэ, кай о мануш трэбуй тэ на авэл «фартэ тэрноро». Андэ кацавэ бэрша лэ манушэстэ исин бари жылания, кай лэстэ тэ авэл кода, со исин кати машкар хулай и хулаи. Через кацави жылания о мануш нэ сможэт годявэрнэс тэ витидэл пэстирэ манушэс (1 Коринфянам 7:36).

5. Драго витидэ пэстирэ манушэс, саво авэла туса вся и жызня

Андэ жызня и мануша прилэн дэсавэ фартэ важни ришэнии и кала вонэ витидэн, пэр кастэ тэ жэнинпэ, када ек анда кацавэ ришэнии. Адиносарам Матфея 19:4—6, 9 и подам дума пала вопросо, саво май тэлэ.

• Васо на трэбуй тэ грабисавэс тэ жэниспэ или тэ жас миростэ?

И Библия сыкавэл, пэр со тэ шос сама, кала витидэс пэстирэ манушэс. Со май ӷлавно, кай кадэва мануш тэ любий лэ Иеговасb. Адиносарам 1 Коринфянам 7:39 и 2 Коринфянам 6:14 и подам дума пала вопросоря, савэ май тэлэ.

• Васо тэ родэс хулас чи хулая трэбуй кати андэ лэ Иеговаско народо?

• Сар па тирятэ, со кай о Иегова по ди, кала о мануш жэнийпэ или жал миростэ пала кодэва, ко на любий лэ Иеговас?

6. Диқэн по брако кадя жэ, сар и о Иегова

Андэ дэлмутни время андо Израилё дэсавэ мурша розжанаспэ пэстирэ жувлянца, важ кода кай лэнди просто кадя камэласпэ. Адиносарам Малахия 2:13, 14, 16 и подам дума пала вопросо, саво май тэлэ.

• Васо о Иегова вэрыцый, кала и мануша розвэдинпэ, если пэ када нинай библейско причина?

Диқам о ВИДЕО и подам дума пала вопросо, саво посли видео.

ВИДЕО: «О брако, када пэ вся и жызня» (4:30)

• Если тиро хулай или хулаи на тэлёл лэ Иеговасти, тоди со ту можэш тэ стерэс, кай тиро ери тэ авэл лошало?

7. Жувэн па лэ Иеговастирэ законоря

ВИДЕО: «Тумэ можэте тэ жувэн па законо, саво кай о Иегова, важ о брако» (4:14)

Адиносарам Евреям 13:4 и подам дума пала вопросо, саво май тэлэ.

• Сар ту гиндос, вушэро чи най тэ ритярэс лэ Иеговаско законо, саво важ о брако? Росԥэн.

О Иегова камэл, кай лэско народо тэ терэл реӷистрацыя, кала жэнинпэ, сар трэбуй па законо андэ страна. И кадяжэ лэна тэ терэн па законо, кала розвэдинпэ. Адиносарам Титу 3:1 и подам дума пала вопросо, саво май тэлэ.

• Исин реӷистрацыя тутэ тирэ хуласа или хулаяса кадя, сар трэбуй па законо?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай если манушэстэ исин ери или если во найжэнато чи вой наймиростэ, када всаек подарко лэ Иеговастар. Кала вонэ лэна тэ ритярэн лэ Дэвлэско законо, тоди лэндэ авэла лащи и бахтали жызня.

Сар ту гиндос?

• Кала важ о мануш можэт тэ авэл сар подарко кода, кай во найжэнато или наймиростэ?

• Васо андэ Библия ԥэнэнпэ, кай тэ жэниспэ чи тэ жас миростэ трэбуй кати пала лэ Иеговаско служытелё?

• Сави исин ек библейско причина, через сави о мануш можэт тэ розвэдийпэ пэстирэ хуласа или хулаяса?

ДИК ИНКЕ

Сар тэ полас и алава, кай трэбуй тэ жэниспэ чи тэ жас миростэ «кати пала кодэва, ко жал па лэ Ӷосподоско дром»?

«Пушэн кодэла, ко адинон» («Сторожэво башня» важ 1 июлё 2004 бэрш)

Кадэла дуй видео поможына тэ витидэс правильно, кала и дума жал пала свидании и пала брако.

«Ай ту ӷотово каринг о брако?» (11:53)

Андэ кадэва видео о ԥрал росԥэнэн, кай лэсти прижыляпэ бут пэр со тэ жал, но о Иегова лэс фартэ блаӷословисардя.

«Мэ надеисававас, кай вой лэла тэ полэл лэ Иеговас» (1:56)

Пэр со трэбуй тэ шос сама англа кода, сар лэса тэ гиндос, кай тэ розвэдиспэ или тэ жувэс одельно?

«Стон патив па брако» («Сторожэво башня» важ декабрё 2018 бэрш)