Сар найчачунэ веры лажаварэн лэ Дэвлэс?

Если о Дэл исин любовь, тоди васо и разни веры, савэ ԥэнэн, кай вонэ лэ Дэвлэстар, терэн бут найлашимос и лэндар жан и биды? Важ кода кай вонэ хохавнэ и ԥэнэн найчачимос пала Дэл. Сар вонэ када терэн? Сар диқэл пэ када о Дэл? И со во важ када стерэла?

1. Сар и найчачунэ веры лажаварэн лэ Дэвлэс через кода, сар вонэ сытярэн?

И хохавнэ веры «парудэ о чачимос важ о Дэл по хохаимос» (Римлянам 1:25). Андэ Библия пистромэ, трэбуй тэ ақарас лэ Дэвлэс па алавэстэ (Римлянам 10:13, 14). Но бут веры сытярэн лэ манушэн, кай лэ Дэвлэстэ нинай алав. Сар варикастэ тердяпэ варисави бида и рашая ԥэнэн, када лэ Дэвлэстар. Када хохаимос, важ кода кай андэ Библия пистромэ, кай о Дэл нэ можэт тэ терэл о найлашимос. (Адиносар Иакова 1:13.) Через кацаво хохаимос и мануша одбандён лэ Дэвлэстар.

2. Сар и найчачунэ веры пэстиря диласа лажаварэн лэ Дэвлэс?

И қандиря обжанпэ лэ манушэнца най кадя, сар о Иегова. Андэ Библия пистромэ, кай «латирэ ӷрехоря стидэпэ жы каринг о нэбо» (Откровение 18:5). Всаворэ викоря и хохавнэ веры ԥэнэн, со тэ терэн лэ барэ манушэнди андэ политика и бут со терэн, кай тэ жан и войны. Сар бы тэ на авэл, и хохавнэ веры дошалэ андэ кода, кай мэрэн фартэ бут мануша. Дэсавэ рашанди чалёл тэ жувэн барвалэс и через када вонэ лэн ловэ лэ манушэндар, савэн сытярэн. Пэстиря диласа вонэ сыкавэн, кай совсем на ӷанэн лэ Дэвлэс и через када лэндэ нинай муй тэ сытярэн и тэ дэн дума лэ Дэвлэстирэ алавэстар. (Адиносар 1 Иоанна 4:8.)

3. Сар о Дэл диқэл пэ хохавнэ веры?

Лэл тут и холи, кала диқэс, со терэн и қандиря? Тоди, со тэ ԥэнас пала Иегова? Во любий лэ манушэн, но лэс фартэ лэл и холи, кала и рашая сытярэн хохаимасти и найдраго обжанпэ лэ манушэнца. Во дэл алав, кай розмарэла и хохавнэ веры и лэн никала будэр на авэла (Откровение 18:21). Ӥто о Дэл улэла всаворэ хохавнэ веры (Откровение 18:8).

УӶАНАМ МАЙ БУТ

4. Лэ Дэвлэсти чалён най всаворэ веры

Бут мануша гиндон, кай всаворэ веры, када разни дрома, савэ всаек андярэн каринг о Дэл. Но чаче када кадя? Адиносарам Матфея 7:13, 14 и подам дума пала вопросо, саво май тэлэ.

• Саво дром, сар пистромэ андэ Библия, андярэл каринг и жызня?

Диқам о ВИДЕО и подам дума пала вопросо, саво посли видео.

ВИДЕО: «Чалён ли лэ Дэвлэсти всаворэ веры?» Набут анда видео (3:22)

• Сытярэл и Библия кодэлэсти, кай лэ Дэвлэсти чалён всаворэ веры?

5. И хохавнэ веры на ритярэн о законо, кай тэ любин ек еқэс

И хохавнэ веры отшон лэ Дэвлэс кодэлэса, кай участвуют андэ войны. Диқам о ВИДЕО и подам дума пала вопросоря, савэ посли видео.

ВИДЕО: «Со тердэ и қандиря, кала жалас и Дуйто мирово война?» (2:22)

• Со терэнас и рашая, кала жалас и Дуйто мирово война?

• Со ту гиндос пала кода, со вонэ терэнас?

Адиносарам Иоанна 13:34, 35 и 17:16 и подам дума пала вопросо, саво май тэлэ.

• Сар па тирятэ, со кай о Иегова по ди, кала во диқэл, сар жан пэ война и мануша, савэ патян андо Дэл?

• И хохавнэ веры дошалэ андэ бут барэ биды. Росԥэн, сар и веры на ритярэн лэ Дэвлэско законо, кай трэбуй тэ любин ек еқэс.

6. О Дэл на камэл, кай и мануша тэ авэн андэ хохавнэ веры

Адиносарам Откровение 18:4a и подам дума пала вопросо, саво май тэлэ.

• Со тутэ по ди, кала уӷанглян, кай о Дэл камэл тэ поможый лэ манушэнди, савэ исин андэ хохавнэ веры?

7. На параш тэ уӷанэс пала чачуно Дэл

Дошало о Дэл андэ кода, со терэн и хохавнэ веры? Погиндосарам, о шаво на кандэл пэстирэ дадэс и ужал цэрал. Во лэл тэ залэлпэ найлащя диласа и попэрэл андэ бида. Ԥэндоп ту, кай дошало о дад андэ кода, со терэл о шаво?

• Васо найсправедливо тэ дошалярас лэ чачунэ Дэвлэс лэ Иеговас и тэ парашас тэ уӷанас пала лэстэ, через и хохавнэ веры?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай и хохавнэ веры лажаварэн лэ Дэвлэс кодэлэса, сар сытярэн лэ манушэн и кай через лэндэ бут биды. О Дэл улэла и хохавнэ веры.

Сар ту гиндос?

• Сар ту диқэс пэ кода, кай и веры хохавэн по Дэл?

• Сар о Иегова диқэл пэ хохавнэ веры?

• Со о Дэл стерэла лэнца?

ДИК ИНКЕ

Уӷан, сар и хохавнэ веры лажаварэн лэ Дэвлэс.

«Лэ Дэвлэсти всаек, сави тумэндэ вера? Всаворэ веры чалён лэсти?» (статья по сайто)

Васо о Иегова камэл, кай амэ тэ тэлювас лэсти лэ манушэнца, савэ лэс любин?

«Трэбуй тэ жал андэ варисави вера, кодэва, ко патял андо Дэл?» (статья по сайто)

О рашай ля тэ гиндой, ай правильно кода, андэр со во патял. Када на тердярдя лэс тэ уӷанэн о чачимос пала Дэл.

«Васо о рашай парашэля тэ служый андэ қандири?» («Прошонпэ!», журнало пала февралё важ 2015 бэрш)

Бут викоря и веры росԥэнэнас о найчачимос пала Дэл. Через када и мануша гиндонас, кай лэ Дэвлэсти всаек пэ мануша и кай во жэстоко. Уӷан пала када о чачимос анда Библия.

«Хохаимос, через саво ԥарэс тэ любис лэ Дэвлэс» («Сторожэво башня» лэ 1 ноябрёстар пала 2013 бэрш)