«Лэ Дэвлэско Алав авэла вечно»
«И чар вишутеля, о цвитко хындэля, но лэ Дэвлэско Алав авэла вечно» (ИС. 40:8).
1, 2. а) Сави авелоп амари жизня би ла Библияко? б) Кала лэ Дэвлэско Алав май бут может тэ поможый амэнди?
КАТИ погиндосар, сави авелоп амари жизня, сар тэ на авелоп амэндэ и Библия. Амэндэ на авелоп мудри советоря пэ кажно дес, амэ на ӷанглоп о чачимос пала Дэл, пала жизня и со авэла англэ. И на уӷанглоп, сар о Иегова обжаласпэ лэ манушэнца.
2 Драго, кай амэндэ най кадя. О Иегова дя амэнди пэско Алав, и Библия. И во дэл алав, кай лэсти весть авэла вечно. Андэ пэско пэрво пи́сьмо о апостоло Пётро запистросардя алава лэ Дэвлэстар анда Исаия 40:8, саво главно андэ кадэя статья. И хоть во дэлас дума пала «лэ Иеговаско Алав», вся када, со ԥэндя о Пётро, можно тэ ԥэнэс, ужал андэ библейско весть. (Адиносар 1 Петра 1:24, 25a). Чаче, и Библия может тэ поможый, если вой авэла пэ шыб, сави амэ драго полас. Кодэла, ко любин лэ Дэвлэско Алав, дэлмут када полинэ. Пала фартэ бут бэрша и мануша, кастэ лашо ди, стонас пэско зор, кай тэ пэрэандярэн и Библия и тэ роздэн ла аврэнди. Вонэ терэнас кадя, сар камэлас о Дэл, кай «всаворэ мануша тэ спасынпэ и драго тэ полэн о чачимос» (1 Тим. 2:3, 4).
3. Со амэ роздиқаса андэ кадэя статья? (Диқэн и картинка англа статья.)
3 Андэ кадэя статья амэ роздиқаса, сар о Дэл фэрияс и Библия, кала 1) паруделэпэ и алава андэ шыб, 2) варисо парудёлас андэ мирово политика и када дэкала парувэлас и шыб, пэ сави дэнас дума машкар пэстэ и мануша анда разни страны, и 3) терэнас вся, кай тэ на пэрэандярэн и Библия пэ авэр шыба. Када поможыя инке май фартэ тэ ценисарас лэ Дэвлэс и лэско Алав (Мих. 4:2; Рим. 15:4).
ПАРУДЕЛЭПЭ АЛАВА АНДЭ ШЫБ
4. а) Сар времяса парудён алава андэ шыб? б) Андар со дицол, кай о Дэл на диқэл, сави кай о мануш нация, и со амэндэ кадэлэстар андо ди?
4 Прожал время и алава андэ шыб парудён. Времяса о смысло кай и алава может тэ парудёл. Может ту ӷанэс, сар паруделэпэ алава андэ тири шыб. Кадяжэ и андэ еврейско и греческо шыб, пэ сави май бут запистромэ ла Библиятирэ части. Андэ амарэ деса еврейско и греческо шыб фартэ на шолпэ пэ еврейско и греческо, пэ сави дэнас дума андэ библейско время. Даже кодэла, ко камэл тэ полэл и Библия и ӷанэн адесутни еврейско и греческо шыб, всаек трэбуй тэ адинон ла пэ пэсти шыб. Дэсавэ мануша камэн тэ висытён дэлмутни еврейско и греческо шыб, кай май драго тэ полэн и Библия. Но када лэнди на поможыя кадя, сар вонэ гиндон. Адес и Библии или дэсавэ книги андар латэ пэрэандярдэ май бут, чем пэ 3 200 шыба. Дицол, о Иегова камэл, кай лэско Алав тэ поможый «всаворя нацияти, лэ еренди, лэ народости и ла шыбати». (Адиносар Откровение 14:6b). Кала када ӷанас, амэ инке май фартэ любисарас амарэ Дэвлэс, саво на диқэл, сави кай о мануш нация (Деян. 10:34).
5. Соса и Библия короля Якова на шолпэ пэ авэр?
5 Шыба, пэ савэ сас пэрэандярди и Библия, кадяжэ парудён. Дэкала ла Библияко переводо, саво и мануша спэрва полэнас, времяса уже на полэн. Давайте уӷанаса пала ла Библияко переводо пэ английско шыб. И Библия короля Якова вижыля андо 1611 бэрш. Кадэва ла Библияко переводо, ашэля само ашунгло машкар авэр переводоря пэ английско шыб. Ай инке мануша линэ тэ дэн дума и тэ пистрон кадя, сар котэ пистромэ. Трэбуй тэ шас сама, кай андэ Библия короля Якова почти нинай лэ Дэвлэско алав. И переводчикоря ашадэ алав Иегова кати андэ дэсавэ стихоря андэ Ветхо Завето. Ай андэ авэр стихоря андэ Еврейски Писаний, кай сас спэрва лэ Дэвлэско алав, стодэ алав «ГОСПОДЬ», саво сас пистромэ барэ буквэнца. Прожыля время и кадэва же алав стодэ андэ дэсавэ стихоря андэ Христиански Гречески Писания короля Якова. Кадяжэ кодэла, ко вимэклэ и Библия короля Якова ԥэндэ, кай лэ Дэвлэско алав трэбуй тэ авэл и андэ Нэво Завето.
6. Васо амэ ценисарас «Перевод нового мира»?
6 Фартэ бут бэрша и мануша адинонас и Библия короля Якова. Но адес кацавэ алавэнца, савэ андэр латэ, уже на дэн дума. Када же можно тэ ԥэнэс и пала пэрви ла Библиятирэ переводоря пэ авэр шыба. Сар же амэ благодарни, кай исин «Нэвэ мироско переводо». И Библия пэрэандярдэ пэ шыб, сави амэ адес полас! Варикастэ кадэва переводо исин вся и Библия, ай дэкай исин части андар латэ, лэн май бут, чем пэ 150 шыба. Важ када ла могут тэ адинон май бут, чем епаш манушэн пэ люма. Через кадэва переводо амэ драго полас и Библия, и весть андар латэ дожал каринг оди (Пс. 119:97). Драго, кай андэ «Перевод нового мира» лэ Дэвлэско алав исин котэ, кай во и трэбуй тэ авэл.
ШЫБ, ПЭ САВИ ДЭН ДУМА МАШКАР ПЭСТЭ И МАНУША АНДА РАЗНИ СТРАНЫ
7, 8. а) Васо андо трито вико жы кай И. Х. бут евреёря на полэнас Еврейски Писания? б) Со када Септуагинта?
7 Через кода, кай варисо парудёласпэ андэ политика, дэкала парудёлас и шыб, пэ сави дэнас дума машкар пэстэ и мануша анда разни страны. Со стердя о Иегова, кай нисо тэ на тердярэл тэ полэн лэско Алав? Диқаса, сар када сас. Пэрви 39 книги андэ Библия пистросардэ израильтяноря или евреёря. Спэрва о Дэл дя кадэла святи алава лэнди (Рим. 3:1, 2). Но андо трито вико жы кай И. Х. бут евреёря на полэнас пэстири шыб. Васо? Важ кода кай о Александро Македонско захутелдя бут страны (Дан. 8:5—7, 20, 21). Бут мануша, ай кадяжэ и евреёря, савэ жувэнас андэ кодэла страны, линэ тэ дэн дума пэ греческо шыб. Важ када бутэ манушэнди ашэлас май ԥарэс тэ полэн Еврейски Писания. Можно лэнди сас варисар тэ поможын?
8 Варикай андо трито вико жы кай И. Х. па еврейско шыб пэрэандярдэ пэ греческо пэрви панч книги анда Библия. Прожыля время и кодэла книги, савэ ашэлэпэ анда Еврейски Писания пэрэандярдэ андо дуйто вико жы кай И. Х. Кала стидэ кадэла библейски книги пэ греческо шыб андэ ек книга, пэр латэ линэ тэ ԥэнэн Септуагинта. Када само дэлмутно переводо Еврейских Писаний, саво сас запистромэ.
9. а) Сар и Септуагинта и авэр переводоря, савэ сас спэрва, поможынас лэ манушэнди тэ полэн лэ Дэвлэско Алав? б) Савэ стихоря анда Еврейски Писания май фартэ всаворэстар тумэнди чалён?
9 Важ кода кай сас Септуагинта и евреёря, савэ дэнас дума пэ греческо шыб и авэр мануша, могли тэ полэн Еврейски Писания. Кати погиндосар, со сас лэндэ по ди, кала вонэ ашунэнас или адинонас лэ Дэвлэско Алав пэ шыб, сави ашэля лэнди чачи! Времяса дэсавэ части анда Библия пэрэандярдэ пэ авэр шыба, пэ савэ дэнас дума бут мануша, пэ кацавэ, сар сирийско, готско и латинско. Кала и мануша адинонас и Священно Книга пэ кодэя шыб, сави полэнас, лэнди кадя же, сар и амэнди адес, чалёнас дэсавэ стихоря. (Адиносар Псалом 119:162—165c). Лэ Дэвлэско Алав на паруделяпэ, даже кала паруделяпэ и шыб, пэ сави дэнас дума машкар пэстэ и мануша анда разни страны.
И МАНУША ТЕРЭНАС ВСЯ, КАЙ ТЭ НА ПЭРЭАНДЯРЭН И БИБЛИЯ ПЭ АВЭР ШЫБА
10. Васо, кала жувэлас о Джоно Уиклифо, бут прости мануша на полэнас и Библия?
10 Дэкала барэдэра терэнас вся, кай и прости мануша тэ на адинон и Библия. Но слинэ мануша, савэ терэнас кадя, кай вой тэ авэл. Ек андар лэндэ сас Джон Уиклиф, саво жувэлас андо 14 вико андэ Англия. Во полэлас, кай лэ Дэвлэско Алав трэбуй тэ авэл кажнонэстэ. Но андэ кодэя время андэ Англия, кай о просто народо нэ могла тэ авэл и Библия. Васо? Пэрво, бут мануша нэ могли тэ тинэн кадэя книга, важ кода кай кажно Библия пэрэпистронас вастэса и вой ашэлас фартэ куч. Дуйто, бут мануша на ӷанэнас тэ адинон. И даже, кала вонэ ашунэнас, сар адинонас и Библия андэ қандири, вонэ мало со полэнас, важ кода кай ашунэнас ла Библияко переводо (Вульгата) пэ латинско шыб. Кадэя шыб андэ кодэя время уже на полэнас и кадя на дэнас дума. Сар же вонэ могли тэ полэн кода, со пистромэ андэ Библия? (Прит. 2:1—5).
О Джоно Уиклифо и авэр мануша терэнас кадя, кай лэ Дэвлэско Алав тэ авэл всаворэндэ и кай вонэ тэ полэн лэс. Исин тумэндэ кацаво андо ди? (Диқэн о абзацо 11.)
11. Со сас после кода, сар вижыля лэ Уиклифости Библия?
11 Андэ 1382 бэрш вижыля ла Библияко переводо пэ английско шыб, пэр латэ линэ тэ ԥэнэн лэ Уиклифости Библия. Кадэва переводо чалеля кодэлэнди, ко жалас пала Джоно Уиклифо, пэр лэндэ ԥэнэнас лолларды. Вонэ камэнас, кай и прости мануша тэ полэн лэ Дэвлэско Алав и кай во тэ дожал каринг лэнго ди. Вонэ жанас гав гавэстар и кадя пешком обжылэ вся и Англия. Бут разоря вонэ заадинонас лэ манушэнди и стихоря анда лэ Уиклифости Библия и ашавэнас латирэ копии, савэ лэ вастэса пистросардэ. Через кода, со терэнас и лоллардоря и мануша упалэ закамлэ тэ полэн и Библия.
12. Со линэ тэ терэн и рашая лэ Уиклифостиря Библияса и кодэлэса, со терэнас и лоллардоря?
12 И барэ рашая нащи тэрпинас лэ Уиклифос, кодэлэн, ко сас лэса и лэстири Библия. И рашая на дэнас жизня лэ лоллардонэнди. Вонэ фартэ родэнас лэ Уиклифости Библии, кай тэ улэн ла. После кода, сар муля о Уиклифо, андэ лэстири қандири пэр лэстэ линэ тэ ԥэнэн отступнико. Тоди и рашая приԥэндэ, кай лэ Уиклифостирэ кокаля тэ виӷанавэн, тэ сԥабарэн и тэ вишон о прахо андэ лэн Свифт. Но бут мануша камэнас ла тэ адинон и тэ полэн. И қандири нэ могла тэ тердярэл када. Прожыля май бут, чем шэл бэрш, и бут мануша андэ Европа и андэ авэр страны линэ тэ пэрэандярэн и Библия пэ шыба, савэ полэнас и прости народоря. А инке ла линэ печатать.
«ДЭЛ, САВО СЫТЯРЭЛ ТУТ КОДЭЛЭСТИ, СО ВАЖ ТУТЭ АВЭЛА ДРАГО»
13. Андэр со амэ патяс и сар када терэл амари вера май састи?
13 На трэбуй тэ гиндос, кай и переводоря Септуагинта, лэ Уиклифости Библия, Библия короля Якова и авэр переводоря, слинэ лэ Дэвлэстар. Но всаек, кала амэ гиндосарас, сар пэрэандярэнас и Библии, амэ драго полас, кай сар дя о Иегова алав, кай фэрия и Библия, во кадя и стердя. Хэба, када на терэл амари вера май састи, кай о Иегова стерэла вся, со пэндя? (Иис. Н. 23:14).
14. Сар лэ Дэвлэско Алав терэл кадя, кай амэ инке май фартэ тэ любисарас лэ Дэвлэс?
14 Кала амэ гиндосарас, сар и Библия дожыля жы кай амарэ деса, када поможыя амэнди инке май фартэ тэ любисарас лэ Иеговасd. Васо во амэнди дя и Библия и дя алав, кай во фэрия ла? Важ кода кай во любий амэн и камэл тэ сытярэл кодэлэсти, со важ амэндэ авэла драго. (Адиносар Исаии 48:17, 18e). Пэсти благодарность важ лэстири любовь амэ можем тэ сыкавас кодэлэса, кай анда оди любисарас лэс и терас кадя, сар ԥэнэнпэ андэ лэско законо (1 Иоан. 4:19; 5:3).
15. Пала со амэ подаса дума андэ авэр статья?
15 Если Библия важ амэндэ куч, вой на авэла варикай. Сар тэ стерэс кадя, кай кала адинос и Библия май бут ла тэ полэс и тэ прилэс важ пэстэ кода, со адинос? Со поможыя амэнди май драго тэ росԥэнас лэ манушэнди, кай вонэ тэ закамэн тэ полэн и тэ прилэн, со андэр латэ ԥэнэнпэ? Сар и ԥрала андэ собрания могут драго тэ полэн, кай вся, сости вонэ сытярэн па сцена, када анда Библия? Пала када амэ уӷанаса андэ авэр статья.
a 1 Петра 1:24, 25: «Важ кода кай „всаворэ мануша, сар чар, и вся лэндири слава, сар цвитко. И чар вишутёл, о цвитко хындёл, но лэ Дэвлэско Алав авэла вечно“. Када и исин „Алав“, саво тумэнди росԥэндэ, сар лащи весть».
b Откровение 14:6: «Мэ диқлэм аврэ ангелос... савэстэ сас вечно чачимос, кай тэ росԥэнэн кодэлэнди, ко жувэл пэ ԥув, всаворя нацияти, лэ еренди, лэ народости и ла шыбати».
c Псалом 119:162—165: «Мандэ бари радость тирэ алавэстар, када сар манушэстэ, саво захутилдя бут хабэ. Мэ нэнавижу о хохаимос, во гряца манди, тиро же законо любисарав. Семь раз андо дес прославляю тут пала кода, кай андо тиро сындо исин кати чачимос. Кодэла, ко любий тиро законо, лэндэ мирно и важ лэндэ нинай бар, через саво вонэ тэ пэрэн».
d Диқэн рамка «Пэ када трэбуй тэ диқэс!».
e Исаии 48:17, 18: «Кадя ԥэнэн о Иегова, саво витинэл тут, Свято Израилё: „Мэ, Иегова, тиро Дэл, саво сытярэл тут кодэлэсти, со важ тутэ авэла драго, саво андярэл тут па кодэва дром, пэ саво тути трэбуй тэ жас. Тэ ритярэс ту лэ Дэвлэско законо, тоди авэла тутэ мирно кадя, сар андэ лэн бут паи и тири дила, сави лащи андэ лэ Дэвлэстирэ яқа, может тэ авэл кадя бут, сар бут волны андэ моря“».