Лэ Дэвлэстири любовь парувэла тири жызня

О Дэл амэн создал фартэ драго. Во стердя кадя, кай амэндэ и тила екжэни тэ зажувэл, сар амэ ла шындям, дямдап чи пусадям пэ варисостэ. И сар амэнца када терэлпэ, вся со андар мэндэ исин, залэл тэ терэл кадя, кай тэ парашэл тэ питял о рат чи тэ зажувэл и тила.

ПОГИНДОСАР. Кодэва, ко вся создал стердя кадя, кай и тила тэ састярэл корко пэс. Хэба када тути на дэл тэ патяс, кай во дэла зор тэ улэс о ԥаримос, саво исин тутэ по ди? Акэ со ԥэндя пала Дэл ек анда кодэла, ко пистросардя о Псалом: «Во на вэрэцый кодэлэн, кастэ фартэ ԥарэс по ди. Во пэрэԥандэл кода, со лэндэ дуқал» (Псалом 147:3). Сар тутэ фартэ дуқал оди и ту бут пала со фартэ загиндоспэ, патя, кай о Иегова улэла и тиро ԥаримос па оди. Со дэл андэ када тэ патяс?

О ДЭЛ ЛЮБИЙ ЛЭ МАНУШЭН. СО АМЭ УӶАНАС АНДА БИБЛИЯ ПАЛА КАДА?

О Дэл дэл алав: «На дар, важ кода кай мэ туса. На дик па рига даратар, важ кода кай мэ тиро Дэл. Мэ дава тути зор, поможысарава тути» (Исаия 41:10). Кала сэрэс, кай о Иегова тут любий, тоди андо ди нинай дар и исин зор тэ пэрэандярэс о ԥаримос. О апостоло Павло ԥэндя, кай када «лашимос андо ди, саво лэ Дэвлэстар, саво май баро кодэлэстар, со о мануш полэл». Во пистрой: «Пэ вся мандэ исин зор, важ кода кай исин кодэва, ко лэс манди дэл» (Филиппийцам 4:4 жы кай 7, 9, 13).

Кода, со пистромэ андэ Библия, дэл май фартэ тэ патяс, кай авэла англэ лашимос, пала саво о Иегова дя алав. Ԥэнаса, андэ Откровения 21:4, 5 (о стихо пистромэ пэ авэр страница). Андо стихо ԥэнэнпэ, со о Иегова камэл тэ терэл и васо амэ можэм кадэлэсти тэ патяс.

• «Тоди во виқосэла всаворэ ясва» па амарэ яқа. О Иегова улэла вся о ԥаримос и пала со амэ фартэ загиндосавас, дажэ сар варикасти кадэва ԥаримос, здэлпэ, найбаро.

• «Кодэва, ко бэшэл по престоло», о всемоӷущё царё пэстирэ зорэса лэла тэ диқэл пала амэндэ и тэ фэрий всаворэстар, со андоп амэнди ԥаримос.

• О Иегова дэл тэ патяс андэ кода, кай лэстирэ алава «чачунэ и найхохавнэ». О чачуно Дэл най еқвар стерэлас кода, со ԥэнэнас. И лэс ӷанэн, сар кодэлэс, ко зритярэл всаворэ пэстирэ алава.

«„Тоди во виқосэла всаворэ ясва па лэндирэ яқа, и смэрть будэр на авэла, нисави бида, ни дук будэр на авэла. Кода, со сас, прожыля“. Кодэва, ко бэшэл по престоло ԥэндя: „Акэ, мэ терав вся нэво“ и инке ԥэндя: „Запистросар, важ кода кай кадэла алава чачунэ и найхохавнэ“» (Откровение 21:4, 5).

И природа, сави исин круӷом амэндэ и кода, со ԥэнэнпэ андэ Библия сыкавэн, саво амаро Дад, саво исин по нэбо и сар во пэс андярэл. И природа на сыкавэл ворта, кай о Дэл камэл амэнца май драго тэ ладий. Ай андэ Библия ворта ԥэнэнпэ: «Авэн май пашэ каринг о Дэл, и во пашола каринг тумэндэ» (Иакова 4:8). Андэ Деяния 17:27 ԥэнэнпэ: «[О Дэл] па чачимастэ найдур кажнонэстар амэндар».

Со май бут ту лэса тэ уӷанэс пала Иегова, со май фартэ лэса тэ патяс андэ кода, кай «во диқэл и фэрий [тут]» (1 Петра 5:7). Парувэла тири жызня, кай ту фартэ патяс андэ када?

Акэ со сас лэ Тороса, саво анда Япония. Лэс вибарярдя и дэй, сави лэ Иеговаско свидетелё. Но во сԥангляпэ бидови́ манушэнца, пэ савэ ԥэнэн японско мафия якудза. Во росԥэнэн: «Мэ гиндосаравас, кай о Дэл ман вэрыцый и кода, кай мулинэ мэрнэ пашутнэ и кодэла, кас мэ ӷанавас, када о Дэл спушэл мандар важ мэрно бэзэх». О Торо прижандёлпэ, кай во сас машкар холинатирэ мануша. Через када лэстэ ашэля «баруно ди и во на полэлас, сар сас ԥарэс аврэ манушэнди». Во сэрэл, со во камэлас тэ стерэл. Во ԥэнэн: «Мэ камавас тэ мэрав андэ тэрнэ бэрша. И инке камавас тэ умарав барэ манушэс, саво май ашунгло мандар и кадэлэса тэ ашундював».

О Торо пэстиря хулаяса ла Ханнаса линэ тэ сытён па Библия. Посли када во ля па аврятэ тэ диқэл пэ жызня и па аврятэ пэс тэ андярэл. И Ханна ԥэнэн: «Мэрно хулай парудёласпэ пэ яқа!» Акана о Торо анда вся оди ԥэнэн: «Дэл исин по нэбо, саво любий кажнонэс андар амэндэ. Во на камэл, кай и мануша тэ мэрэн. Во камэл всаворэ одеса тэ простий лэ манушэс, саво анда вся оди каийпэ пала бэзэх, саво стердя. Лэ Иеговасти росԥэнэса вся со по ди, кода, со авэр на полэна. Йто о Иегова улэла вся о ԥаримос и биды. Дажэ акана во поможый кадя, сар ту и на аштярэс. О Дэл фартэ полэл кодэлэн, касти ԥарэс по ди» (Псалом 136:23).

О Дэл йто улэла вся амаро ԥаримос и виқосэла всаворэ ясва. Кала ӷанэс када, тутэ исин зор най кати тэ аштярэс о лашимос, саво авэла англэ, но када дэл тэ авэс май бахталэ ужэ адес. И со сас лэ Тороса драго када доԥэнэн. Дицол, кай дажэ андо миро, андэ саво ԥэрдо ԥаримос, лэ Дэвлэстири любовь парувэла тири жызня каринг о лашимос