Тэ авэс бахтало можно дажэ адес
ТУТ аштярэл райкани жызня англэ, андэ сави на авэла насвалимос, ԥуримос и смэрть! Но пока всаворэндэ амэндэ инке исин бут ԥаримос. Со тэ терас, кай и жызня тэ ашэл май лащи? И Библия поможый тэ авас бахталэ и лошалэ ужэ акана. Давай уӷанаса, кала андэ жызня и Библия можэт тэ дэл помощь.
ЛОШАВЭН ЛА ЖЫЗНЯТИ
Совето анда Библия: «Мэк андэ тумари жызня на авэла любовь каринг и ловэ. Авэн лошалэ кодэлэсти, со исин» (Евреям 13:5).
Адес пэ мануша тасавэл и реклама, кай вонэ тэ тинэн вещи, би савэнго, здэлпэ, нисар на прожувэна. Но андэ Библия ԥэнэнпэ тэ авас лошалэ «кодэлэсти, со исин». Со важ када трэбуй тэ стерас?
Фэринпэ, кай тэ на любин и ловэ. Важ и ловэ и мануша хасарэн о зор, о ери, лэ друӷонэн и совесть, ай кадяжэ хасарэн и репутацыя (1 Тимофею 6:10). Но хэба када ашэл, кай тэ потинэн кацави бари цэмин, если кодэва, ко цырдэлпэ каринг о барвалимос, всаек лэса на чалёла? (Экклезиаст 5:10).
Цэнин лэ манушэн, ай най о хабэ. Чаче, и вещи трэбуй тэ авэн андэ амари жызня. Но вонэ нэ моӷут тэ любин амэн, када моӷут тэ терэн кати и мануша. Кай андэ жызня тэ авэл бах и лош, пэ пэрво ҭан трэбуй тэ авэн друӷоря, ай най и вещи (Притчи 17:17).
ЕСЛИ ТУ ТЕРЭС КАДЯ, САР ПИСТРОМЭ АНДЭ БИБЛИЯ, ТУ АВЭСА БАХТАЛО УЖЭ АДЕС
НАЙЛАШО ЗОР
Совето анда Библия: «О радостно ди лечий, сар лашо драб» (Притчи 17:22).
И радость поможый тэ борисавас лэ насвалимаса, сар о лашо драб, саво лечий. Сар тэ на парашэс тэ радуиспэ, если исин ԥаро насвалимос?
Ав блаӷодарно. Если тэ гиндос кати пала пэско насвалимос, тоди всаворэ деса здэнапэ ԥарэ (Притчи 15:15). Фэдэр, сар ԥэнэнпэ андэ Библия, тэ авэс блаӷодарно (Колоссянам 3:15). Сытю тэ шос сама по лашимос андэ жызня и тэ блаӷодарис дажэ важ варисо найбаро. О шукарно закато, вушэро балвалёры и приятно улыбка, вся када поможый тэ радосавас ла жызняти.
Заботинпэ пала авэр. Дажэ если амэндэ найлашо зор, амэ авэса бахталэ тоди, кала дас, ай най кала лас (Деяния 20:35). Кала амэн блаӷодарин кодэла, касти амэ поможысардям, кадэлэстар май драго по ди, и амэ бистрас пала пэско ԥаримос. Амари жызня ашэл май фэдэр, кала амэ заботисавас пала авэр и терас лэндири жызня май лащи.
БАХТАЛО ЕРИ
Совето анда Библия: «Драго... уӷанэн, со май фартэ трэбуй» (Филиппийцам 1:10).
О хулай и хулаи, савэ на прояндярэн бут время ек еқэса, моӷут тэ парашэн тэ любин еқаврэс. Но годявэрнэ хулай и хулаи цэнин ек еқэс, важ кода кай о брако фартэ важно андэ лэндири жызня.
Терэн вся вмести. Тумэ можэте тэ диқэн, со трэбуй тэ парувэн андэ пэстири жызня и тэ лэн тэ терэн варисо вмести. Андэ Библия ԥэнэнпэ: «Дуенди фэдэр, чем еқэсти» (Экклезиаст 4:9). Можно еқэҭанэ тэ гитон тэ хан, тэ залэнпэ спортоса, тэ отцыён, ай кадяжэ тэ виарақэн интересно дила, сави чалёла лэдуенди.
Сыкавэн, кай любин ек еқэс. И Библия ԥэнэн, кай о хулай и хулаи трэбуй тэ любин и тэ стон патив пэ еқаврэстэ (Эфесянам 5:28, 33). О ери авэла инке май бахтало, кала о хулай и хулаи заасан и приоблэн ек еқаврэс или терэн найбарэ подаркоря ек еқэсти! И канешно, о хулай и хулаи на бистрэн, кай тэ авэн верни вонэ трэбуй кати ек еқэсти (Евреям 13:4).