Кай и учони вижыля «тэ ростерэн» о пурано свитко

АНДО 1970 бэрш по западно бэрэӷо пэ Мёртво моря, андо Эйн-Геди (Израилё), кодэла, ко розӷанавэн кода, со пашлёл дэлмут андэ ԥув, розӷанадэ и синагога. Вой сас сԥабарди варикай андо шовто вико лэ И. Х. вмести лэ гавэса. Кала розӷанавэнас, виарақлэ опԥабардо свитко. Во сас кацаво, кай лэс нэ моӷли тэ проадинон. Лэс нащи сас тэ ростерэс, кай тэ на росшордёл. Найдэлмут, через о сканеро 3D, о свитко злинэ и ростердэ андо компьютеро. Через кода, кай акана исин само нэви проӷрамма, сави сыкавэл, со котэ пистромэ, кай и учони вижыля тэ уӷанэн, со пистромэ андо свитко.

Андэр лэстэ сас которо анда библейско тексто, саво сас анда Еврейски Писании. Када пэрви дэсавэ стихоря анда книӷа Левит. Андэр лэндэ сас запистромэ лэ Дэвлэско алав сар тетраграмматоно. Кода, со виарақлэ, файма, сас пистромэ лэ пятидесятонэ бэршэстар жы каринг о четырёхсото бэрш лэ И. Х. Вижал кадэва дэлмутно свитко виарақлэ посли кода, сар виарақлэсас и Кумрански свиткоря. Сар сас пистромэ андэ ӷазета «Джерузалем пост», «жы каринг кода, сар проадиносардэ о свитко, саво виарақлэ андо Эйн-Геди, андэ саво сас пистромэ которо анда книӷа Левит, и учони на виарақэнас свиткоря, андэ савэ авелоп запистромэ алава анда Еврейски Писании пала тысяча бэрш лэ Кумрансконэ свитконэндар жы каринг средневеково Алеппско кодексо. И Кумрански свиткоря сас запистромэ в концэ времени Второго храма, ай средневеково Алеппско кодексо сас запистромэ андо десято вико лэ И. Х.». Сар ԥэнэн и учони, кадэва свитко сыкавэл, кай кода, со пистромэ андэ Тораa «на паруделяпэ дажэ через тысячи бэрш и кала лэс пэрэпистронас, андэр лэстэ на стердэ ошыбки».