О Иегова вся и время андэ амари жызня сас само ӷлавно

Мэ арақаделэмпэ 19 мая андо 1940 бэрш. Андо Ливанско найбаро форо Амьюн. Прожылэ дэсавэ бэрша и амаро ери пэрэлагля андо Триполи. Мэ барилэм андо бахтало ери, андо саво всаворэ любинас лэ Иеговас. Мандэ сас трин ԥэя и ек ԥрал. Мэ андар лэндэ сымас само цынёнё. Важ мэрно дад и дэй и бути никала на сас по пэрво ҭан андэ жызня. Со май ӷлавно амэндэ сас, када тэ изучаем и Библия, тэ ԥирас пэ собрании и тэ росԥэнас аврэнди пала Дэл.

Андэ амари собрания сас най ек памазанико. Ек андар лэндэ када сас о Мишель Абуд, саво проандярэлас и книгоизучения. Тоди ԥэнэнас кадя, пэ кадэя встреча. Во уӷангля о чачимос пала Дэл андо Нью-Йорко и блаӷодаря лэсти андо 1920 бэрш пала када линэ тэ росԥэнэн и андо Ливано. Мэ сэрав, сар кадэва ԥрал фартэ заботияспэ и столас патив пэ дуй тэрнэ ԥэя, савэ прожылэ и Школа Галаад. Када сас и Энн и Гуэн Бивер. И ман када фартэ ля лэ одестар. Мэ идоси сэрав пала када. Амаро ери фартэ лэнца подружысайля. Прожылэ бут бэрша, кала мэ додиқлэм упалэ ла ԥья Энн андэ Америка. Мэ сымас фартэ лошало. Ай ӷэт май интя, мэ додиқлэм ла ԥья Гуэн, сави потом вижыля пала Уилфредо Гуч. Вонэ служынас андо Вефилё андо Лондоно.

РОСԤЭНАС ПАЛА ДЭЛ АНДО ЛИВАНО

Кала мэ сымас бэятоса, андо Ливано лэ Иеговастирэ свидетелёнэн сас совсем набут. Но амэ всаек анда вся оди фартэ камасас тэ росԥэнас лэ манушэнди пала Дэл. И терасас амэ када, хоть пар мэрнэ фартэ тасавэнас и рашая. Дэсавэ маменторя мэ идоси фартэ драго сэрав.

Еқвар амэ ла ԥьяса росԥэнасас пала Дэл андэ этажка. И акэ, кала амэ дасас дума лэ манушэнца, авеля о рашай. Можэт лэсти варико ԥэндя, кай амэ аваса. Во ля тэ ԥэнэн найлашэ алава пэ мэрни ԥэй и кадя росхоляйля, кай шутя ла па лесница. Мэрни ԥэй фартэ дяпэдап. И варико ақардя лэ ран. Кала авелэ и рая, вонэ дажэ позаботисайлэ, кай тэ поможын мэрня ԥьяти. Ай лэ рашас и рая залинэ андэ ваздии. Лэстэ виарақлэ пистолето. Тоди о рай пушля лэстар: «Ту ко кацаво, ту рашай чи бандито?»

Ай еқвар сас кацаво, кай амари собрания ля автобусо, кай тэ ладас андэ ек найбаро форицэ, кай тэ росԥэнас пала Дэл. Во сас фартэ дур. Вся сас драго, пока ек рашай на уӷангля, кай амэ авелям. Тоди во подвазгля пар мэндэ лэ мирос. Вонэ линэ тэ шон андэр мэндэ бара и попэлинэ лэ дадэсти ворта андо шэро. Мандэ идоси англа яқа лэ дадэско муй, саво сас зашуто ратэса. Мэрни дэй андярдя лэс андо автобусо и всаворэ сас паша лэндэ. Мэ никала на забистрава, со ԥэндя мэрни дэй, кала вой мақэлас лэ дадэсти и рана. Вой ԥэнэнас: «Иегова, простисар лэн. Вонэ на полэн, со вонэ терэн».

Ай инке, со мэ сэрав, када сас, кала амэ лаглям каринг амаро родо. Амэ авелям каринг о папо, ай лэстэ бэшэлас о рашай. Во ӷанэнас, кай мэрно дад и дэй сас лэ Иеговастирэ свидетеля. Хоть манди сас кати шов бэрш, о рашай закамля ман тэ лажаварэл и пушля: «Ай васо ту идоси най болдо?» Мэ ԥэндэм: «Важ кода кай мэ инке цынёнё и кай тэ болдював, манди трэбуй май бут тэ уӷанав анда Библия и кай мандэ тэ авэл лащи дружба лэ Дэвлэса». Лэсти фартэ на чалеля, со мэ ԥэндэм и во ԥэндя мэрнэ папости, кай мэ на стодэм пэр лэстэ патив.

Но, сар тэ на авэл, кацавэ маменторя сас набут. Мануша анда Ливано сас ковлэ одеса и любинас, кала лэндэ зажалас о миро. Важ када амэндэ сас бут лащи дума пала Библия и амэ проандярасас бут изучении Библии лэ манушэнца.

ПЭРЭЛАДАС АНДЭ АВЭР СТРАНА

Кала мэ инке сытювавас андэ школа, каринг амэндэ андэ собрания авеля тэрно ԥрал. Во сас анда Венесуэла. Котэ пэ собрания во уӷангля мэрня ԥья ла Вафа. Прожыля набут время, вонэ пожэнисайлэ и пэрэлаглэ андэ Венесуэла. Мэрни ԥэй фартэ пала мэндэ скучияс и андэ пэстирэ письморя вся и время пистрояс лэ дадэсти, кай амэ, вся о ери тэ пэрэладас интя. Прожыля набут время, и амэ пэрэлаглям кордэ.

Андэ Венесуэла амэ авелям андо 1953 бэрш и лям тэ жувас андо форо Каракасо, найдур, кай тердёлас лэ президентоско цэр. Манди чалёлас андэ Венесуэла. Мэ сымас инке подростко, и важ када мэ тердювавас ԥэрнадэ моса, кала проладэлас лэ президентости барвали шукарни машына. Ай акэ мэрнэ родителёнэнди сас найвушэро андэ кадэя страна. Лэнди сас ԥарэс тэ присытён каринг и шыб, каринг и культура, каринг о хамос и каринг о климато. Но, кала вонэ кати линэ тэ присытён каринг кадэя страна, андэ амаро ери тердяпэ бари бида.

АМЭНДЭ ТЕРДЯПЭ БИДА

Кай мэрно дад резко тердяпэ найдраго лэ зорэса. Амэ фартэ удивисайлям, важ кода кай мэ никала на сэрав, кай мэрно дад тэ авэл насвало. Ай и врачоря ԥэндэ, кай лэстэ найлащи дук. Лэсти стердэ операцыя, но вой на поможысардя лэсти. Прожыля курко и во муля.

На росԥэнэса алавэнца, сар дэ ԥарэс сас амарэ ерести. Манди сас кати 13 бэрш. Амэндэ фартэ паруделя и жызня. Мэрни дэй на камэлас тэ патял, кай лэ дадэс будэр нинай. Но амэ полям, кай амэнди трэбуй тэ жувас дальшэ и о Иегова дя зор тэ пэрэжувас кадэя бари бида. Кала манди сас 16 бэрш, мэ закончил и школа. И акана манди камэласпэ тэ поможысарас мэрнэ ерести.

Прожыля время и мэрни ԥэй и Сана вижыля пала Рубено Араухо, саво посли Школа Галаад рисайля андэ Венесуэла. Потом вонэ вмести пэрэлаглэ андо Нью-Йорко. И кала о ери ԥэндя, кай манди трэбуй тэ сытював андо университето, мэ пэрэлаглэм каринг лэндэ. Кадя мэ моӷ лэндэ тэ жував и тэ сытював. Вонэ фартэ поможысардэ манди, кай мандэ тэ авэл лащи дружба лэ Иеговаса. Ай инке андэ мэрни собрания («Бруклин, Испанское») сас бут ԥрала, савэндэ лащи дружба лэ Иеговаса и савэ най ек бэрш служынас лэсти. Манди дажэ выпэля бах тэ уӷанав лэ ԥралэн Милтоно Хеншело и Фредерико Френцо, савэ служынас андо бруклинско Вефилё.

Мэ кати бэрш сытювавас андо университето и лэм тэ загиндосавав, правильно мэ тердэм, кай лэм катэ тэ сытював. Андэ «Сторожэво башня» мэ часто адиносаравас пала христианоря, савэ стонас лэ Иеговас по пэрво ҭан. Мэ бут гиндосаравас пала кадэла примероря, ай инке пэ собрания мэ диқавас, савэ дэ бахталэ и пианероря и вефильцоря и мэ камавас тэ авав кацаво жэ, сар вонэ. Но каринг кодэя время мэ инке на болделэм. И тоди мэ полэм, сар дэ важно тэ дав алав лэ Иеговасти, кай жувава важ лэстэ и тэ болдював. Мэ кадя и стердэм. Андо 1957 бэрш 30 марта мэ болделэм.

ПРИЛАВ ФАРТЭ ВАЖНО РИШЭНИЯ

Кала мэ болделэм, мэ фартэ закамлэм тэ авав андэ полновременно служэния, но тэ авав пианеро и тэ сытював андо университето сас ԥарэс. Важ када мэ закамлэм тэ ашавав о университето и камавас тэ рисавав андэ Венесуэла, кай тэ служысарав сар пианеро. Мэ бишалдэм письмо андэ Венесуэла мэрнэ ерести, и ԥэндэм, кай камав тэ ашав пианеро и тэ ашавав о университето. Пэ кадэя тема амэ бишаласас ек еқэсти фартэ бут письморя.

И акэ андо июнё андо 1957 бэрш мэ рисайлэм андо форо Каракасо. Мэрно ери фартэ чорорэс жувэлас и лэнди трэбуй сас помощь. Как раз андэ кодэва маменто манди ԥэндэ тэ терав цыло дес бути андо банко. Но мэ кадя камавас тэ служысарав пианероса. Мэ ж важ када и рисайлэм андэ Венесуэла. Важ када мэ закамлэм и тэ терав пэ бути андо банко и тэ служысарав. Кадя сас дэсавэ бэрша. Мандэ на сас ни ек свободно минута, но мэ всаек сымас бахтало, сар никала!

Мэрни жызня ашэля инке май бахтали, кала мэ уӷанглэм ла ԥья Сильвия, сави фартэ любияс лэ Иеговас. Вой пэстирэ родителёнэнца пэрэлагля анда Германия андэ Венесуэла. Амэ ласа пожэнисайлям. Амэндэ арақаделэпэ дуй бэяцэ. О шаво Мишель, инке амэ лэс ақарас Мико, и щей Самира. Кадяжэ мэ лэм каринг пэстэ мэрня да, кай тэ диқав пала латэ. Манди прижыляпэ тэ ашавав и пианерско служэния, кай тэ заботисавав пала мэрно ери. И всаек андо ди мэ ашаваспэ пианеро. Амэ ла Сильвияса кажно разо, кала амэндэ вижалас, ласас подсобно пианерско. Например, кала амэндэ сас отпуско.

ВИТИДАВ КОДА, СО МАЙ ВАЖНО АНДЭ МЭРНИ ЖЫЗНЯ

Кода, со мэ росԥэндэм спэрва, сас тоди, кала амарэ дуй бэяцэ сытёнас андэ школа. И амэ ужэ жувасас, можно тэ ԥэнэс, барвалэс. Пэр мандэ стонас патив андо банко, но мэ камавас, кай ман тэ ӷанэн, сар лэ Иеговастирэ свидетелёс. Мэ пала када гиндосаравас и важ када амэ мэрня хулаяса подям дума пала кода, скати амэ затерас ловэ и скати амэндэ розжанпэ ловэ. Вужылимос амэндэ на сас. Если мэ тэ ужав па бути, тоди манди диноп барэ ловэ пэ пэрво время. Лэн хутилдоп пэ долӷонэстэ, если амэ линоп тэ жувас май просто.

Тэ ашавав кацави бути сас найвушэро, но мэрни хулаи и мэрни дэй фартэ ман подритярдэ. И мэ лэм упалэ тэ служысарав, сар пианеро! Сар жэ мэ када аштяравас! Вся сас роздраго. Но андэ мэрни жызня упалэ варисо паруделя.

ЛАШО ПОДАРКО ЛЭ ДЭВЛЭСТАР

И Сильвия уӷангля, кай вой аштярэл бэятос. Амэ када на аштярасас, но амэ обрадосайлям кадэлэсти. Амэ лям тэ ӷотовимся каринг кода, кай ӥто андо ери авэла цынёнё бэято. И акана манди трэбуй сас тэ полав, лава мэ упалэ варикала тэ служысарав пианероса. Ай мэ када фартэ камавас.

Кала амэ подям дума лэ ереса, амэ ришыли, кай мэ смоӷу упалэ тэ служысарав пианероса. Мэрно шаво арақаделяпэ андо апрелё андо 1985 бэрш. Но мэ ужылэм анда банко и андо июнё андэ кадэва жэ бэрш, мэ лэм пианерско. Прожыля набут время и мэ лэм тэ служысарав андо камитето филиала. Но о Вефилё сас най андо форо Каракасо, ай 80 километров лэстар. Манди трэбуй сас тэ ездисарав интя дувар или тривар андо курко.

УПАЛЭ ПЭРЭЛАДАС

О филиало сас андо форо Ла-Виктория. Важ када амэ лэ ереса пэрэлаглям кордэ, кай тэ авас май пашэ каринг о Вефилё. Кажно андар мэндэ трэбуй сас варисо тэ ашавэл. Ман ля лэ одестар, сар мэрно ери, ӥто отԥэнделя кодэлэстар, каринг со вонэ присытелэ. Мэрни ԥэй и Баха рисайля тэ диқэл пала мэрни дэй. Мэрно шаво о Мико ужэ сас жэнато, ай и Самира и о Габриэлё инке жувэнас амэнца. Важ када тэ пэрэладэн лэнди сас найвушэро, важ кода кай вонэ ашавэнас пэстирэ друӷонэн. Ай мэрня хулаяти трэбуй сас тэ присытёл каринг и просто жызня андэ цынёнё форицэ и каринг о найбаро цэр, саво амэндэ сас андэ кодэва маменто. Да, всаворэ амарэ ерести сас найвушэро тэ пэрэладэл.

И упалэ вся парудёлпэ. Мэрно шаво о Габриэлё жэнисайля, и Самира ля тэ жувэл отдельно. Андо 2007 бэрш амэн ла хулаяса ақардэ андо Вефилё, кай амэ служысарас и идоси. Амаро барэдэр шаво о Мико ашэля старейшына и вмести пэстиря хулаяса ла Моникаса служын пианеронэнца. О Габриэлё тожэ старейшына и жувэл андэ Италия пэстиря хулаяса. Ай амари щей и Самира служый пианероса. И инке удалённо поможый андо Вефилё.

МЭ ПА ЧАЧИМАСТЭ БАХТАЛО

Андэ мэрни жызня най еқвар резко вся парудёлас, но мэрнэ ришэнии, савэ мэ прилавас, мэ никала на парудоп. Тэ авэл мандэ возможность, кай мэ тэ прилав упалэ кодэла жэ ришэнии, савэ мэ прилэмас тоди, мэ лэн и акана прилиноп и дажэ на загиндосайлоп. Манди фартэ куч и дила, сави мандэ сас андэ служэния лэ Иеговасти. Важ кадэла бэрша мэ полэм, кай фартэ важно, тэ авэл лащи дружба лэ Иеговаса. Амэнди прижалпэ андэ жызня тэ прилас разни ришэнии, и дэкала када ԥарэс тэ стерас. Но о Иегова поможый и можэт тэ стерэл, кай по ди тэ авэл мирно и спокойно (Флп. 4:6, 7). Манди и мэрня хулаяти фартэ чалёл тэ служысарас андо Вефилё. Кала амэ сгиндосарас, сави жызня прожудям, амэ полас, кай о Иегова подритярэлас амэн и лэсти чалёлас кода, со амэ витидасас. Важ кода кай во сас ӷлавно андэ амари жызня.