Пушэн кодэла, ко адинон
Со о Павло камля тэ ԥэнэн кадэлэ алавэнца: «Через о законо мэ мулэм важ о законо»? (Гал. 2:19).
О апостоло Павло пистросардя: «Через о законо мэ мулэм важ о законо, кай тэ жундював важ о Дэл» (Гал. 2:19).
Кадэла алава о Павло пистросардя лэ ԥралэнди андэ собрания андэ Галатия. Но со во камля тэ ԥэнэн кадэлэ алавэнца? Дэсавэ христианоря линэ тэ патян кодэлэнди, ко хохавэнас и доԥэнэнас, кай лэ манушэсти важ и спасения трэбуй тэ ритярэл лэ Моисеёско законо. Кордэ ужалас о законо пала обрезания. Но о Павло ӷанэнас, кай о Дэл ужэ када лэ манушэндар на аштярэлас. Важ када во андэ пэстирэ письморя доԥэндя, кай када хохаимос и поможысардя лэнди май фартэ тэ патян андэ лэ Иисусостири жэртва (Гал. 2:4; 5:2).
Андэ Библия драго росԥэнэнпэ, кай кала о мануш мэрэл, лэс ужэ никай нинай и во ужэ нэ можэт тэ ритярэл нисаво законо (Эккл. 9:5). Важ када лэ Павлостирэ алава «мэ мулэм важ о законо» сыкавэн, кай во будэр на жувэл па лэ Моисеёско законо. Но во ӷанэнас, кай блаӷодаря кодэлэсти, кай во патял андэ лэ Иисусоско выкупо, во ԥэнэса жунделя важ о Дэл.
Васо тоди о Павло ԥэнэн, кай када «через о законо»? Набут стихоря май англэ во ԥэндя, «кай о мануш авэла лашо англа Дэл, най важ кода кай ритярэл о законо, ай важ кода, кай патял андэ лэ Иисусостири жэртва» (Гал. 2:16). Да, чаче лэ Моисеёско законо сас фартэ важно. О апостоло Павло росԥэндя, кай кадэва законо трэбуй сас, «кай тэ дицол ко терэл нэправильно, и лэс трэбуй сас тэ ритярэн, пока на авэла о потомко, савэсти сас дино алав» (Гал. 3:19). Блаӷодаря лэ Моисеёстирэ законости и ӷрешни мануша полэнас, кай вонэ нэ смоӷут тэ терэн вся точно кадя, сар запистромэ андэ кадэва Законо. Лэнди трэбуй сас, кай варико тэ отдэл важ лэндэ совершэно жэртва. Вижал, кай через кадэва Законо, и мануша полэнас, кай трэбуй тэ авэл о «потомко», о Иисус Христос. И акана о мануш можэт тэ авэл лашо англа Дэл, кати если патял андо Иисусо (Гал. 3:24). Ек анда кацавэ мануша, саво патяя андо Иисусо, сас о Павло. Кода, кай во полэлас лэ Моисеёско законо, поможысардя лэсти тэ патял андо Иисусо, кай во сас Христос, савэс бишалдя о Дэл. Важ када о Павло ԥэндя: «Мэ мулэм важ о законо, кай тэ жундював важ о Дэл». Лэсти ужэ на трэбуй сас тэ ритярэл кадэва Моисеёско законо. Акана во трэбуй сас тэ жувэл па нэво лэ Дэвлэско законо.
Кацаво жэ гиндо о Павло пистросардя и лэ римлянонэнди: «Кадя и тумэ ԥрала, мулинэ важ о законо через лэ Иисусостири жэртва... Но амэ мулям важ о законо и будэр на жувас пар лэстэ» (Рим. 7:4, 6). Андэ кадэла стихоря, сар и андэ Галатам 2:19 о Павло на камля тэ ԥэнэн, кай если на лэна тэ жувэн па лэ Моисеёско законо, тоди и мануша мэрэна. Во камля тэ ԥэнэн, кай и во и авэр христианоря будэр на трэбуй тэ жувэн тала кадэва законо. И када блаӷодаря кодэлэсти, кай и мануша патян, кай о Иисусо отдя важ лэндэ пэстири жызня.