«Мэ тиносарава всаворэ народоря»

1, 2. Пала сави землятрясения, сави жал андэ амари время, ԥэндясас о пророко Аггеё?

И МАНУША андо Непало андо 2015 бэрш пэрэжудэ землетрясения. Вонэ росԥэнэн, кай важ дэсавэ минуты и маӷазиноря, и цэра, и здании роспэлинэпэ, и и мануша нашэнас, даранас и цыпинас. Кадя сас дэсавэ минуты, ай лэ манушэнди здяпэ, кай када сас вечно. Если варисо кацаво и тумэндэ сас, тоди тумэ долӷо на бистрэна пала кодэя страшно время.

² Ай адес амэ диқас авэр землетрясения, и вой най кати андэ ек форо или страна. Када захутилэл вся и ԥув и жал ужэ бут бэрша. Акэ со пала када ԥэндясас о пророко Аггеё: «Важ кода кай кадя ԥэнэн о Иегова, Хулай пэ войскоря: „Йто мэ инке еқвар тиносарава о нэбо и ԥув, и моря и суша“» (Агг. 2:6).

3. Соса и землетрясения, пала сави ԥэндя о пророко Аггеё, на шолпэ пэ кода, кала терэлпэ бида андэ природа?

³ О Аггеё ԥэндясас пала кода, кай тинояпэ и ԥув, и када на шолпэ пэ кода, кала терэлпэ бида андэ природа, и сави кати вся розмарэл. О Иегова екжэно ԥэндя, кай када анэна лашимос. Во ԥэндя: «Мэ тиносарава всаворэ народоря, и сомнака анда всаворэ народоря авэна андэ кадэва цэр» (Агг. 2:7). Со када сыкавэлас важ кодэла, ко жувэлас андэ лэ Аггеёстири время? Со када важ амэндэ сыкавэл? Подаса дума пала када и уӷанаса, сар амэ можэм тэ терас и дила, пала сави ԥэнэнпэ андэ кадэва пророчество.

КОДА, СО ԤЭНДЯ О АГГЕЁ, ПРИДЯ ЗОР

4. Васо о Иегова бишалдя каринг пэско народо лэ Аггеёс?

⁴ О Иегова лэ Аггеёсти дя фартэ важно дила. Сгиндосарам, со сас. Май ӥто всаворэстар о Аггеё сас машкар кодэла, ко рисайля анда вавилонско плено андо Иерусалимо андо 537 бэрш жы кай И. Х. Кадэла лэ Иеговастирэ служытеля, савэ на парашэнас лэс тэ кандэн, линэпэ тэ ваздэн лэ Иеговаско храмо и зашутэ о фундаменто (Езд. 3:8, 10). Но прожыля совсем набут время, и вонэ парашэлэ тэ строин, важ кода кай пэр лэндэ линэ тэ тасавэн и народоря, савэ жувэнас паша лэндэ (Езд. 4:4; Агг. 1:1, 2). Важ када андо 520 бэрш жы кай И. Х. о Иегова ԥэндя, кай о Аггеё тэ жал и тэ придэл зор лэ израильтянонэнди, кай вонэ тэ дотерэн о храмо (Езд. 6:14, 15)b.

5. Васо кода, со ԥэндя о Агеё лэ израильтянонэнди, трэбуй сас тэ дэл зор лэнди?

⁵ Кода, со ԥэндя о Аггеё лэ израильтянонэнди, трэбуй сас тэ дэл зор лэнди, кай вонэ инке май фартэ тэ патян лэ Иеговасти. Лэндэ умэклэпэ и вас, и кай тэ подритярэл лэн, во ԥэндя кацавэ алава: «„Ав састо, вся о народо пэ кадэя ԥув“, ԥэнэн о Иегова, „и тер бути“. „Важ кода кай мэ тумэнца“, ԥэнэн о Иегова, Хулай пэ войскоря» (Агг. 2:4). Шон сама, кай о Иегова катэ ԥэнэн пэр пэстэ, кай во Хулай пэ войскоря. Васо? Кадя во камля тэ сыкавэл лэ израильтянонэнди, кай лэстэ по нэбо исин фартэ бут анӷелоря. Посли кадэла алава и евреёря трэбуй сас анда вся оди тэ патян лэ Иеговасти, и тоди вонэ стердоп кода, со лэндар аштярэлас о Дэл.

6. Каринг со анэна кода, кай о Иегова «тиноя» всаворэ народоря?

⁶ Через о Аггеё о Иегова ԥэндя: «Мэ тиносарава всаворэ народоря». Анда кадэла алава и израильтяноря, савэ умэклэ и вас, полинэ, кай о Иегова дэл алав, кай тиноя и народоря андэ Персия. Када сас мирово правительство андэ кодэя время, и котэ жувэнас бут народоря. Каринг со када анэна? Спэрва лэ Дэвлэстирэ служытеля достроина о храмо, ай потом и авэр народоря, савэ най евреёря, лэна лэ Дэвлэстирэ народоса тэ служын лэ Иеговасти андэ кадэва храмо. Кода, со ԥэндя о Аггеё, придя зор лэ Дэвлэстирэ народости! (Зах. 8:9).

О ИЕГОВА «ТИНОЙ» И ԤУВ АНДЭ АМАРЭ ДЕСА

7. Сави дила, сави «тиной» всаворэ народоря, амэ терас? Росԥэнэн.

⁷ Ай сар о пророчество, саво ԥэндя о Аггеё, терэлпэ и андэ амарэ деса? О Иегова инке еқвар «тиной» всаворэ народоря, и амэ лэсти андэ када поможысарас. Сар када тэ полас? Погиндосарам пала када. Андо 1914 бэрш о Иегова стодя Царёса пэстирэ Шавэс, лэ Иисус Христос (Пс. 2:6). Но лэ Иеговаско Царство на андя нисаво лашимос кодэлэ манушэнди, савэ правин пэ ԥув. Када сыкавэлас, кай прожыля и время, андэ сави правинас и народоря и и правителя, савэ на служынас лэ Иеговасти (Луки 21:24). Лэ Дэвлэстирэ служытеля полинэ када и линэ всаворэнди тэ росԥэнэн пала лэ Дэвлэско Царство, и кай када само ӷлавно, пэр со моӷут тэ надеинпэ и мануша. Лэ 1919 бэршэстар вонэ анда вся оди и, сар никала, линэ тэ росԥэнэн кадэя лащи весть пала Царство, сави «тиной» вся и люма (Матф. 24:14).

8. Сар бут мануша андярэн пэс, кала ашунэн пала лэ Дэвлэско Царство, сар ԥэнэнпэ андэ Псалом 2:1—3?

⁸ Сар о миро ашунэл и лащи весть пала Царство? Май бутэ мирости на чалёл када. (Адиносар Псалом 2:1—3.) Вонэ, можно тэ ԥэнэс, жан против и отԥэндён тэ прижанэн лэ Иеговастирэ Царёс, савэс во стодя. Важ лэндэ и весть, сави амэ росԥэнас, на анэн радость. Дажэ дэсавэ правителя заԥандадэ амари дила, кай амэ тэ парашас тэ росԥэнас пала Царство! И хоть бут мануша андэ кадэла правительстворя ԥэнэн, кай вонэ служын лэ Дэвлэсти, но тэ ашавэн пэстири власть на камэн. Адес, сар и андэ пэрво вико, и правителёря на дэн спокойно тэ служын лэ Иеговасти. И кадя вонэ сыкавэн, кай вонэ жан против лэ Иеговаско памазанико (Деян. 4:25—28).

9. Со о Иегова терэл, кала и мануша на камэн тэ ашунэн пала лэско Царство?

⁹ Со о Иегова терэл, кала и мануша на камэн тэ ашунэн пала лэско Царство? Амэ можэм тэ диқас, со ԥэнэнпэ андо Псалом 2:10—12: «Царёря, обгиндонпэ, тумэ, ко сындой и ԥув, приашундёнпэ, кала тумэнди подԥэнэн. Служын лэ Иеговасти баря пативаса, лошавэн и даран лэстар. Стон патив по шаво, кай о Дэл тэ на холявэл, и кай тумэ тэ на мэрэн. Важ кода кай во можэт ӥто тэ росхолявэл. Бахталэ кодэла, ко патян, кай во фэрия». О Иегова жалуий и дэл время пэстирэ вороӷонэнди, кай вонэ тэ обгиндонпэ и тэ залэн лэстири риг. Но время ашэляпэ совсем набут. Амэ жувас андэ «послидни деса» андэ кадэя люма (2 Тим. 3:1; Ис. 61:2). Лэ манушэнди фартэ трэбуй тэ уӷанэн о чачимос анда Библия и тэ лэн тэ служын лэ Иеговасти. Тэ цырдэн и время нащи!

ДРАГО АШУНЭН ПАЛА ДЭЛ

10. Сар и мануша лэна тэ ашунэн и весть пала лэ Дэвлэско Царство, сави запистромэ андэ книӷа Аггея 2:7—9?

¹⁰ Но всаек исин кодэла мануша, савэ ашунэн пала лэ Дэвлэско Царство. И сар ԥэндя о Аггеё, о Иегова «тиноя» всаворэ народоря, и «сомнака анда всаворэ народоря авэна». Када сыкавэл, кай и мануша, савэндэ лашо ди, авэна, кай тэ служын лэ Иеговасти вмести лэстирэ народосаc. (Адиносар Аггея 2:7—9.) И кай када авэла тэ терэлпэ андэ «послидни деса», ԥэндя о пророко Исаия и о пророко Михеё (Ис. 2:2—4; Мих. 4:1, 2).

11. Сар о ԥрал андярдя пэс, кала пэрво разо ашундя пала лэ Дэвлэско Царство?

¹¹ Уӷанаса, сар и весть, сави «тиной» всаворэ народоря, поможысардя еқэ ԥралэсти, саво служый андо Вефилё андэ ӷлавно управления. Во идоси сэрэл кодэва дес, кала варикай 40 бэрш палпалэ во пэрво разо ашундя пала лэ Дэвлэско Царство. Во фартэ обрадосайля, кала уӷангля, кай ӥто авэла конец кадэла люмати. Во поля, кай лэстэ тэ авэл вечно жызня и кай во тэ жувэл тала лэ Дэвлэско Царство, лэсти трэбуй тэ залэл лэ Иеговастири риг и тэ парашэл тэ надеийпэ пэ мануша андэ кадэя люма. Во сразу пала вся када росԥэндя лэ Иеговасти андэ молитва. Во парашэля тэ надеийпэ пэ правительства андэ кадэя люма и поля, кай кати лэ Дэвлэско Царство можэт лэс тэ фэрий и кай кадэва Царство нисо нэ сможэт тэ розмарэл.

12. Сар тэ полас, кай андэ послидни деса лэ Дэвлэско храмо ашэл май ашунгло?

¹² Дицол, кай о Иегова подритярэл и заботийпэ пала пэстирэ служытеля. Андэ послидни деса лэн ашэл май бут и май бут. Андо 1914 бэрш лэ Иеговастирэ служытелёнэн сас най фартэ бут, ай акана лэн май бут чем 8 милионоря! И инке милионоря мануша кажно бэрш авэн пэ Вечеря, кай вспоминают лэ Иисусостири смэрть. Да, кадэла «сомнака анда всаворэ народоря» ашэн май бут андэ лэ Дэвлэско храмо, саво пэ ԥув. Кадэва храмо, када порядко, через саво о Дэл поможый лэ манушэнди тэ тэлён кадя, сар во камэл. Кадяжэ лэ Иеговас прославин кодэла мануша, ко лэл тэ служый лэсти и парувэл пэстири жызня андэ лащи риг (Эф. 4:22—24).

13. Андэ савэ инке пророчества ԥэнэнпэ, кай авэна бут мануша каринг о Иегова? (Диқэн и картинка пэ обложка.)

¹³ Кадяжэ, кай авэна бут мануша каринг о Иегова, ԥэндя най кати о Аггеё. Андо пророчество, саво пистросардя о Исаия андэ 60 ӷлава андо 22 стихо ԥэнэнпэ: «Анда набут авэла тысяча, и кодэлэстар, ко слабо, авэла зорало народо. Мэ, о Иегова, ӥто стерава када андэ пэстири время». Дицол, кай май бут и май бут авэн «сомнака анда разни народоря» каринг о Иегова. И амэ диқас, кай кадэла мануша камэн тэ росԥэнэн пала лэ Дэвлэско Царство, и вонэ анда вся оди терэн кода, со драго ӷанэн, кай лэ Дэвлэстири дила тэ жал (Ис. 60:5, 16). Блаӷодаря кадэлэсти лэ Дэвлэско народо лэл кадэла люматар вся, со май лашо, кай инке май драго тэ служый лэ Дэвлэсти. Амэ фартэ блаӷодарни кадэлэ ԥралэнди и ԥэянди, кай вонэ бут со терэн важ кадэя дила! И амэ диқас, кай акана пала Дэл росԥэн андэ 240 страны и територии и амари литература вимэкэн май бут чем пэ 1000 шыба.

АВЕЛЯ ВРЕМЯ ТЭ ВИТИДЭС, КАСТИ ТЭ СЛУЖЫС!

14. Сави ришэния трэбуй тэ прилэл кажно мануш?

¹⁴ Андэ амари время и весть, сави «тиной» всаворэ народоря, заставий лэ манушэн тэ стерэн выборо. Лэнди трэбуй тэ полэн, пэр кастэ вонэ лэна тэ надиинпэ, или по Дэл, или пэ правительстворя андэ кадэя люма. Тэ прилэл кадэя ришэния трэбуй кажно мануш. Да, лэ Иеговастирэ служытеля терэн па законо, саво исин андэ страна, андэ сави вонэ жувэн. Но андэ политика вонэ на ӷулен (Рим. 13:1—7). Вонэ ӷанэн, кай о ԥаримос, саво исин кай и мануша, улэла кати лэ Дэвлэско Царство. Ай кадэва Царство най кадэла люмако (Иоан. 18:36, 37).

15. Кала авэла инке май ԥарэс тэ кандас кати лэ Иеговас, сар ԥэнэнпэ андэ книӷа Откровение?

¹⁵ Сар ԥэнэнпэ андэ книӷа Откровение, андэ послидни деса амэндэ авэла бут ԥаримос, пар мэндэ лэна тэ тасавэн и тэ ӷонин. Тоди дицола, кандас амэ лэ Дэвлэс чи най. И правительства андэ кадэя люма камэна, кай амэ лэн тэ кандас, ай ко на камэла кадя тэ терэл, вонэ на дэна лэнди спокойно тэ жувэн (Отк. 13:12, 15). Вонэ терэна кадя, кай кабута «всаворэ мануша, и барэ и цыкнэ, и барвалэ и чорорэ, кодэла, ко свободни и ко раборя, тэ стон знако по право вас и по чикат» (Отк. 13:16). Андэ дэлмутни время по рабо стонас знако, касти во прижал. Кадяжэ и андэ амарэ деса па всаворэ мануша трэбуй авэла тэ дицол, кас вонэ подритярэн, можно тэ ԥэнэс, пэр лэндэ авэла, сар знако. Знако по чикат, када кала вонэ андэ гиндоря подритярэн и политика, ай знако по право вас, када кала пэстиря диласа подритярэн ла.

16. Васо адес, сар никала, трэбуй тэ сыкавас, кай амэ всаворэ́ одеса кандас кати лэ Иеговас?

¹⁶ Ай тумэ домэкэна, кай пэр тумэндэ тэ стон кадэва знако, саво сыкавэл, кай тумэ подритярэн лэ манушэн андэ правительстворя? Ай если тумэ на лэна кадя тэ терэн, тоди трэбуй тэ полэн, кай тумэндэ можэт авэла бут ԥаримос или кадэлэстар можэт тэ авэл варисави бида. Андэ Библия ԥэнэнпэ, кай пэ кодэла, пэр кастэ нинай знако, нэ смоӷут «ни тэ тинэн, ни тэ битинэн» (Отк. 13:17). Но о Дэл ужэ виандярдя о приӷоворо кодэлэ манушэнди, савэ жан против лэстэ (Отк. 14:9, 10). Важ када амэ, сар лэ Иеговастирэ служытеля, витидас авэр знако. Можно тэ ԥэнэс, кай амэ пэстирэ вастэса пистросарас пэр пэстэ, кай амэ кати лэ Иеговастирэ (Ис. 44:5). И акана кажнонэсти андар мэндэ фартэ важно тэ пушэл пэстар: «Всаворэ́ одеса мэ кандав лэ Иеговас?» Тоди о Иегова лошало авэла тэ прижанэн, кай амэ лэстирэ!

О ИЕГОВА «ТИНОЯ» О НЭБО И И ԤУВ

17. Со амэ трэбуй тэ сэрас пала лэ Иеговастири терпения?

¹⁷ Андэ послидни деса дицол, кай лэ Иеговастэ фартэ бари терпения. Во дэл лэ манушэнди время, кай вонэ тэ каинпэ и годявэрнэс тэ андярэн пэс. Важ кода кай во «на камэл, кай варико тэ мэрэл» (2 Пет. 3:9). Но во най долӷо лэла тэ тэрпий. Кодэлэн, ко на закамэла тэ залэл лэстири риг, аштярэл кода жэ со сас лэ фараоноса. О Иегова через о Моисеё ԥэндя лэсти: «Мэ ужэ дэлмут бишалдоп пэр тутэ и пэ тиро народо страшно бида и стрисардоп тут па ԥув. Но мэ на умардэм тут, кай тэ сыкавав тути мэрно зор и кай па вся и ԥув тэ уӷанэн мэрно алав» (Исх. 9:15, 16). Кадяжэ и андэ амарэ деса всаворэ мануша уӷанэна лэ Иеговаско зор и прижанэна, кай во ек чачуно Дэл (Иез. 38:23). Но сар вся када авэла?

18. а) Пала со ԥэнэнпэ андэ книӷа Аггея 2:6, 20—22, и со када сыкавэл? б) Катар амэ ӷанас, кай кадэла алава инке трэбуй тэ стерэнпэ?

¹⁸ Адиносар Аггея 2:6, 20—22. Через бут время о апостоло Павло через лэ Дэвлэско свынто духо ԥэндя, кай кадэла алава, савэ ԥэндя о Аггеё, стерэнапэ англэ. Спэрва о Павло шутя сама пэ Аггеёстирэ алава, кай о Дэл дэл алав: «Йто мэ инке еқвар тиносарава о нэбо и ԥув». И потом ԥэндя: «И алава „инке еқвар“ сыкавэн, кай о Дэл улэла со тиносардя, со най во стердя, кай тэ ашэлпэ кода, со састэс тердёл» (Евр. 12:26, 27). Кала о Дэл дуйто разо тиноя о нэбо и и ԥув, када на шолпэ пэ кода, пала со ԥэнэнпэ андэ книӷа Аггея 2:7. Кала о Дэл май англэ «тиноя» о нэбо и ԥув, всаворэ, ко на закамэна тэ прижанэн, кай во правителё, авэна умардэ пэ вся и вечность, сар и о фараоно.

19. Со никала на авэла розмардо, кала о Иегова «тиноя» о нэбо и ԥув, и катар амэ када ӷанас?

¹⁹ Со сыкавэн лэ Павлостирэ алава «кай тэ ашэлпэ кода, со састэс тердёл»? Во ԥэндя: «Важ када кай амэ ӷанас, кай амэндэ авэла Царство, саво састэс тердёл, амэ трэбуй тэ андярас пэс кадя, кай о Дэл тэ дэл амэнди о лашимос, саво на затердям. Через када амэ можэм тэ служысарас лэ Дэвлэсти кадя, сар во камэл, када баря пативаса и тэ дарас лэстар» (Евр. 12:28). Посли када о Иегова «тиноя» о нэбо и ԥув, и кадэла люматар ашэлапэ кати о прахо, ай лэ Дэвлэско Царство лэла тэ тердёл вечно, и лэс нико никала на розмарэла! (Дан. 2:44; Пс. 110:5, 6).

20. Со трэбуй тэ витидэн и мануша, и сар амэ можэм лэнди андэ када тэ поможысарас?

²⁰ Время ашэляпэ совсем набут! И мануша трэбуй тэ витидэн, савэ дромэса тэ жан. Тэ жан па дром, саво андярэл каринг и вечно жызня или па дром, саво андярэл каринг и смэрть. Аврэ алавэнца, лэна вонэ тэ жувэн кадя, сар сытярэн и мануша андэ кадэя найлащи люма или парувэна пэстири жызня андэ лащи риг и лэна тэ жувэн кадя, сар чалёл лэ Дэвлэсти (Евр. 12:25). И кала амэ росԥэнас пала Дэл, амэ можэм тэ поможысарас лэ манушэнди тэ витидэн, касти вонэ лэна тэ служын. Исин инке бут мануша, савэ, сар «сомнака анда всаворэ народоря», савэ моӷут тэ залэн лэ Дэвлэстири риг. Пристам зор, кай тэ родас кацавэ манушэн и тэ сэрас пала лэ Иисусостирэ алава: «Кадэя лащи весть пала Царство росԥэнэна па вся и ԥув, кай тэ уӷанэн всаворэ народоря, и тоди авэла конец» (Матф. 24:14).