Ту ӷанэс?

Ниневия. Со тердяпэ кадэлэ фороса?

КАРИНГ о 7 вико до н. э. и Ассирия ашэля со май бари империя пэ ԥув. Сар ԥэнэнпэ по сайто андо Британско музеё, латири тиритория сас лэ Кипростар по западо жы каринг о Ирано по востоко и андэ дэсавэ бэрша андэр латэ ужалас дажэ о Египто. Латири столица и Ниневия сас само баро форо андэ люма. Котэ сас вуче статуи, шукарнэ садоря, барвалэ дворцоря и барэ библиатеки. Пэ стины котэ, кай варикала сас и Ниневия, пистромэ, кай о Ашшурбанипало, сар и авэр ассирийски правителя, ԥэнэнас пэр пэстэ «ла люмако царё». Кала во правияс, здэласпэ, кай и Ассирия и латири столица и Ниневия, нико нэ сможэт тэ захутилэл.

Но, кала и Ассирия сас фартэ ашунгли, лэ Иеговаско пророко о Софония ԥэндя: «О [Иегова] процырдэла о вас... и Ассирия авэла уничтожэно, стерэла, кай и Ниневия тэ авэл розмарди и тэ ашэл шуки, сар пустыня (Соф. 2:13). Ай о пророко Наумо ԥэндя: «Одлэн о руп, одлэн о сомнак! [...] О форо ашэля шушо, розмардо, замэкло»; «Кодэва, ко диқэла тут, унашэла тутар и ԥэнэна: „И Ниневия шущи!”» (Наум 2:9, 10; 3:7). Кала и мануша ашунэнас кадэла пророчества, вонэ моӷли тэ удивинпэ: хэба када можэт тэ авэл? Можэт варико тэ победий и зорали Ассирия? Андэ када сас найвушэро тэ патян.

И всаек кадя и тердяпэ! Каринг о конец 7 вико до н. э. и вавилоняноря и мидяноря захутилдэ и Ассирия. Прожыля время, и Ниневия ашэля замэкли, и пала латэ забистэрдэ. О Музеё искусства Метрополитен пистросардя андэ ек статья по пэско сайто: «Каринг о 500 бэрш н. э. ужэ нисо на сыкавэлас, кай котэ варикала сас форо. Пала Ниневия можно сас тэ уӷанэн кати анда Библия» (Michael Seymour. Nineveh). Сар ԥэнэнпэ андэ ек публикацыя андо онлайн-архиво андэ Библейско археологическо общество, каринг о 19 вико «нико дажэ на сас уверено, кай кадэва баро ассирийско форо варикала сас» (Deborah A. Thomas. Uncovering Nineveh). Но тоди, андо 1845 бэрш о археолого Остино Лейардо ля тэ терэл раскопки котэ, кай сас и Ниневия. Во най просто арақля кода, со ашэляпэ лэ форостар, ай доԥэндя, кай и Ниневия сас фартэ ашунгло форо.

И пророчества пала Ниневия исполнились андэ вся. Када сыкавэл, кай кадяжэ исполница вся, со ԥэнэнпэ андэ Библия пала адесутнэ правительства (Дан. 2:44; Отк. 19:15, 19—21).