И читателя пушэн
Со, кроме мана и перепёлки, и израильтяноря ханас андэ пустыня?
Всаворэ 40 бэрш, пока и израильтяноря ԥирэнас па пустыня, ӷлавно хамос важ лэндэ сас мана (Исх. 16:35). Кадяжэ андэ Библия запистромэ дуй случаёря, кала о Иегова дя лэнди перепилино мас (Исх. 16:12, 13; Чис. 11:31). Но халас о народо най кати кадэва хамос.
Например, дэкала о Иегова анэнас лэ израильтянонэн пэ кацавэ ҭана, кай вонэ моӷли тэ пэн паи и тэ хан кода, со котэ барёлас (Чис. 10:33). Ек анда кацавэ ҭана — о оазисо Элимо, кай сас 12 лэ паестирэ источникоря и 70 пальмы. Маӥ ӥто всаворэстар, и дума жал пала финикови пальмы (Исх. 15:27). Андэ ек книжка ԥэнэнпэ: «И финиково пальма исин бут андэ савэ ҭана... Вой ӷлавно плодово витка андэ пустыня и дэл хамос, вулей и крыша важ и милионоря мануша» (Plants of the Bible).
Кадяжэ и израильтяноря, возможно, тердёнас по баро оазисо, саво адес ӷанэн сар Фараноa. Во находийпэ андэ ла лэнатири долина (или ва́ди). Андэ ек книжка пала латэ ԥэнэнпэ, кай «лако лунгимос — 130 километроря и када ек анда со май лунги, шукарнэ и ашунглэ вади по Синайско полуострово». Котэ кадяжэ пистромэ: «Варикай 45 километроря кодэлэ ҭанэстар, кай заканчиваеца и лэн, по вучимос чуть май бут, чем 600 метроря ла морятар, дицол о оазисо Фарано, андэ саво барён бут пальмы. Лэско лунгимос почти 5 километроря. Во, ԥэнэса, сар о Эдэмско садо по Синаё. Через и тысячи финикови пальмы, савэ катэ барён, анда дэлмутни время кардэ пэрэладэнас тэ жувэн и мануша» (Discovering the World of the Bible).
Финикови пальмы андо оазисо Фарано
Кала и израильтяноря ужанас анда Египто, вонэ линэ пэса андо дром хумэр, посуда, кай лэс тэ заквасын, и, наверно, зэрно и вулей. Канешно, вся када пэ долӷонэстэ на хутилдя. Кадяжэ вонэ линэ пэса мелко и крупно ското — фартэ баро стадо (Исх. 12:34—39). Но через кода, кай андэ пустыня сас найвушэро, бут жывотни хынделэ. Кадяжэ, дэсавэ жывотнонэн ханас, ай аврэн анэнас андэ жэртва, кардэ ужан и жэртвы лэ хохавнэ дэвлэнди (Дл. 7:39—43)b. Но всаек, пока и израильтяноря жувэнас андэ пустыня, лэндэ сас ското. Када дицол анда кода, со ԥэндя о Иегова, кала вонэ на канглэ лэс: «Тумарэ шавэ авэна пастухоря андэ пустыня 40 бэрш» (Чис. 14:33). Канешно, амэ полас, кай лэнго ското дэлас лэнди ҭуд и дажэ мас. Но када на хутилдоп, кай 40 бэрш тэ правардёл о народо, андэ саво сас варикай трин милионоря манушаc.
Ай кай и израильтяноря лэнас кормо и паи важ и жывотни?d Тоди андэ пустыня, май ӥто всаворэстар, сас пэ бутэстэ май бут брышында и через када сас май бут растении. Андэ «Понимание Писания», андэ статья «Аравия», ԥэнэнпэ: «Андэ кодэя время, варикай 3500 бэрш палпалэ, о паи андэ Аравия сас май бут, чем андэ амарэ деса. Кода, кай андэ пустыня исин бут вади, или шукэ долины, андэ савэ варикала сас паи, сыкавэл, кай катэ хутилэнас брышында, кай андэ кадэла ҭана тэ авэн лэна». И всаек пустыня сас страшно ҭан, андэ саво на сас жызня (Втор. 8:14—16). Если бы най о Иегова, саво терэлас чуда и дэлас лэ израильтянонэнди паи, и мануша и жывотни никала на вижудоп (Исх. 15:22—25; 17:1—6; Чис. 20:2, 11).
Сар ԥэндя о Маисеё, о Дэл праварэлас лэ израильтянонэн ла манаса, кай вонэ тэ полэн, «кай важ лэ манушэстири жызня трэбуй най кати о марно, но и кажно алав, саво ԥэнэн о Иегова» (Втор. 8:3).
b Андэ Библия запистромэ дуй случаёря, кала лэ Иеговасти андэ пустыня анэнас андэ жэртвы жывотнонэн. Пэрво — када кала о Иегова стодя лэ Ааранос и лэстирэ шавэн тэ авэн рашая, ай о дуйто — кала жалас и Патради. Лэдуй кадэла случаёря сас андо 1512 бэрш до н. э., варикай через бэршэстэ посли кода, сар и израильтяноря вижылэ анда Египто (Лев. 8:14—9:24; Чис. 9:1—5).
c Важ и найбари время англа кода, сар и израильтяноря тэ закончат тэ ԥирэн па пустыня, андэ война сар добыча вонэ захутилдэ фартэ бутэ жывотнонэн (Чис. 31:32—34). И всаек вонэ на парашэнас тэ хан и мана, пока на авелэ пэ Обетовано ԥув (Иис. Н. 5:10—12).
d Нисо на доԥэнэн, кай и жывотни ханас мана. Важ кода кай о Иегова приԥэндя, кай кажно израильтянино тэ стидэл мана, скати во сможэт тэ хал екжэно (Исх. 16:15, 16).