Мурша, стон патив пэ пэстирэ хулая́

1. Васо о Иегова закамля, кай тэ авэл ери?

О ИЕГОВА — «бахтало Дэл» (1 Тим. 1:11). Во камэл, кай амэ тэ авас бахталэ. Важ када во подарисардя амэнди бут подаркоря (Иак. 1:17). Ек андар лэндэ — када ери. Кала о мурш и жувли жэнинпэ, вонэ дэн ек еқэсти солах, кай лэна тэ любин и тэ стон патив ек пэ ек. Если о хулай и хулаи драго обжанпэ ек еқэса и на дурён ек еқэстар, тоди вонэ авэна бахталэ (Прит. 5:18).

2. Со адес терэлпэ андэ бут еря?

² Адес бут хула́я и хулая́ на приритярдён кодэлэ алавэсти, савэ вонэ динэ ек еқэсти тоди, кала жэнисайлэ. Важ када андэ лэндири жызня нинай радость. Найдэлмут и учони розуӷанглэ, кай па вся и люма фартэ бут мурша найдраго обжанпэ пэстирэ хулаянца. Вонэ марэн лэн, ԥэнэн пэр лэндэ найлашэ алава и тасавэн пэр лэндэ. Кацаво мануш англа миро сыкавэл, кай стол патив пэ пэстири хулаи, ай цэрэ, кала нико на диқэл, во фартэ найдраго обжалпэ ласа. Ай инке бут мурша диқэн билажавардимос. Када можэт фартэ тэ шынэл оди ла хулаяти и тэ дурярэл лэн ек еқэстар.

3. Васо дэсавэ мурша найдраго обжанпэ пэстирэ хулаянца?

³ Васо дэсавэ мурша найдраго обжанпэ пэстирэ хулаянца? Дэсавэ лэн примеро лэ родителёнэндар: если о дад дэлас дума ла даса ӷрубо, вонэ гиндон, кай када кадя и трэбуй. Авэр андярэн пэс кадя, сар терэн почти всаворэ мурш андэ лэнго народо. Кацаво мурш можэт тэ акушэл и тэ марэл пэстиря хулая́, кай вой тэ ӷанэн пэско ҭан. Варико на сытеля тэ зритярэл и холи и тэ ритярэл пэс андэ вас. Ай дэко диқэл андо интэрнэто билажавардимос, и када римой лэско гиндо. Кацаво мануш можэт тэ гиндой кадя: и жувля трэбуй кати кай тэ дэн лэ муршэнди кода, со вонэ камэн. Ай кала заляпэ и пандэмия COVID-19 лэ жувлянца инке май часто линэ тэ обжанпэ ӷрубо. Канешно, нисо на виправий лэ муршэс, саво найдраго андярэл пэс ла хулаяса.

4. Состар трэбуй тэ фэринпэ и мурш и васо?

⁴ Май часто андэ кадэя люма пэ жувля на стон нисави патив. Лэ муршэнди, савэ полэн лэ Иеговас, трэбуй тэ фэринпэ, кай тэ на пэрэлэн кадэва гиндоa. Васо? Сар о мануш гиндой, кадя во пэс и андярэл. О апостало Павло камля тэ фэрий лэ христианонэн андо Римо: «Будэр на́ домэкэн, кай и люма тэ парувэл тумэн» (Римо 12:1, 2). Кала во пистросардя пэско письмо, и римско собрания сас стиди ужэ дэсавэ бэрша. И всаек, па лэ Павлостирэ алава дицол, кай дэсавэ ԥралэнди сас ԥарэс тэ отԥэндён тэ андярэн пэс кадя, сар и мануша анда лэнго народо или сар кодэла, машкар кастэ вонэ жувэнас. Акэ васо о Павло ԥэндя лэнди тэ парувэн пэско гиндо и тэ парашэн кадя пэс тэ андярэн. Кадэва совето ӷодийпэ и важ и христианоря адес. Жалко, но дэсавэнди андар лэндэ идоси ԥарэс тэ парувэн кода, каринг со вонэ присытелэ. И важ када дэсавэ ԥэянди прижалпэ тэ тэрпин, кала лэнца найдраго обжанпэ лэндирэ хула́яb. Ай сар о Иегова камэл, кай и мурша тэ обжанпэ пэстирэ хулаянца? О ответо амэ виарақаса андо ӷлавно стихо каринг кадэя статья.

5. Сар о мурш трэбуй тэ обжалпэ пэстиря хулаяса? (1 Пётро 3:7)

⁵ Проадинон 1 Пётро 3:7. О Иегова приԥэнэн лэ муршэсти тэ стол патив пэ пэстири хулаи. О мурш, саво приашундёл каринг кадэла алава, лэла тэ любий пэстиря хулая и тэ обжалпэ ласа пативалэс. Анда кадэя статья амэ уӷанаса, сар во можэт када тэ терэл. Но спэрва давайте роздиқаса, сар о мурш нащи пэс тэ андярэл пэстиря хулаяса.

СО О МУРШ НАЩИ ТЭ ТЕРЭЛ

6. Со гиндой о Иегова пала хула́я, савэ марэн лэ хулаян? (Калосы 3:19).

⁶ Нащи тэ марэл. О Иегова вэрыцый кодэлэн, ко сыкавэл пэско зор пэ авэр (Пс. 11:5). Но со май гряца лэсти, кала о хулай андярэл пэс кадя пэстиря хулаяса (Мал. 2:16; проадинон Калосы 3:19). Сар ԥэнэнпэ андо 1 Пётро 3:7, если о хулай найдраго обжалпэ пэстиря хулаяса, о Дэл авэла холинако пэр лэстэ. О Иегова дажэ можэт тэ парашэл тэ ашунэл лэстирэ молитвы.

7. Сар пистромэ андо Ефесо 4:31, 32, сар о хулай никала на трэбуй тэ дэл дума ла хулаяса? (Кадяжэ диқэн «Пояснения».)

⁷ Нащи тэ мударэл андэ дума. Дэсавэ мурш лэ алавэнца тэлярэн ла хулая и дэн дума ласа холяса. Но о Иегова вэрыцый, кала «ԥэнэн вэрыти алава пэ авэр... вижан андар пэстэ... холявэн... цыпин... дэн дума найпативалэс»c. (Проадинон Ефесо 4:31, 32.) Во вся ашунэл. Лэсти най всаек, сар о мурш дэл дума ла хулаяса, дажэ кала лэн нико на диқэл. О мурш, саво найдраго обжалпэ пэстиря хулаяса, дурярэл пэстар най кати ла, но и лэ Дэвлэс (Иак. 1:26).

8. Если варико диқэл билажавардимос, со пала када гиндой о Иегова и васо?

⁸ Нащи тэ диқэл билажавардимос. Со о Иегова пала када гиндой? Во вэрыцый када! Если о хулай диқэл билажавардимос, во римой пэстири дружба лэ Иеговаса и сыкавэл, кай на стол патив пэ пэстири хулаиd. О Иегова аштярэл, кай о хулай дажэ на лэла тэ гиндой пала авэр жувля. О Исусо ԥэндя, кай кодэва мурш, саво найлашэ яқэнца диқэл пэ жувли, ужэ «придя пэстиря хулая́ андэ пэско ди» (Матф. 5:28, 29)e.

9. Васо лэ Иеговасти гряца, кала о хулай заставий ла хулая тэ терэл кода, со тэлярэл и лажаварэл ла?

⁹ Нащи тэ тасавэл пэ хулаи, кай вой тэ терэл кода, со лати на камэлпэ. Кала о хулай и хулаи совэн ек еқэса, дэсавэ мурш заставин пэстиря хулая тэ терэн кода, со важ латэ найвужо и можэт тэ тэлярэл и тэ лажаварэл ла. Кала о мурш гиндой кати пала пэстэ и найдраго обжалпэ ла хулаяса, када гряца лэ Иеговасти. О Иегова аштярэл, кай о хулай лэла тэ любий ла хулая, анда ди тэ заботийпэ пала латэ и тэ стол пэр латэ патив (Еф. 5:28, 29). Со, если о христианино марэл пэстиря хулая, найпативалэс дэл дума ласа, тэлярэл ла алавэнца или диқэл билажавардимос? Со поможыя лэсти тэ парудёл?

СО ПОМОЖЫЯ ЛЭ ХУЛАСТИ ТЭ ПАРУДЁЛ

10. Андэр со и мурш моӷут тэ шонпэ по Исусо?

¹⁰ Со поможыя лэ муршэсти тэ парудёл и тэ сытёл драго тэ обжалпэ пэстиря хулаяса? Во трэбуй тэ шолпэ по Исусо. Канешно, о Исусо на сас жэнато. Но кода, сар во обжаласпэ пэстирэ учениконэнца, — лашо примеро важ и мурш, сар трэбуй тэ обжанпэ пэстирэ хулаянца (Еф. 5:25). Давайте диқаса, сар о Исусо андярэлас пэс лэ апосталонэнца и сар во лэнца дэлас дума.

11. Сар о Исусо обжаласпэ лэ апосталонэнца?

¹¹ О Исусо ковлэс и пативалэс обжаласпэ пэстирэ апосталонэнца, во никала на андярэлас пэс холяса или жэстоко. Хоть во сас ӷлавно машкар лэндэ, во на старыияспэ тэ сыкавэл пэско зор пэр лэндэ. Во на лажалас варисо важ лэндэ тэ терэл (Иоан. 13:12—17). Во ԥэндя пэстирэ учениконэнди: «Сытён мандар, важ кода кай мэрно ди ковло и найабуримаско, и тумэ лэна зор» (Матф. 11:28—30). Шув сама, кай лэ Исусостэ сас ковло ди. Када на сыкавэлас, кай во сас най мурш. Наоборот, если кай о мануш ковло ди, лэстэ исин баро зор, саво поможый лэсти тэ ритярэл пэс андэ вас. Кала лэс старыинпэ тэ виандярэн андар пэстэ, во зритярэл пэс и ашэлпэ спокойно.

12. Сар о Исусо дэлас дума лэ манушэнца?

¹² Лэ Исусостирэ алавэндар лэ манушэнди ашэлас май спокойно по ди и вонэ придэнас аврэнди зор. Во никала на дэлас дума холяса пэстирэ учениконэнца (Лука 8:47, 48). Дажэ кала авэр найпативалэс дэнас дума лэса и камэнас тэ холярэн лэс, во «нисо на ԥэнэнас» (1 Пёт. 2:21—23). Ай дэкала о Исусо витидэлас тэ проашэл мулком, ай най тэ дэл дума ӷрубо (Матф. 27:12—14). Саво жэ лашо примеро важ и мурш!

13. Сар о мурш можэт тэ терэл кадя, сар пистромэ андо Матфеё 19:4—6? (Кадяжэ диқэн и картинка.)

¹³ О Исусо приԥэндя лэ муршэнди тэ на ашавэн пэстирэ хулаян. Во призындярдя лэ Иеговастирэ алава, кай о мурш «вся и время авэла пэстиря хулаяса». (Проадинон Матфеё 19:4—6.) О греческо алав, саво пэрэандярдо катэ сар «вся и время авэла», ворта сыкавэл «прилепияпэ; приԥандёла». Важ када о хулай и хулаи трэбуй кадя фартэ тэ любин ек еқэс, ԥэнэса вонэ приԥанделэ ек еқэстэ и ашэлэ сар ек. Если тэ отшынэс лэн ек еқэстар, кадэлэстар авэла вэрыто лэдонди. О мурш, саво фартэ любий пэстиря хулая, на лэла тэ диқэл андо интэрнэто нисаво билажавардимос. Во сразу одындярэла пэстирэ яқа кодэлэстар, «со нисо на ашэл» (Пс. 119:37). Сар о Иово, во никала на лэла тэ задиқэлпэ пэ авэр жувля (Иов 31:1).

14. Если о мурш ӷрубо обжалпэ пэстиря хулаяса, со лэсти трэбуй тэ терэл, кай тэ поладий ласа и лэ Иеговаса?

¹⁴ О хулай, саво марэл пэстиря хулая или ԥэнэн пэр латэ найлашэ алава, трэбуй варисо тэ парувэл, кай упалэ тэ поладий ласа и лэ Иеговаса. Со во трэбуй тэ терэл? Пэрво: во прижанэн пэстири дош и полэл, кай о Иегова диқэл вся, со во терэл, и ашунэл вся, со во дэл дума (Пс. 44:21; Эккл. 12:14; Евр. 4:13). Дуйто: во парашэл найдраго тэ обжалпэ пэстиря хулаяса и лэл тэ андярэл пэс па аврятэ (Прит. 28:13). Трито: во анда ди мангэл прощения пэстиря хулаятар и лэ Иеговастар (Дила 3:19). Кадяжэ во трэбуй тэ мангэл лэ Иеговас тэ поможый лэсти тэ парудёл и тэ следий пала пэстирэ гиндоря, алава и дила (Пс. 51:10—12; 2 Кр. 10:5; Флп. 2:13). Штарто: во андярэл пэс кадя, сар мангэлпэ, и сытёл тэ вэрыцый и жэстоки алава и дила (Пс. 97:10). Панчто: во сразу взвийпэ каринг и старейшыноря пала помощь (Иак. 5:14—16). Шовто: во обгиндой, сар тэ фэрийпэ, кай упалэ тэ на андярэл пэс найдраго. О мурш, саво диқэл билажавардимос, трэбуй кадяжэ тэ прилэл всаворэ кадэла советоря. О Иегова дэла зор лэ муршэсти, саво камэл тэ ашавэл пэстири найлащи дила (Пс. 37:5). Но када на хутила. О хулай трэбуй тэ стол патив пэ пэстири хулаи. Со лэсти важ када трэбуй тэ терэл?

САР О МУРШ МОЖЭТ ТЭ СТОЛ ПАТИВ ПЭ ПЭСТИРИ ХУЛАИ

15. Сар о хулай можэт тэ сыкавэл, кай любий ла хулая?

¹⁵ Сыкав ла хулаяти, кай ту ла любис. Дэсавэ ԥрала, савэндэ бахталэ еря, старыинпэ кажно дес тэ терэн варисо приятно важ пэстири хулаи, и кадя вой диқэл, кай лако хулай любий ла (1 Иоан. 3:18). О хулай можэт тэ сыкавэл, кай любий пэстиря хулая дажэ андэ само прости маменторя. Например, кала лэл ла вастэстар или приоблэл ла. Кадяжэ во можэт тэ бишалэл лати СМСка «Мэ скучисайлэм пала тутэ» или «Со ту щас терэс?». Дэкала во можэт тэ стерэл лати открытка или тэ тинэл цвиторя. Кала о мурш кадя терэл, во стол патив пэ пэстири хулаи и вонэ ашэн май пашэ ек еқэстэ.

16. Васо о хулай трэбуй тэ хвалий пэстиря хулая?

¹⁶ Ԥэн ла хулаяти, кай вой тути куч. О мурш, саво стол патив пэ пэстири хулаи, цэний ла и ԥэнэн лати када. Например, во блаӷодарий ла пала вся, со вой терэл важ о ери, и пала кода, кай вой подритярэл лэс (Клс. 3:15). Кала о хулай анда ди хвалий пэстиря хулая, лати ашэл драго по ди. Кала и хулаи ӷанэн, кай лако хулай ла любий и цэний, лати по ди ашэл спокойно (Прит. 31:28).

17. Сар о хулай можэт тэ стол патив пэ пэстири хулаи?

¹⁷ Андяр пэс ла хулаяса ковлэс и пативалэс. Лашо хулай цэний пэстиря хулая. Вой важ лэстэ, сар подарко лэ Иеговастар (Прит. 18:22; 31:10). Кадяжэ во обжалпэ ласа ковлэс и пативалэс, кала вонэ совэн ек еқэса. Во на лэла тэ заставий ла тэ терэл кода, через со вой лэла тэ лажал, со тэлярэл ла или со жал против латири совестьf. О хулай тожэ трэбуй тэ терэл вся, кай лэстири совесть англа Иегова тэ ашэлпэ вужи (Дила 24:16).

18. Сар о хулай можэт тэ стол патив пэ пэстири хулаи? (Кадяжэ диқэн и рамка «Сар тэ сыкавэс ла хулаяти, кай стос пэр латэ патив. Штар советоря».)

¹⁸ Хула́я, патян: о Иегова шол сама, кай тумэ пристон зор, кай лэ алавэнца и ла диласа тэ сыкавэн пэстирэ хулаянди и патив каринг лэндэ. Важ када, старысав тэ заботиспэ пала латэ, сыкав, кай любис ла, обжапэ ласа ковлэс и стов патив. Кадя ту сыкавэса, кай цэнис ла. Если ту лэса тэ стос патив пэ пэстири хулаи, тоди нисо на дурярэла тут лэ Иеговастар (Пс. 25:14).