BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • Kujingunik 21
  • Bibil—Dikarumun da Ngand Yisu

Kwikil video ukimbina

Video winou umukimbinap amboku nawamp.

Yida mu Kujingunik

      • Diur disu ni divu disu (1-8)

        • “Kukwikalap kand rufu” (4)

        • “Kusal yom yawonsu yisu” (5)

      • Kumurumburil Yerusalem Musu (9-27)

Kujingunik 21:2

Index

  • Ukwash wa Kukimbijol Nich

    Chinong cha Kalam,

    1/7/2010, p. 17

Kujingunik 21:3

Index

  • Ukwash wa Kukimbijol Nich

    Chinong cha Kalam,

    1/3/2013, p. 26

Kujingunik 21:4

Index

  • Ukwash wa Kukimbijol Nich

    Chinong cha Kalam,

    1/12/2013, p. 30

    1/9/2012, p. 15

    1/1/2012, p. 32

    1/1/2010, p. 5-6

Kujingunik 21:5

Mazu ma Kwinshin

  • *

    Ap “mashinshamen.”

Index

  • Ukwash wa Kukimbijol Nich

    Sejany Piswimp Kudi Yehova, p. 81-86

Kujingunik 21:6

Mazu ma Kwinshin

  • *

    Ap “A ni Z.” Alfa dawiy dimuny da kusambish mu alfabe wa in Grek ni Omega dawiy dimuny da nsuden.

  • *

    Ap “pakad kufut.”

Index

  • Ukwash wa Kukimbijol Nich

    Chinong cha Kalam,

    10/2016, p. 22

Kujingunik 21:8

Mazu ma Kwinshin

  • *

    Tal Ndinguril, “Yisal ya masandj.”

Kujingunik 21:9

Index

  • Ukwash wa Kukimbijol Nich

    Chinong cha Kalam,

    1/3/2007, p. 10

Kujingunik 21:11

Mazu ma Kwinshin

  • *

    Mu Grek, “mud cristal.” Did diyal dilayamijadina ni dida zwang.

Kujingunik 21:16

Mazu ma Kwinshin

  • *

    Mu Grek, “astad tunan dikum ni twaad (12 000).” Stad umwing wiliken ni ametre chitot makum chinan ni yitan (185). Tal Yom Yiwejinaku B14.

Kujingunik 21:17

Mazu ma Kwinshin

  • *

    Mu Grek, “ulal wa chikas chitot makum manying ni yinying (144).” Tal Yom Yiwejinaku B14.

Kujingunik 21:22

Mazu ma Kwinshin

  • *

    Tal Yom Yiwejinaku A5.

  • Bibil—Dikarumun da Ngand Yisu
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
Bibil—Dikarumun da Ngand Yisu
Kujingunik 21:1-27

Kujingunik kud Yohan

21 Chad namana diur disu ni divu disu; mulong diur dikur ni divu dikur yasutin, ni karung kadapaku kand. 2 Namana kand musumb utumbila, Yerusalem Musu, ukat kushirik kudokal mwiur kud Nzamb ni ading amurijekang kal mud ngachik wapwembujolangau kal mulong wa nfumwend. 3 Chad natesha dizu dikash dadokala ku ditand dalond anch: “Talany! Mwinkand wa Nzamb ud pakach pa antu, ukushakam nau, ni awiy akwikal antwend. Ni Nzamb amwinend ukwikal nau. 4 Ni ukukuswol mansoj mawonsu ku mes mau, kukwikalap kand rufu ap madil ap kushikok ap kusansan. Yom yikur yasutin kal.”

5 Chad Muntu wading ushicha pa ditand walonda anch: “Talany! Nikat kusal yom yawonsu yisu.” Walonda kand anch: “Fund, mulong mazu minam mad ma kuchingejin* ni makin.” 6 Ni wanleja anch: “Mawanyin kal! Yam Alfa ni Omega,* disambishil ni disuden. Muntu mwawonsu wovila impu ya mem nikumwinkish chamwamu* mem madokila ku musul wa mem ma mwom. 7 Muntu mwawonsu ukuwina, ukuswan yom yiney, am nikwikal Nzamb wend ni ndiy ukwikal mwanam. 8 Pakwez antu akweta wom, akad ritiy, atakanena ni ijondila, in kujipan, akata kusal yisal ya masandj,* akata kusal yom ya ayilembil, in kwifukwil atupwany, ni akamakasu awonsu akuyidjubwil mu dijiy da kasu ni sufre. Dijiy dined dimekeshin rufu ra kaad.”

9 Umwing wa angel sambwad ading akweta yibakud sambwad yading yizwila too nich yipupu sambwad ya nsuden weza ni wanlej anch: “Ez nikulejay ngachik, mband wa Mwan a Mukoku.” 10 Chawiy, kusutin ukash wa spiritu, wansenda wantwal ku mukandu ujim ni ulemp, ni wanleja Yerusalem, musumb utumbila, ukat kushirik kudokal mwiur kud Nzamb 11 ni wading ukwet uyaj wa Nzamb. Kuzaz kwend kwading mud kwa diyal da usey nakash, mud diyal da jasp dizazina ni da zwang.* 12 Wading ukwet rubumbu rijim ni rilemp ra yis dikum ni yaad (12), ni ku yis kwading angel dikum ni yaad (12), ni pa yis ading afundinap majin ma michid dikum ni yaad (12) ya an a Isarel. 13 Kwingangel kwading yis yisatu, kwiyand yis yisatu, kurul yis yisatu, ni kurand yis yisatu. 14 Rubumbu ra musumb rading rikwet kand mufulandal wa mayal dikum ni yaad (12), ni pa mayal minam pading majin dikum ni yaad (12) ma atwimbuy dikum ni yaad (12) a Mwan a Mukoku.

15 Chad muntu wading winlondishina wading ukwet dileny da utad wa or da kupim nich, mulong wa kupim musumb, yis yend ni rubumbu rend. 16 Musumb wading ukwet makonk manying milikena, pa kulep pading piliken ni pa kujimb. Chad wapima musumb ni dileny, ni watana akilometre piswimp tunan twaad yitot yaad ni makum maad (2 220);* kulep, kujimb ni kulep pa kuya mwiur yading yiliken. 17 Wapima kand rubumbu, ni watana ametre piswimp makum musamban ni yinying (64),* kukwatijan ni chipim cha mwan a muntu, chida kand chipim cha mwangel. 18 Rubumbu aritunga nich mayal ma jasp, ni musumb autunga nich utad wa or muwamp nakash uda mud dikalash da zwang. 19 Mifulandal ya rubumbu ra musumb ading ayipwembujodin nich mayal mawamp ma mitapu ni mitapu: mufulandal wa kusambish wading wa jasp, wa kaad wa safir, wa kasatu wa kalisedwan, wa kanying wa emerod, 20 wa katan wa sardonik, wa musamban wa sardwan, wa sambwad wa krizolit, wa chinan wa beril, wa chidivu wa topaz, wa dikum wa krizopraz, wa dikum ni umwing (11) wa yasent, wa dikum ni yaad (12) wa ametist. 21 Chikwau kand, yis dikum ni yaad (12) yading ya usang dikum ni yaad (12); chis ni chis achisala nich usang umwing. Ni njil yijim ya musumb yading ya utad wa or muwamp, mud dikalash da zwang.

22 Namanapamu tempel, mulong Yehova* Nzamb Mwin Dikand Dawonsu ndiy tempel wa musumb, pamwing ni Mwan a Mukoku. 23 Ni musumb wadingap ukweta kuswir kwa muten ap kwa ngond mulong wa kumunyikamu, mulong uyaj wa Nzamb wawiy umunyikinamu, ni lamp wend ndiy Mwan a Mukoku. 24 Chad antu a michid akez kwendin mu chitokish cha musumb winou, ni ant a pa divu akez kuletamu uyaj wau. 25 Yis ya musumb winou kakez kayifungap ap pakemp muten, mulong mwinamwa mukez kwikalap uchuku. 26 Ni akez kuletamu uyaj ni kalimish ka antu a michid. 27 Pakwez chom chawonsu chijondila ni muntu mwawonsu usadina yom yitakanena ni mukamakasu kakez kandamapamu ap pakemp; ching kusu antu afundinau majin mu muvungur wa mwom wa Mwan a Mukoku awiy akwandamamu.

Mikand ya Uruund (1999-2026)
Budik
Andam
  • Uruund
  • Kwangan
  • Yom ukatina
  • Copyright © 2025 Watch Tower Bible and Tract Society of Pennsylvania
  • Mbil ja Kusadin
  • Mbil ja Ujindj
  • Paramètres de confidentialité
  • JW.ORG
  • Andam
Kwangan