Ov, Ukez Kusal Rusot ra Yehova?

Wajikitish mulong wa kwitekin chisu cha kushinshikin broshir winou chakwel wiyijidisha amwiney ni Atuman a Yehova mudi antu, wileja piur pa mijikit yetu, ni kuman mutapu usadikininga dirijek dietu. Tuchingejin anch broshir winou ukez kukukwash utujingunyina mudi antu amwing asadininga rusot ra Yehova nlel unou. Tukukasikeshin chakwel udandamena kutambul ronganyin ra Nzamb, kuyilejamu in dijuku diey dishadilaku ni arund ney piur pa yom wilejina, ni kwinung pamwing netu chisu chawonsu ku yikumangan yetu ya win Kristu.—Hebereu 10:23-25.

Piwilejina yom yivud piur pa Yehova, chakin kamu ukez kujingunyin mutapu ukukatinay nakash. Kupwa, ukez kwikal ubachikinau kusal yom yawonsu yikutwisha kumekesh rukat rey kudiay ndiy. (1 Yohan 4:8-10, 19) Ov, mutapu ik ukutwisha kumekesh rukat riner mu mwom wey wa pichuku-pichuku? Ov, mulong wak kuziyil ku yany yend yishitwila mu mashakamin mey mapandakena kuwap? Ni chom ik chikeza kukwash chakwel usangera kusal rusot ra Nzamb pamwing netu? Mulej wey wa Bibil ukez kusanger ujingunyina nend yakul chakwel ey ni dijuku diey utwishany ‘kwilam ayinen mu rukat na Nzamb, nich chitongijok cha mwom wa chikupu.’—Jud 21.

Tukutazukin nich musangar chakwel udandamena kuya kurutu muspiritu mwinjil ya uyakin kusutil ku kwilej mukand ukwau ulondina anch Mutapu wa Kushal mu Rukat ra Nzamb.