Chijikish kudi Anvaj

Ov, chipan ik chipandikena kuwap nakash ukutwisha kuyinkish aney? Kuding yom yivud nakash yiswiridiningau, mudi rukat ren, umutakel ni diking dien. Chinyim ni chinech, chipan chipandakena usey nakash ukutwisha kuyinkish chidi ronganyin ra Yehova ni uyakin tutanina mu Dizu diend, Bibil. (Yohan 17:3) Ronganyin mudi riner rikutwish kuyikwash anen chakwel akudisha rukat rau mudiay Yehova ni kumusadil nich muchim wau wawonsu, chikalap nchik chimbu cha mivu yau yikwetau.​—Mateu 21:16.

Anvaj avud ajingunin kal anch an akemp akwiling nawamp win kamu ku malejan miswimp ni ku yijidish yiyijidishiningau. Chawiy lel, tukwet musangar wa kusadil ukwash wa broshir winou, ukweta mutu wa mulong ulondina anch Malejan Mam ma mu Bibil. Dilejan ni dilejan adifunda mulong wa kufundish mu mutapu uswapela. Yipich ni mifund ayitenchika pakampwil mulong wa an akemp a mivu yisatu ap mwinshin. Awejidinamu kand yiyul ya kusadil yijidish. Broshir Malejan Mam ma mu Bibil kadiap chom cha masengan chikusenganau nich kudi an akemp bwat. Pakwez, amutonda mulong wa kumutang pamwing ni anen, ni ukasikeshining mambamb mawamp.

Tukwet kashinsh anch broshir winou ukez kwikal wa ukwash nakash anch wayifundishany anen uyakin wa mu Bibil “kudiokal ku wanikanch.”​—2 Timote 3:14, 15.

Akadivar nen,

Chisak Chitakedila cha Atuman a Yehova

[Chipich chidia pa paj wa 3]