Difukwil
Nany umwing kusu tufanyina kwifukwil?
Kub 34:14; Kuv 5:8-10; Is 42:8
Yilakej ya mu Bibil yikutwisha kukukwash:
Mat 4:8-10—Satan wamwinkisha Yesu mant mawonsu ma mangand chakwel amwifukwila; Yesu walika mulong wading wij anch chifanyidin kumwifukwil ching kusu Yehova
Kuj 19:9, 10—Mwangel umwing wa usu walika kumwifukwil kud kambuy Yohan
Mutapu ik ukatinay Yehova anch tumwifukwila?
Yilakej ya mu Bibil yikutwisha kukukwash:
Is 1:10-17—Yehova kakatap kwitiy yisal ya rubabek ya difukwil da antu alikining kushakam kulondulijan nich mbil yend
Mat 15:1-11—Yesu walejana anch Yehova kitiyijiningap difukwil da rubabek, dilimishining nakash yijil ya antu kupandakanamu ya Nzamb
Anch chitwishikin, tufanyidin kumwifukwil Yehova nau anany?
Tal kand Ks 133:1-3
Yilakej ya mu Bibil yikutwisha kukukwash:
Mid 2:40-42—Mu mivu chitot ya kusambish, in Kristu adinga ni kukumangan pamwing mulong wa kulembil ni mulong wa kwilej malejan mapepidinau nich spiritu utumbila
1Ko 14:26-40—Kambuy Paul walonda anch yikumangan ya chikumangen yifanyidin kusadik pakad kanvudangesh pakwez mulong wa kukasikeshijan. Chinech chawiy chikusala anch in kukumangan awonsu atesha nawamp yom yifundishinau
Yom ik tufanyidina kusal chakwel twikal nich kashinsh anch Yehova witiyijin difukwil detu?
Yilakej ya mu Bibil yikutwisha kukukwash:
Heb 11:6—Kambuy Paul walonda anch ritiy rid ra usey anch tusotin kumwifukwil Yehova mu mutapu ukatinay
Yak 2:14-17, 24-26—Yakobu mwanchend a Yesu, walonda anch ritiy retu rifanyidin kwikal nich yisal; ritiy retu ritubachikin ku yisal