Mazu ma Kwinsambishil

CHITONGIJOK CHA MUKAND WINOU

Yehova Nzamb uyikasikeshin antu end chakwel ‘akimba’ ronganyin ni manangu mudi mukatau kukimbang “mapit majingamina.” (Jinswir 2:1-5) Chinech chirumburikin anch tufanyidin kwipan ayinetu mu kukimbijol yakul ku yipul yetu ya Bibil ni kutan mutapu wa kupwish milong yetu. Broshir winou ukweta mutu wa mulong ulondina anch Ukwash wa Kukimbijol Nich wa Atuman a Yehova amufunda mulong wa kukukwash ukimbijola.

Kalejenap yom yawonsu mudi index, kalejenap kand list wa mitu ya milong yin yawonsu yisambidinau mu mikand yetu. Pakwez, mutu wa mulong win wawonsu udia pa list, ulejen mareferans ma katat ni ulejen kand jinsangu jidia mu mikand yakarumunau mu Uruund, kusambishil mu muvu wa 2000 ni mivu yilondwilaku.

MUTAPU UKUSAMBISHA KUKIMBIJOL

Tal Yidiamu pa paj mukwau ni kimb chakwel ushinshikina mutu wa mulong ukweta jinsangu ukatina. Ukutwish kand kukimb jinsangu jivud jidia pa mutu wa mulong winou. Tumitu twa milong tudia pa list wa mutu wa mulong ni mutu wa mulong tukez kukukwash chakwel ukimbijola nawamp.

Kupwa, buril pa nimero wa paj ulejenau ni ukutan mutu wa mulong ni tumitu twa milong watondanga. Mitu ya milong ni mashapitre yidi pa list, tond mutu wa mulong umwing usotina kuchirikin. Anch mikand yidiaku ku yikumbu yen, pa ordinater ap mu bibiliyotek wa Chot chen cha Want, kimb mutu wa mulong ap shapitre ulejenau. Vurikany anch, anch mutu wa mulong wa mukand ukasiken kuutan kupwa kwa kutond mutu wa mulong kanang, pakwez list wa mitu ya milong ukez kwikal ni jinsangu piur pa mutu wa mulong winou.

Anch ukimbin kurumburik kwa pakampwil kwa verse wa Bibil, buril pa paj Mifund Yirumburilau. Maverse marumburikina ching kusu mu mutapu kanang mawiy mawejidinau pa malist minam.

Vurik anch, kukimbijol kwen kwa “mapit majingamina,” kwitining chisu ni usu mulong wa kumatan. Chawiy lel, ikal mwin kushimpish muchim mu kukimbijol kwa chakul cha pakampwil ap umutakel ukimbina. Piusadina usu nakash wa kusadil Ukwash wa Kukimbijol Nich, chikez kukuswapel ni kukusangaresh nakash mu kutan jinsangu jiuswiridina. Yehova ukez kuyukish usu wey ni kukukwash chakwel utana manangu ni ronganyin.—Jinswir 2:6; 4:5.

MANANS MAJIM:

❐ = Mitu ya milong yilondulijadina

Par. = Paragraf

p. = Paj ap mapaj

No. = Nimero

12/2004 = Ngond/Muvu

1/2/2010 = Ngond/Machuku/Muvu

Mukand ulondwilaku ou ukwet ma index:

Arijekinau Mulong wa Kusal Rusot ra Yehova