Pa Kusambish Wayopata, Kupwa Ikala Arund

KWASUTIL kal mivu, Santiago ni mukajend, Lourdes, asokina mu musumb uwamp wa Huillcapata, mu Pérou, mulong wa kuyilej antu adinga kwinikwa uruu wa Bibil. Pakwez, kupwa kwa machuku makemp, kweza mwimpel kudiokal ku Cuzco ni wayikumangeja antu awonsu a mu musumb. Mwimpel wayibabesha anch kwikalaku kwa Atuman a Yehova kukez kulet chipupu cha rufu ni kukez kunak ruval wa mayal mukash ukeza kujip yivam yau ni kushesh mbut jau.

Antu avud ikala akwachikina nich “uprofet” winou, ni pasuta muvu ni chikunku, kwikil muntu ap umwing mu musumb witiyija diladikij dia Santiago ni Lourdes dia kwilej Bibil pamwing ni ambay a uruw Atuman. Mwant wa musumb, iyikel nkwash, wamwopata Santiago ni Lourdes wayibachikin mwinjil, wayas mayal. Pakwez, awiy amusadila nich chisambu, mu mutapu wa win Kristu.  

Pa kusut kwa chisu, antu amwing a mu musumb itiyija dilejan dia Bibil. Ap iyikel nkwash, utazukinau anch Miguel, waswimpa manangu mend. Wasambisha kwilej nenday Santiago, walika kuna kwakad kupep pa chopu, ni wikala muntu mwin chisambu. Chakin kamu Miguel, mukajend, ni ayangadim end aad itiyija uyakin wa Bibil.

Ilel, kudi chikumangen chiyila kurutu cha Atuman a Yehova mu musumb winou. Miguel ukwet musangar anch mulong mayal mavud mamwasay Santiago ni Lourdes kimayikwatap, ni uyijikitishin nakash ambay inay a uruw mulong wa chilakej chau chiwamp cha chisambu.

[Chipich chidia pa paj wa 32]

Mwikadil wa chisambu wa Santiago ni Lourdes (adi kwiur) wamwinkisha Miguel (udia ku katatuku) mutapu wa kuswimp manangu mau