Yidiamu

Yom ik tufanyidina kusal anch twiyov anch milong tukweta yidi yikash kuyijijamen? Mu mutu wa mulong winou tukwisambin mufund wetu wa muvu wa 2018. Tukwilej kand mulong wak tuswirikedin usu udiokila kudiay Yehova ni mutapu ukutwishay kutwinkish usu winou.

Muvu unou, Chivurikish cha rufu ra Yesu chikusadik Diampos machuku ma ngond 31 Ngond wa 3, 2018. Mutapu ik tukutwisha kwirijek kusambish katat kamu mulong wa musambu winou? Mutapu ik tukutaninamu anch twaya ku musambu winou? Ni mutapu ik Chivurikish chikwashining kuyitek antu a Nzamb mu uumwing pa mangand mawonsu? Tukutan yakul ku yipul yiney mu mutu wa mulong winou.

Yom yawonsu tukweta yadiokala kudi Yehova. Pakwez utwinkishin mutapu wa kumuchirishin, kusadin yom tukweta mulong wa kukwash mudimu wa dirijek diend. Mulong wak? Mutapu ik tukutaninamu anch twamutumbish Yehova nich yom yetu ya usey? Tukwisambin yipul yiney mu mutu wa mulong winou.

Mutu wa mulong wa kusambish pa mitu ya milong yiney ukwisambin mutapu udiokiling musangar wakin ku kumukat Nzamb, chidiap mulong wa rukat ra kwitongin rimekena nakash mu “machuku ma kwisudien.” (2 Timote 3:1) Mutu wa mulong wa kaad ukurumburil mutapu ushalijadinau antu a Nzamb nakash nau antu avud nlel.