Dichirikin dia shikol ya mudimu ya uteokras

Dichirikin dined akudisal wakad kusadil mabuku, dimanyidin yom yitwilejina ku Shikol ya Mudimu ya Uteokras, kudiosh ku rubing risambishina Ndol-Mem 3 kushik ku rubing ra Kafumpul-Mashind 23, 1999.

[Note: Pa kuchirikin, sadilany kusu Baibel. Mabuku mafundinau kwisudiel kwa yipul makukukwashany mu kukimbol kwa muntu ipend. Mapaj ni maparagraf kamalejenap mu manimero mawonsu ma Tour de Garde.]

Fund kwisudiel kwa jintung jilondwila Mwawiy ap Kimwawiyap:

1. Anvaj kafanyidinap kujiril yijidik ya Baibel chakwel ayifundisha aanau mutapu uwamp. [fy p. 108 par. 14]

2. Mutu wa mulong wa Baibel wa kabuj didi dichidij dia Yehova kusutin Want wend uyikedilau kud “Mbut” ya kushilamu. (Dis. 3:15) [si p. 17 par. 30]

3. Kudaku uman ukemp nakash wa yinvumbu ni uman ukwau umekena umekeshina usalal wa yinship yifundinau mu Kubudik. [si p. 20 par. 4]

4. Antu ashicha mu uzweny nakash kakutwishap kupan milambu mulong wa kwamburil yisakin ya Want. [w97 15/9 p. 5 par. 8]

5. Kuyikwash anvajetu ni angaketu udi mutambu wa difukwil dietu kud Yehova. (1 Tim. 5:⁠4) [w97 1/9 p. 4 par. 1-2]

6. Kulimish dichuku dia kwiswedish kwading pa kusambish chijingidij pakach pa Yehova ni michid yawonsu. [Kutang Baibel; tal rs p. 343 par. 2.]

7. Mwan anch wapam ni kushiken mu chilik cha kwikwatil yiyul amwinend, ukwet chisik chijim cha chisend piur pa yisalijok yend, nakash nakash pantaliken ni chijil cha Nzamb. (Rome 14:12) [fy p. 135 par. 17]

8. Moses wafunda buku wa In Levi mu 1513 kurutu kwa chirung chetu. [si p. 25 par. 3-4]

9. Mazu ma Yesu mafundinau mu Luka 21:​20, 21 mashikena mu 66 pa chirung chetu, amasalay in Rome, ni kalal wau mujim Titus, padiokalau ku Yerusalem. [w97 1/4 p. 5 par. 3-4]

10. Mafundish ma Epikur madinga mayimp nakash kud in Kristu mulong mading mashindamedin pa yitongijok yakad ritiy, mud muchilejena 1 Korint 15:32. [w97 1/11 p. 24 par. 4]

Akul ku yipul yilondwila:

11. Chom ik twilejina piur pa chijil cha kudia many, chijil chisambidinau mu In Levi 3:17 (NW)? [Kutang Baibel; tal w84 15/5 p. 27 par. 3.]

12. Ov mulong wak Yehova umulikidinay Satan Djabul ikalaku? (Kubud. 9:15) [Kutang Baibel; tal w92 15/3 p. 10 par. 14.]

13. Ov yom ik yifanyidina kusal dijuku anch muntu wayel mu dijuku, chakwel kuman milong yifanyidina kwikal ya kusambel kusal? (Jnsw. 15:22) [fy p. 122 par. 14]

14. Ov muchid wa in Isarel wading “want wa in kupesh” mwi njil ik? (Kubud. 19:⁠6) [Kutang Baibel; tal w95 1/7 p. 16 par. 8.]

15. Ov kushalijan ik kudia pakach pa dis didia “zwang” ni dis “diyipila”? (Mat. 6:​22, 23) [w97 1/10 p. 26 par. 5]

16. Yikalap nchik yitil ya David, ov mulong wak umwisambidinau anch wading ni kwend “nich kushishaman kwa muchim ni kutentam?” (1 Ant 9:​4, NW) [w97 1/5 p. 5 par. 2]

17. Ov yisend ik y’ilel yadinga chijingidij cha yadingau ni kusal in Isarel “mudi mwalonday” Nzamb piur pa dizang? (Kubud. 39:32) [Kutang Baibel; tal w95 15/12 p. 12 par. 9.]

18. Ov kwimekesh kwa Yehova amwinend mud “Am nidi mudi nidia” kumekeshin ik? (Kubud. 3:14) [Kutang Baibel; tal w95 1/3 p. 10 par. 6.]

19. Ov dilejan ik ditufundishinau mu rusangu ritadila Nadab nend Abihu, rusangu rifundinau mu In Levi 10:​1, 2 (NW)? [Kutang Baibel; tal w84 15/5 p. 27 par. 4.]

20. Ov mulong wak mu Chijil cha Moses anch mband wadiokal pa kuval wading “wakad kwishitul”? (Lev. 12:​2, 5, NW) [Kutang Baibel; tal w84 15/5 p. 27 par. 6.]

Izwish ndond yidia wash mu mazu malondwila:

21. Ap anch kwikil mutapu ushimokishina wa kwok kwikal diamwinend, nvaj ulidina aan amwinend ukutwish kujijaman nich ukwash wa usu ukatay kupan _________________________ , kud muntu ukata kujijaman mu _________________________. (1 Tim. 5:⁠5) [fy p. 112 par. 21]

22. Anch mar matushiken mu mwom wetu, chinech chikutwish kwikal chibudikin cha _________________________ ap mulong wa ngikadil wetu wa _________________________. [w97 15/5 p. 22 par. 7]

23. Buku wa Kubudik umekeshin Yehova mud _________________________ Mujim, _________________________ ni _________________________ jintong jend jipandikena kujimb. [si p. 24 par. 26]

24. Chidi bil chitudinga _________________________ , kangal _________________________ , chikata kumekesh chitudia chakin mukach. [w97 15/10 p. 29 par. 4]

25. Anch misambu ya kwangul yikwet dirumburik dia _________________________ ap anch yidiokil ku _________________________ , in Kristu akin akwipuk kumukisish Yehova nich _________________________difukwil mud dined dijondila. [w97 15/9 p. 9 par. 6]

Tond chakul chifanyidina mu mazu malondwila:

26. “Mivu yitot yinying” ya rineng ra Mbut ya Aburaham yasambisha Yishimayel pamusipay Isak mu (1943; 1919; 1913) kurutu kwa chirung chetu ni kupwa nich kukulik kudiok mu Idjibit mu (1543; 1519; 1513) kurutu kwa chirung chetu. (Dis. 15:13) [si p. 17 par. 31]

27. Dijuku dikutwish kurish mutapu uwamp nich mayej makash ku mutambu ujim anch dikwet (nfalang jivud; mwikadil muwamp wa manangu; dichidij dia chimwingang) wa yidi ya dijuku. (Jnsw. 17:22) [fy p. 120 par. 10]

28. Muntu ulondila mu muchim wend anch: “Kwikil [Yehova] Nzamb” amutazukin anch “chisup” mulong udi muntu (uyedila mu manangu; wakad kufundishiu; wakad yitongijok). (Kus. 14:⁠1) [w97 1/10 p. 6 par. 8]

29. Adam ni Ev pabwambulau, chom chijim chashadishau chading (kuwanyidin kwau; urund wau ni Nzamb; ndond yadingau ni kushakam), mulong chom chinech chading musul wa musangar wau. [w97 15/10 p. 6 par. 2]

30. Buku wa (Disambishil; Kubudik; In Levi) wisambidin tupamp tuvud kwishitul kupandikan abuku akwau a Baibel. [si p. 26 par. 9]

Lamik mifund yilondwila ey ku jintung jilikena nich:

Kubud. 5:2; Kubud. 21:29; Jnsw. 1:8; Gal. 5:20; Yak. 1:​14, 15

31. Mwawonsu witangishidina kwikal mwin Kristu wipanina chisu ni chisu mu matend ma chisum, ni kushiken mu chilik cha kuyibulol yidi ya dijuku diend, akutwish kumwopat mu chikumangen anch kakarumukinap. [fy p. 150 par. 23]

32. Mutapu tukata kusal usambishining nich mutapu ututongina. [fy p. 148 par. 18]

33. Yehova Nzamb ukat kuyovishang usany awonsu alikininga nich chibud kujingunin Winzamb wend. [Kutang Baibel; tal w92 15/12 p. 13 par. 18.]

34. Ap anch Baibel umwinkishin tatuku chisend cha kusambish cha kuyifundish aan, maku ukwet ni ndiy mudimu ujim wa kusal. [fy p. 133 par. 12]

35. Kulondin kadiwij mulong wa kutambul ranaken kwadingap kwitiyikina ni Chijil pikwadinga ni kubudikin rufu ra muntu kanang. [Kutang Baibel; tal w95 15/11 p. 11 par. 5.]