Yijikish

◼ Chiwong: Buku mwawonsu wa mapaj-192 wapalangeshau kurutu kwa 1986 udia mwi nkil ya chikumangen. Yikumangen yikweta buku L’humanité à la recherche de Dieu yikutwish kand kumupan. Kasan: La vie: comment est-elle apparue? Évolution ou création?, La Révélation: le grand dénouement est proche!, ap buku mwin mwawonsu mukur ukweta mapaj-192 udia mwi nkil ya chikumangen. Rish: La connaissance qui mène à la vie éternelle. Chifanyidin kusal usu wa pakampwil chakwel kusambish malejan ma Baibel. Ndol: Tour de Garde ni Réveillez-vous! Panany buku Connaissance ap broshir Nzamb Witin, nich rutong ra kusambish malejan ma Baibel.

◼ Kudiosh pa Chiwong 1, 2001, nimero wa Tour de Garde ukwikalaku mu Kaonde (Chikaonde) mud dichap dia ngond ni ngond. Anch yikumangen yisadidil rudim riner, twitin makomite ma mudimu kufundin biro wa mutiy ni kwijikish uvud wa in kulejan akata kuritang.

◼ Atenchikin kuchapiril mu rudim ra Zande mitu ya milong yaad piur pa uruu wa antu avarikena. Yikumangen yiswiridina kusal komand yikutwish kumupan ku madepo makuyitumina magazet minam. Ijikishany amboku nich kusadil “wZN uruu.”

◼ In kulejan awonsu abatishau kal akwikala ku Chikumangan cha Mudimu cha rubing ra Kasan 5 akuyinkish kart “Instructions médicales prévisionnelles/Décharge” ni Document d’identité médical Kart wa chijiken wa anau.

◼ Kudiosh mwi ngond wa kaad, ap kudiosh pa Rish 4, diskur disu dia kalam wa munyimuku dikwikal “Dichuku dia Dirumburish​—⁠Chisu cha Wom anch cha Ruchingej?”

◼ Yikumangen yifanyidin kwirijek mulong wa kusal Chivurikish muvu unou Diarubing, Ndol 8, kwinyim kwa muten kuzwek. Ap anch diskur dikutwish kusambish kurutu kwa muten, pakwez yijingidij ya Chivurikish afanyidin kuyisutish ching kamu kwinyim kwa muten kuzwek. Talany nawamp chisu chikata kuzwek muten ndond ushichanya. Chakwel kukwikalap yikumangan yikwau ching kusu chikumangan cha mudimu wa chingand pa dichuku dinidia, ukutwishany kwirijek chakwel kusal dilejan dia Tour de Garde chisu chikwau. Atulam a munyimuku afanyidin kukarumun program wau wa kukumangan mu rubing rinira kulondwish nich ndond. Ap anch chiwapidil anch chikumangen ni chikumangen chisala musambu wach wa Chivurikish ichinach, pakwez chinech chikutwishap kwikal mwamu machuku mawonsu. Ndond yidia yikumangen yikata kusadil Chot cha Want chimwing, chitwishikin chikumangen chimwing ap yivud yikimba ndond yikwau ya kusadil urel winiwa. Pichitwishikina, tuyudil kusutishaku piswimp aminit 40 chakwel program wa chikumangen chikwau asambisha, mulong wa kuyilangwish antu ezanga ni kukumangan, kuyikasikesh antu amekeshina kusanger katat, ni kumenaku ukwash sens. Chisak cha amakurump chifanyidin kukwat chiyul chakwel kutal yitenchik yifanyidina nakash pol pau.

◼ Diskur dia pakampwil dia pa chirung cha Chivurikish cha 2001 akudipan Diarubing, Ndol 1. Diskur dined dikwikal ni mutu wa mulong “Nany Ukutwisha Kupand?” Akupan plan wa diskur dined. Yikumangen yikwendilau kud kalam wa munyimuku, yikwikala ni chikumangan cha munyimuku, ap cha pakampwil cha dichuku dimwing kwisudiel kwa rubing rinira yikwikal ni diskur dia pakampwil pa rubing ra Ndol 9. Kwikil chikumangen ap chimwing chikusala diskur dia pakampwil kurutu kwa Ndol 1, 2001.

◼ Mikand Yisu Yidiaku:

Français, Inglish: CD-ROM wa mikand ya Sosait Watchtower ya 1999.

◼ Maband Video Madiaku:

Mu rudim ra yijingidij ra in Amerik: La connaissance qui mène à la vie éternelle (Volim 4).