Yijikish

◼ Mikand ya kupan mu Rish: Ronganyin Ritwadila ku Mwom wa Chikupu. Chifanyidin kusal usu wa pakampwil chakwel kusambish malejan ma Baibel. Ndol ni Ndol-Mem: Tour de Garde ni Réveillez-vous! In kulejan afanyidin kuyilej antu ataninau ku yikumbu anch, anch achisotin akutwish kupan mulambu ku mudimu wa mangand mawonsu. Anch amekeshin kusanger, panany broshir Nzamb Witin, nich kusal usu wa pakampwil chakwel kusambish malejan ma Baibel. Kalol: Nzamb Witin Etu Tusal Ik? ap Ronganyin Ritwadila ku Mwom wa Chikupu. Anch in chikumbu akwet mikand yiney, panany broshir umwing ufanyidina udia mwi nkil ya chikumangen.

◼ In kulejan achingejina kusal mudimu wa uchibol nkwash mwi Ndol afanyidin kwirijek kusambish kamu katat ni kwizwish fomu wau kurutu kwa chisu. Chinech chikutwish kuyikwash amakurump kutenchik nawamp mudimu wa chingand ni kwikal nich magazet mawanyidina ni mikand yikwau. Majin ma antu awonsu itiyidinau kusal mudimu wa uchibol nkwash chifanyidin kumijikish ku chikumangen ngond ni ngond.

◼ Chivurikish chikwikal Diakanying, Rish 28, 2002. Anch chikumangen chen chikweting yikumangan Diakanying, yikumangan yiney ukuyishemuninany ku dichuku dikwau mu rubing anch Chot cha Want kachisadidinap. Anch chitwishikinap ni anch chakukasikenany kusal Chikumangan cha Mudimu, yikunku ya usey ku chikumangen chen ukutwishany kuyandjik mu program mukwau wa Chikumangan cha Mudimu.

◼ Sosait kitiyidinap makomand ma mikand ma muntu ipend. Kalam ntakel ufanyidin kukwat yitenchik chakwel kwijikish chikumangen kurutu kwa kutum komand wach wa mikand ku Mutiy chakwel awonsu asotina kutambul mikand kanang akutwish kumwijikish mukadivar mwin kutal milong ya mikand. Vurikany amboku anch mikand yikwau yidi ya kwitin ku komand wa pakampwil.

◼ Ngond ni ngond, chisu chitambwilay kalam ntakel relevé wa biro wa mutiy, ndiy ufanyidin kushinshikin nakash anch nfalang jawonsu jijikishinay biro kutambul ja Fonds de la Société pour Salles du Royaume ni ja mudimu wa mangand mawonsu amutanga kurutu kwa chikumangan chisu cha kupan rapor wa chipau ukulondula.

◼ Babalany mulong wa jinsangu ja wij jilejenau ku Internet ni ku mikand chakwel kuyit akadivar nfalang ja kuyikwash nich antu adia mu mar. Anch kwamekan kuswir kwa kusal komite wa ukwash chakwel kupan ukwash wa yom ya ku mujimbu kud Atuman’a Yehova, akuyijikish kamu nawamp akadivar akwimanyina mudimu winou.

◼ Chikat kushikenang anch in kukimbijol jinsangu ikala mu urund nau akadivar, mulong wa kutambul jinsangu piur pa Atuman’a Yehova ni piur pa dirijek dietu. Awiy akat kwit kwizwish fomu wa yipul ni yakul piur pa yitiyij yetu ni piur pa mafundish metu. Anch amwit mwin kulejan jinsangu kud antu mud inay, ufanyidin kuyijikish dijin dia kalam ntakel. Amakurump akutwish kupan yakul piur pa kukimbijol kwinoku nich kupan yakul yifanyidina, kwambatan nich mukand wa Ndol 25, 2001 wapanau ku yisak yawonsu ya amakurump.

◼ Mikand Yisu Yidiaku:

Inglish, Français: Examinons les Écritures chaque jour 2002.

◼ Maband Video Kaset Masu Madiaku:

Rudim ra Yijingidij ra in Amerik: Le plus grand homme de tous les temps ​—⁠ volim 2.