Dichirikin dia Shikol ya Mudimu ya Uteokras
Dichirikin dined akudisal pakad kusadil abuku, dimanyidin pa yom yitwilejina ku Shikol ya Mudimu ya Uteokras kudiosh ku rubing ra Chiwong 7 kushik ku rubing ra Ndol 22, 2002. Sadilany dipapel dikwau pa kwakwil ku yipul yiukutwishanya kwakul mu chisu chiletinau.
[Chiyul: Pa chisu cha kuchirikin, sadilany kusu Baibel chakwel kwakul ku yipul. Mareferans mapaninau kwisudiel kwa chipul ni chipul amaletin mulong wa kuswapej kukimbijol kwey amwiney. Manimero ma mapaj ni maparagraf kamalejenap chisu chawonsu mu mareferans ma Tour de Garde.]
Fund kwisudiel kwa jintung jilondwila Mwawiy ap Kimwawiyap:
1. Mu Mulej 2:2, Salomon ulejen anch tufanyidin kwipuk masip ni kwisangaresh. [Kutang kwa Baibel; tal w87 15/9 p. 24 par. 5.]
2. Pa ndond pa kwikal buku umwing ukwatishena wom, buku wa Mulej wizwil nich uyakin wa usey nakash wa manangu ma Nzamb ni ulejen anch mijikit ya mar yiding ya antu akad kumubang Nzamb. [si p. 114 par. 15]
3. Mu Isay 1:7 (NW), muprofet ulondidil piur pa kusheshik kwa Yuda mu chirung cha kuyikel kwa mwant Ahaz. [Kutang kwa Baibel; tal ip-1 p. 17-18 par. 16.]
4. Mud kamu chimekena mu Kujingunik 7:9, mazu “iminy kurutu kwa ditand ni kurutu kwa Mwan a Mukoku,” misambidin ndond ya mwiur. [rs p. 67 par. 3]
5. ‘Kumutumbish Yehova’ nich muchim wa kupan mapit metu—chisu chetu, ukaliweny wetu, usu wetu, ni yom yetu ya mapit ma ku mujimbu—kukat kutuletin yiyukish yivud ya muspiritu yidiokila kud Yehova. (Jinsw. 3:9, 10) [w00 15/1 p. 25 par. 1]
6. Kwambatan ni Isay 28:21 (NW) ‘chisal chishimokishina ni mudimu ushimokishina’ yikusalay Yehova pa chirung chetu yirumburikin disheshik dia michid ku Harmagedon. [Kutang kwa Baibel; tal ip-1 p. 295 par. 16; p. 301 par. 28.]
7. Mud kamu chimekeshinay Mateu 24:38, 39, chidi mulong wa kudia, kuna ni kwipan mu mijikit yikwau ya antu, yawiy ya yifishinau nich antu a pa chirung cha Noa chakwel kuyikomb nich Mabeb ma mem. [w00 15/2 p. 6 par. 6]
8. Yehova ukat chisu chin chawonsu kuwanyish yitinau atushalapol end in kwikepish akata kumusadil nich muchim wa kwipan. [w00 1/3 p. 4 par. 3]
9. “Michid” yilondidilau mu Isay 60:3 (NW) yidi michid ya chipolitik yipwitidinau ku chimunyik chipaninay Nzamb. [Kutang Baibel; tal w00 1/1 p. 12 par. 4.]
10. Yehova “wamutumbisha” Jeremiy kurutu kwa kuvadik kwend mulong wasambela kumutond Jeremiy kurutu kwa kuvadik mulong wa rusot ra chikupu. (Jer. 1:5, NW) [Kutang Baibel; tal w88 1/4 p. 10 par. 2.]
Akul ku yipul yilondwila:
11. Ov, ‘kudjibul dibot’ kwisambidinau mu Mulej 11:1 kurumburikin chom ik? [Kutang Baibel; tal w87 15/9 p. 25 par. 11.]
12. Mu Isay 6:8 (NW), ov nany wisambidinay Yehova palondilay anch “yetu”? [Kutang Baibel; tal ip-1 p. 93-94 par. 13.]
13. Mu kuwanyin kwa Isay 9:2 (NW), ov mutapu ik weza kumunyik “chimunyik chijim” mu Galalia? [Kutang Baibel; tal ip-1 p. 126 par. 17.]
14. Ov kufanakan ik kudia pakach pa chirung chetu ni kuwa kwa Babilon mu muvu wa 539 K.C.C. ni kusheshik kwend kwa rawonsu? (Isa. 13:19, 20, NW; 14:22, 23, NW) [Kutang Baibel; tal ip-1 p. 188 par. 30-31.]
15. Ov mutapu ik usadilay “kashalapol wakin ukweta manangu” mud “kalam” urumburilau mu Isay 21:6? (Mat. 24:45) [Kutang Baibel; tal ip-1 p. 221-222 par. 11.]
16. Ov Jinswir 31:10 jiletin chiyul ik cha manangu kud nsand usotina muntu wa kwatijan nend? [w00 1/2 p. 31 par. 1]
17. Mu Isay 43:9 (NW), ov rubil ik riyombidilau anzamb a michid? [Kutang Baibel; tal w88 1/2 p. 16 par. 3.]
18. Ov mend ma antu akata kupalangesh rusangu ruwamp ra Want wa Nzamb “mawapil” mu mutapu ik? (Isa. 52:7, NW) [Kutang Baibel; tal w97 15/4 p. 27 par. 6.]
19. Chom ik chidia cha usey tufanyidina kusal chakwel muchim wetu kangal wez watudimb? (Jer. 17:9, NW) [w00 1/3 p. 30 par. 4]
20. Ov chom ik chifanyidinau kusal antu akata ‘kwendil mwi njil ya Yehova’? (Jer. 7: 23, NW) [Kutang Baibel; tal w99 15/8 p. 29 par. 6.]
Izwish ndond yidia wash mu mazu malondwila:
21. “Muchim wa muntu mwin manangu udi ku chikas chend cha katatuku” mwi njil ya kwel anch “chikas cha katatuku” chisu ni chisu chimekeshin ․․․․․․․․ ; chawiy lel, chinech chimekeshin anch ․․․․․․․․ wend ukat kumubachik kulondul chidia chiwamp, njil yitiyikina. (Mul. 10:2; Mat. 25:33) [Kutang Baibel; tal w87 15/9 p. 25 par. 8.]
22. Muminy wa Salomon utufundishin mafundish mamwing ma usey nakash mud kamu ․․․․․․․․ , ․․․․․․․․ , ni ․․․․․․․․ ku yijil ya Nzamb. [si p. 117 par. 16]
23. Muchid wabuwa misumb ya Yuda wisambidinau mu Isay 33:1 (NW) udi ․․․․․․․․ , weza kushiken ni wawiy ku kuwa mu muvu wa 632 K.C.C., ni kuchinang kusha yom yivud mu makas mwa in ․․․․․․․․ eza ‘kukungin yom pamwing mud yisak ya atubol.’ (Isa. 33:4, NW) [Kutang Baibel; tal ip-1 p. 343 par. 4; p. 345 par. 6.]
24. Kwisikej kwa Isay 54:1 (NW) ni Galatia 4:26, 27 kumekeshin anch “mband mumb” ufanikeshin “ ․․․․․․․․ “; ni “mband udia nend nfumwend,” ufanikeshin ․․․․․․․․ . [Kutang Baibel; tal w95 1/8 p. 11 par. 8.]
25. Anch twatan mu mudimu wetu wa kulejan kapipej ni kuburen kwitiy, tufanyidin kuvurik anch rupompat riner karitalikeshinap chakin ․․․․․․․․ , pakwez padi ․․․․․․․․ , Musul wa uruu wetu. (2 Kor. 4:1, 7) [w00 15/1 p. 21 par. 2]
Tond chakul chifanyidina mu mazu malondwila:
26. Chisu chafunday chishimushimu chamanay cha uyaj ukwetay Yesu mwiur, Paul wilondila amwinend mud mwan “wavadika wakad kuwanyish angond a kuvadik,” chinech chirumburikin anch (ndiy wading uchidi kuvadik katat muspiritu; ading asambela kumutond chisu kand kal chiwanyina cha kwikal mupostol wa antu a michid; chadinga mud anch ndiy watambula katumb ka kuvadik, chawiy kulond kuvumbuk, kutambul mwom wa muspiritu kurutu kwa chirung.) (1 Kor. 9:1; 15:8) [w00 15/1 p. 29 par. 6]
27. Chijiken “Tatuku wa Chikupu” chisambidin dikand ni wintakel ukwetay Mwant wa Umesia wa kuyinkish antu (usu wa muspiritu; mwom wakad kufang mwiur; ruchingej ra kushakam chikupu pa divu). (Isa. 9:6, NW; Yohan 11:25, 26) [Kutang Baibel; tal ip-1 p. 131 par. 26.]
28. Mu kuwanyin kwa katat kwa Isay 66:7 (NW), “mwan ikundj” uvadikina ufanikeshin (Yesu Kristu; Want wa Mesia; muchid usu wa muspiritu wavadika mu muvu wa 1919). [Kutang Baibel; tal w95 1/1 p. 11 par. 3.]
29. Kutang kwa kushinshikin kwa Mateu 10:28 kutukwashin kutesh anch Gehen wa kasu (yidi ndond ya kuyimeshin antu adia aom mar; ufanikeshin disheshik dia chikupu; ufanikeshin ngikadil ya kwaurik kud Nzamb). [rs p. 128 par. 1]
30. Mu kuwanyin kwa katat, kwa Jeremiy 7:28 (NW) “muchid wa antu alika kuziyil ku dizu dia Yehova” udi (Babilon Mujim; Kristendom; dikand dia sambwad diyikedila mangand mawonsu). [Kutang Baibel; tal w88 1/4 p. 18 par. 10.]
Lamik mifund yilondwila ey ku jintung jilikena nich:
Jinsw. 24:16; Mul. 3:11; Isa. 40:8 (NW); Rom. 10:15; 1 Pi. 4:6
31. Pa chisu chifanyidina, tukez kwijik ndond ya kashinsh yishilay Nzamb mulong wa umwing ni umwing wa midimu yend mu rutong rend. [Kutang Baibel; tal w87 15/9 p. 24 par. 8.]
32. Mudimu wa kulejan rusangu ruwamp kud antu afila muspiritu ukat kuyinkish chisu cha kukarumuk. [rs p. 63 par. 2]
33. Ap anch chikasiken kwipuk kukangany mu mwom, pakwez antu alamatina kud Nzamb kakatap kuchirikin kwinyim mu kusal yom yiwamp. [w00 1/2 p. 5 par. 1]
34. Kwikil chom ap chimwing chikutwisha kukangesh kushiken kwa dizu, ap rutong ra Nzamb ralonday kal. [Kutang Baibel; tal ip-1 p. 401 par. 10.]
35. Apostol a Yesu asadila nawamp kamu uprofet wa Isay, ausadila mu mudimu wa kulejan. [si p. 123 par. 37]