Dichirikin dia Shikol ya Mudimu ya Uteokras

Dichirikin dined akudisal pakad kusadil abuku, dimanyidin pa yom yitwilejina ku Shikol ya Mudimu ya Uteokras kudiosh ku rubing ra Ndol-Mem 6 kushik ku Kafumpul-Mashind 19, 2002. Sadilany dipapel dikwau pa kwakwil ku yipul yiukutwishanya kwakul mu chisu chiletinau.

[Chiyul: Pa chisu cha kuchirikin, sadilany ching kusu Baibel mulong wa kwakul ku yipul. Mareferans mapaninau kwisudiel kwa chipul ni chipul amaletin mulong wa kuswapej kukimbol kwa muntu ipend. Manimero ma mapaj ni maparagraf kamalejenap chisu chawonsu mu mareferans ma Tour de Garde.]

Fund kwisudiel kwa jintung jilondwila Mwawiy ap Kimwawiyap:

1. Jeremiy 18:1-6, (NW) ulejen anch Yehova ndiy ukata kuyibachik antu kusal yom yidia chinyim nich rusot rau. [Kutang kwa Baibel; tal w99 1/4 p. 22 par. 3-4.]

2. Aprofet a makasu adinga ni kwiy usu ni yibudikin ya Dizu dia Nzamb nich kuyikasikesh antu kutesh yom ya makasu pa ndond pa kutesh kubabesh kwakin kudiokila kud Nzamb. (Jer. 23:30, NW) [Kutang kwa Baibel; tal w92 1/2 p. 4 par. 3.]

3. Mu Jeremiy 25:15, 16, (NW) “rupas riner ra nviny ra ujim” riyikadishina “michid yawonsu . . . mud antu azarikina” risambidin yibudikin yishimokishina ya relijon wa makasu. [Kutang kwa Baibel; w94 1/3 p. 20 par. 13.]

4. Kwambatan nich mutapu wasadilay Mateu uprofet wa Jeremiy, “ngand ya mukankuny” yidi ngand ya rufu, kwawiy kwinikwa kukeza kudiokal an ajipay Herod Mujim kusutin ku disanguk. (Jer. 31:15, 16, NW; Mat. 2:17, 18) [Kutang kwa Baibel; tal w79 1/10 p. 19 par. 13.]

5. Jeremiy 37:21, (NW) upanin kashinsh anch Yehova ukutwish kuyikwash atushalapol end ashinshamena mu chirung cha mar makash mayikokujol yikash ya mwikadil wa ekonomi. [Kutang kwa Baibel; tal w97 15/9 p. 3 par. 4–p. 4 par. 2.]

6. Buku wa Kudil kwa Jeremiy ulejen runeng rikash piur pa kusheshik kwa Yerusalem mu 607 K.C.C. ku chikas cha Nebukadinezar, mwant wa Babilon. [si p. 130 par. 1]

7. Kudil kwa Jeremiy 5:7 ulejen patok anch Yehova uyipupin kamu kapamp kamwing an mulong wa yitil ya anvajau. [Kutang kwa Baibel; tal w88 1/9 p. 27 mushet.]

8. Chijingidij cha pa mpal chisambidinau mu Ezekiel 9:4 chirumburikin anch ronganyin ramwamu kusu rikez kumupandish muntu. [Kutang kwa Baibel; tal w88 15/9 p. 14 par. 18.]

9. “Amakundj mud yipan” ajimbwilau mu Efes 4:​8, (NW) adi amakurump in Kristu, atondilau kusutin ku spiritu utumbila ni ayinkishin wintakel wa kudimukin yisakin ya muspiritu ya ambay nau in ritiy. (Midimu 20:28) [w00 1/8 p. 6 par. 3]

10. Mu kusadil kwa katat kwa Ezekiel shapitre 23, Uminshon (protestantisme) tukutwish kuufanikesh ni Oholiba ni Ukatolik wa Rom, ufaniken nend nambaz wend mukurump Ohola. [Kutang kwa Baibel; tal w88 15/9 p. 21 par. 22.]

Akul ku yipul yilondwila:

11. Ov aprofet ik asatu ajijamana pa chirung cha mivu yikash kudiosh mu muvu wa 617 K.C.C. kushik mu muvu wa 607 K.C.C., chirung cheza kupwa nich kusheshik kwa Yerusalem? [si p. 133 par. 2]

12. Kusanger kwakin kwa yakupesh ya difut dia Kristu kwamekana mutapu ik, mu kwitiy diladikij didia mu Luka 9:23? [w00 15/3 p. 8 par. 1]

13. Ov mutapu ik Yehova ‘wamudimbay’ Jeremiy? (Jer. 20:​7, NW) [Kutang kwa Baibel; tal w89 1/5 p. 31 par. 6.]

14. Chom ik charumburilay Yesu chisu chalonday anch spiritu utumbila “ukez kukulejany yom yawonsu, ni ukez kukuvurishany kand yom yawonsu yinakulejanya”? (Yohan 14:26) [w00 1/4 p. 8 par. 7-8]

15. Kwambatan nich Jeremiy 35:​18, 19, (NW) ruchingej ik ridiaku mulong wa chisak cha in Rekabit a mu chirung cha katat? [Kutang kwa Baibel; tal su p. 131 par. 7.]

16. Ov, mutapu ik anefilim (ayifuvu) mwamekeshau anch adinga “antu akash” ni ‘in katumb’? (Dis. 6:⁠4) [w00 15/4 p. 27 par. 9]

17. Mutapu ik washikenay Baruk ku kushadish kwisikan kwend kwa muspiritu, ni difundish ik tukutwisha kwilejin ku uman wend? (Jer. 45:​1-5, NW) [Kutang kwa Baibel; tal w97 15/8 p. 21 par. 14-16.]

18. Chisu ik ni mutapu ik uprofet udia mu Jeremiy 50:​38, (NW) wawanyina? [Kutang kwa Baibel; tal dp p. 150 par. 2-3.]

19. Kusheshik kwa Yerusalem, “changadim mujik wa Yuda,” kurumburikin ik mulong wa Kristendom, kwambatan nich Kudil kwa Jeremiy 1:15? [Kutang kwa Baibel; tal w88 1/9 p. 27 mushet.]

20. Mazu “Diosh mpup, ni djol chibangul,” mud kamu mu mafundilau mu Ezekiel 21:26 marumburikin chom ik? [Kutang kwa Baibel; tal w88 15/9 p. 19 par. 16.]

Izwish ndond yidia ya wash mu mazu malondwila:

21. Muntu mwin kwikepish ushiching nich ․․․․․․․․ ya ․․․․․․․․ yiwamp ni wij anch kudi ․․․․․․․․ ku yom yifanyidinay kusal ni yikutwishay kusal. (Mik. 6:⁠8) [w00 15/3 p. 21 par. 1-2]

22. Ap anch spiritu utumbila kakatap kudiosh ․․․․․․․․ ap ․․․․․․․․ , ukutwish kutukwash ․․․․․․․․ . (1 Kor. 10:13; 2 Kor. 4:7) [w00 1/4 p. 11 par. 6]

23. Muprofet Daniel wajingunina kusutil yafunday Jeremiy anch kusheshik kwa Yerusalem kukez kusal ․․․․․․․․ ; kushiken kwakin kushimokishina kwa chinech kwakasikesha ritiy mu ukash wa Yehova wa kupan ․․․․․․․․ . (Jer. 25:​12, NW; Dan. 9:⁠2) [si p. 129 par. 37]

24. Buku wa Kudil kwa Jeremiy ukasikeshidin ․․․․․․․․ ni ․․․․․․․․ kud in kwifukwil akin ni udi kamu mud kubabesh ․․․․․․․․ kud antu akata kuburen kumulimish Yehova Nzamb. [si p. 132 par. 13]

25. Chilikej cha Aburaham cha kwikal mwin kuziyil chisu tukata kushinshikin mulong kanang chidi dikasikesh mulong wetwetu kulik kushil ․․․․․․․․ ap ․․․․․․․․ chakwel kuyipisha urund wetu uwamp ni akadivar netu. (Dis. 13:​5-12) [w00 15/8 p. 24 par. 3-4]

Tond chakul chifanyidina mu mazu malondwila:

26. Job wamana nich usey (ronganyin; ranaken; dirumburish) ra Yehova ni chawiy lel wasadila nich (manangu; riy; kutentam) pantaliken ni aswik end. (Job 31:​13, 14, NW) [w00 15/3 p. 26 par. 1]

27. Mu Jeremiy 16:2-4, (NW) amwinkisha muprofet mbil ya kushal mujich (chakwel kumekesh spiritu wend wa kwipan; chakwel kwikal chilikej cha mutapu wa mwom wa ujich wadingay nich Mesia; chakwel kukasikeshin uyakin wa mazu ma Yehova piur pa kusheshik kwa Yerusalem). [Kutang kwa Baibel; tal w78 15/7 p. 31 par. 2.]

28. Mu Jinswir 4:7, manangu kudi: (kwikal wija milong; kuman mutapu udia kovijan pakach pa mulong kud umwing ni mukwau; kusadilang ronganyin ni chovu chakwel kusal mudimu). [w00 15/5 p. 21 par. 1]

29. Kwikil muntu ap umwing ukutwisha chakin kamu kwikal nich kashinsh ka kwijik mutapu wa kutang mazu ma dijin dia Nzamb madia mu Hebereu wa kusambish mulong pasak Uhebereu wa Baibel adinga ni kuufund: (ching kusu nich mamuny makweta mavayel, ching kusu nich mamuny makad mavayel). [rs p. 198 par. 1]

30. Ditemb dia Nzamb disambidinau mu Ezekiel shapitre wa 1 difanikeshin: (Want wa Nzamb wa Umesia; dirijek dia angel a muspiritu a Yehova; mutapu wa Yehova wa kwambamb pamwing ni kashal). [Kutang kwa Baibel; tal w88 15/9 p. 11 par. 5.]

Lamik mifund yilondwila ey ku jintung jilikena nich:

Kuv. 7:25, 26; Jinsw. 4:18; 5:21; Jer. 46:28, NW; Rom 15:4.

31. Mbil yiney yipanin chilikej cha mutapu antu a Yehova ufanyidinau kuman akish in awonsu adingau ni kwifukwil pakusambish. [rs p. 189 par. 5]

32. Njil ya pakampwil yikatay kuletin Yehova rongoj yidi kusutin Dizu diend diafundinau kal, dikweta ruchingej rimwing ripandikena kuwap ra machuku ma kurutu. [w00 15/4 p. 5 par. 4]

33. Kukand kwa anvaj kufanyidinap kusutish chipim chifanyidina ap kupandikan nakash rutong ra kwonan ni kufundish. [Kutang kwa Baibel; tal kl p. 148 par. 20.]

34. Mulong Yehova ukat kuyitwishish atushalapol end kutesh rutong rend pakemp-pakemp, kwiwejinaku kwa ronganyin chisu chimwing kukat kwit kuswimp mu yitongijok ya muntu. [rs p. 400 par. 1]

35. Chisal chin chawonsu cha kwijond cha kwijikijan kwa ikundj ni mband, chikalap nchik cha mu ujindj chakad kwijikan kud antu akwau, chijingaminap ku mes ma Nzamb. [w00 15/7 p. 31 par. 3]