Yijikish

◼ Mukand wa kupan mu Rish: Ukupanany buku Ronganyin, nich kusal usu chakwel kusambish malejan ma Baibel. Ndol ni Ndol-Mem: Ukupanany Tour de Garde ni Réveillez-vous! In kulejan afanyidin kuyilej antu ataninau ku yikumbu anch akutwish kupan mulambu ku mudimu wa mangand mawonsu anch achisotin. Chisu usadilanya kuchirikinamu kusu kud antu amekeshina kusanger, asinany nakash pa kupan buku Mwifukwila Nzamb Umwing Kusu Wakin. Salany usu wawonsu chakwel kusambish dilejan dia Baibel dia ku chikumbu, nakash ang antu amwing ileja kal buku Ronganyin ni broshir Nzamb Witin.

◼ In kulejan asotina kusal mudimu wa uchibol nkwash mwi Ndol afanyidin kwirijek kusambish kamu katat ni kwizwish mafomu mau kurutu kwa chisu. Chinech chikez kuyikwash amakurump kutenchik nawamp mudimu wa chingand ni kwikal nich magazet mawanyidina ni mikand yikwau yidiaku. Ngond ni ngond chifanyidin kwijikish majin ma antu awonsu itiyidinau kusal mudimu wa uchibol nkwash ku chikumangen.

◼ Biro wa mutiy kitiyidinap makomand ma mikand ma muntu ipend. Kalam ntakel ufanyidin kukwat yitenchik chakwel kwijikish chikumangen kurutu kwa kutum komand wach wa mikand ku mutiy chakwel awonsu asotina kutambul mikand kanang akutwish kumwijikish mukadivar mwin kutal milong ya mikand. Vurikany amboku mu manangu anch mikand yikwau yidi ya kwitin ku komand wa pakampwil.

◼ Ang kalam-ntakel watambul mukand udiokila ku Betel ufundidinau chisak cha amakurump, ufanyidin kuutang kapamp kamwing. Kupwa kapamp kamwing, ukez kuupan mukand kudiay kalam’a ujindj ukutwisha niyend kuutang, ni kupwa ukuunyingumwish kud amakurump akwau ashadilaku. Kupwa kwa kuutang, mukurump ni mukurump ufanyidin kuusinye. Mwamu, mukutwishau kwijikish nsangu jawonsu ku chisak chawonsu cha amakurump.

◼ Buku Tirez profit de l’École du ministère théocratique amurijekin mu jindim jawonsu ja teritwar wetu mutukata kukarumun Tour de Garde. Yikumangen yakad kal kumutambul, yikez kujip chikunku cha ‘Ukaliweny wa Kulond’ ku Program wa Shikol ya Mudimu wa Uteokras ni yikez kupan ‘Minsamb No. 1’ mu aminit 15 pa ndond pa aminit 10 mud muchilejenau. Ditenchik dined dikez kupwa ching anch atambul buku École du ministère.