Yijikish

◼ Kasan: Approchez-vous de Jéhovah. Anch buku winou kwikil, ukutwishany kusadil buku Création (mujim ap mukemp) ap ukutwishany kupan buku Révélation: le grand dénouement. Rish: Ronganyin Ritwadila ku Mwom wa Chikupu. Salany usu wa pakampwil chakwel kusambish malejan ma Baibel ma ku yikumbu. Anch antu amukwet kal buku winou, panany buku Prêtons attention à la prophétie de Daniel !

◼ Kalam-ntakel ap muntu ukutonday ufanyidin kutal chipau cha chikumangen pa Rish 1 ap machuku makemp kwinyim kwa dichuku dined. Anch wapwishany kusal mwamu, ijikishany chikumangen anch atadil chipau. Tang mukand wa kujikitish chikumangen mulong wa milambu yapaninau mulong wa mudimu wa mangand mawonsu ni ukwash wawonsu wapaninau ku dirijek.

◼ Kalam’a ujindj ni kalam’a mudimu akushinshikin mujikit wa ayibol awonsu a rawonsu. Anch amwing chiyikasikedin kuwanish kuvul kwa asaa ayitinau, amakurump afanyidin kwirijek mulong wa kuyikwash. Piur pa yiyul, chirikinany mikand ya muvu S-201.

◼ Diskur dia pakampwil dia pa chirung cha Chivurikish cha 2004, dikwet mutu wa mulong “Jijaman ni Muchingejina Yehova.” Tal chijikish chinech mu Mudimu Wetu wa Want wa Mwinses 2003.

◼ Kalam-ntakel ufanyidin kutenchik swa amakurump akutwisha kushinshikin yipul ya buku Organisés pour bien remplir notre ministère nend muntu usotila kubatishiu. Chidiap kwau cha usey kuchingel chisu chikwijikishau kwikalaku kwa chikumangan chakwel kushinshik lel yipul ni mwin kubatishiu. Chitinap anch mwin kubatishiu abwika buku wend ni kwakul ya mu mutu. Pakusadilay buku, ukwakul ku yipul mu mazu mend. Rutong ra amakurump ridi ra kwijik anch uteshin nawamp kurumburik kwa malejan ma Baibel.​—⁠Tal Yakul ku Yipul Yen yidia mu Mudimu Wetu wa Want wa Kalol 1987 ni wa Kachirikin 1987.