Dichirikin dia Shikol ya Mudimu wa Uteokras
Yipul yilondwila ey akez kuyakul mu kulond ku Shikol ya Mudimu wa Uteokras pa rubing ra Ndol 26, 2004. Kalam’a shikol ukez kutakel dichirikin diengamidina pa malejan ma rubing ra Rish 1 djat pa rubing ra Ndol 26, 2004, mu aminit-30. [Kwijikish: Ndond jakad kwikal nich mareferans kwisudiel kwa chipul, ukutwish kukimbijol amwiney mulong wa kutan yakul.—Tal École du Ministère, p. 36-37.]
UKALIWENY WA KULOND
1. Pitusadila diskur, ov mulong wak chiwapidil nakash kusadil plan pa ndond pa kutang mu maniskri? [be p. 166 par. 3]
2. Mu kwirijek mulong wa mudimu wa chingand, ov mutapu ik tukutwisha kutenchik plan wa yitongijok mu manangu metu? [be p. 167 par. 3]
3. Mutapu ik watwishay Paul kurumburil ‘nich kashinsh anch, Yesu ndiy kamu Kristu’ pasadilay Midimu 13:16-41 ni Midimu 17:2, 3 (Midimu 9:22). [be p. 170 par. 2]
4. Kusal diskur dia kukashimwish kukwet ukwash ik? [ be p. 175 par. 1-4]
5. Ov yak ik yikutwisha kushiken kusutil ku kulond kwa kukashimwish, ni chom ik chikutwisha kutukwash kuyipuk? [be p. 175 par. 5–p. 176 par. 3]
MINSAMB NO. 1
6. Kwambatan nich rusangu ridia mu Disambishil 32:24-32, chom ik chasalay Jakob padingay nich mivu 97 chakwel kutambul chiyukish cha Yehova, ni chitufundishin chom ik? [w02 1/8 p. 29-31]
7. Ov ‘ukaliweny wa kutong’ chom ik, ni mutapu ik ukutwisha kutuchidij ku kwikal akad kujikish ni ku uyimp wakad kufanyin? (Jinsw. 1:4) [w02 15/8 p. 21-22]
8. Ov mutapu ik ukutwishau in kusal madiskur kutek mufulandal wa Mifund ya Bibil mu madiskur mau? [be p. 52 par. 6–p. 53 par. 5]
9. Chakwel kusal diskur diswila dimanyidina pa Mifund kusutil ku plan, ov mipak ik yifanyidinay kukwat mwin kulond? [be p. 54 par. 2-4]
10. Mulong wak Yehova wayidisha in Isarel mana rubing ni rubing, ngond ni ngond, mwi mpay, ni chom ik tukutwisha kwilejinaku? (Kuv. 8:16) [w02 1/9 p. 30 par. 3-4]
KUTANG KWA BIBIL KWA RUBING
11. Mud kamu muchimekena mu Disambishil 37:12-17, ov kufanakan ik tutanina pakach pa mwom wa Josef ni wa Yesu? [w87 1/5 p. 12 par. 12]
12. Mud kamu muchimekena mu rusangu ridia mu Disambishil 42:25-35, mutapu ik wamekeshay Josef ranaken rifanikena nich ramekeshay Yesu? [w87 1/5 p. 18 par. 10; p. 19, par. 17]
13. Ov mutapu ik yakudia yipanina chisak cha kashalapol nlel yifanakena nich kwangan kwa mbut pa chirung cha Josef? (Dis. 47:21-25)
14. Kulond anch, “AM NIDI MUDI NIDIA,” chom ik chadingay ni kujingunish Yehova kwambatan nich dijin diend? (Kub. 3:14, 15)
15. Ov wisu ubaj waad wa chivadik wa kununganijan umekena mu Kubudik 16:2, 3? [w93 3/15 p. 20-21]