Yijikish

◼ Mikand ya kupan pa Mwinkind 1-17: Magazet La Tour de Garde ni Réveillez-vous ! Anch kwamekan kusanger, panany broshir Nzamb Witin, ni kusal usu wa kusambish malejan ma Bibil. Mwinkind 18 - Kalang 14: Kampany wa pakampwil wa kwangan broshir Chishany ku Mes! Kalang 15-30: Buku Ilejina Kudiay Mulej Mujim. Anch antu alond anch kakwetap kwau an, panany broshir Nzamb Witin. Pitusadidila broshir, tutonginany kusambish malejan ma Bibil ma ku chikumbu.

◼ Wenjil udia mu Mudimu Wetu wa Want winou udi “Program wa Shikol ya Mudimu wa Uteokras wa 2005” chifanyidin kumulam nawamp mulong wa kumusadil muvu wawonsu wa 2005.

◼ Ching kusu chikumangen chitadina milong ya mikand, mu Chot cha Want chin chawonsu, chawiy chikwizwisha fomu wa Komand wa Mikand (S-14). Ntakel wa mikand ufanyidin kuwejinaku makomand ma chikumangen ni chikumangen pizwishinay fomu wa Komand. (Chirikinany mukand wa Kafunfut 1, 1999, ukweta mutu wa mulong: Kulam Nkil (stok) ya Mikand ya Chot cha Want). Ufanyidin kumekesh mwikadil ulejenau mu Filip 2:​4, ku kwikal wakad katond mu kushinshikin makomand mud minam. Makomand ma mikand masadinau ku yikumangen ‘yikwau’ yidia mwishin mwa umutakel wa chitenchik cha chikumangen chitadila milong ya mikand, kafanyidinap kumizwish. Ntakel wa mikand ufanyidin kulam kaye, ap karne, wa majin ma in kulejan itina yom ya komand wa pakampwil. Chinech chikumukwash kushinshik anch muntu ni muntu atambul chom chitinay. Mwin kwit, ufanyidin kurijek kurutu mulambu wend mulong wa yom yiney ya usey.

◼ Réveillez-vous ! wa Mwinkind 22, 2004 ukwisambin mutu wa mulong “Yom ik Yifanyidinau Anvaj Kusal​—⁠Pachidiay Mwan Nich Mivu Yikemp?” Mulong wa usey wa chipul chinech, chikumangen ni chikumangen akuchiwejin magazet 10% ma nimero winou.