Yakul ku Yipul Yen

◼ Mutapu ik tukutwisha kuwanyish yisend ya chikumangen?

Kusadik kwakad kuvundangesh kwa chikumangen cha antu a Yehova chidi chibudikin cha usu ukungidinau pamwing. (1 Kor. 14:​33, 04) Tongijokin bil pa yom yawonsu yisadikina ku chikumangan chimwing kwau cha chikumangen. Kuwejinaku program amwinend, kudi mijikit yivud kwinsambishil ni kupwa kwa chikumangan yikatau kuwanyish akadivar ni anambaz mulong wa yisend kushalijan. Yisend yikwau yikat kuwanyishau yakad kumekan kud antu akwau yidi kand ya usey. Ov mutapu ik tukutwisha kupan ukwash ku chitenchik chinech?

Ipana amwiney. Antu akweta spiritu wa kwipan akez kujingunin yom yivud ya kusal. (Kus. 110:⁠3) Yitongijokina ayej ni amapal. Pan ukwash kusutil ku kukomb Chot cha Want. Tukutwish kuwanyish midimu yivud ya ukwash yakadau kutulej kusal pakampwil. Tuswiridin kwetu rusot ra kukwash.

Kusadil mu kwikepish. Antu in kwikepish akat kusanger kuyisadil akwau. (Lu. 9:48) Kwikepish kukat kutuchidij ku kwitiyin yisend yipandikena yitwakad kutwish kuwanyish nawamp. Chikwau kand, kwikepish kukutulam kukulik kumatik mimbu ya usu wetu.​—⁠Jinsw. 11: 2.

Ikal mwin kashinsh. Moses amukasikesha kutond “antu akashinsh” chakwel kwikal nich yisend mu Isarel wa pasak. (Kub. 18:21) Mwikadil winou uswiridikin ilel unou. Wanyish chisend ni chisend utambwila nich kashinsh. (Lu. 16:10) Anch utwishinap kuwanyish chisend, shinshikin nawamp anch kusadikin yitenchik yifanyidina chakwel muntu kanang achiwanyisha piudia ey kwamwamu.

Sadil usu wey wawonsu. Akristu ayikasikeshin kusadil ni muchim wawonsu ap mu midimu ya mujimbu. (Kol. 3:​22-24) Kudi diyingishil dipandikena kujimb dia kusal mwamu pitusadila mulong wa kutwal kurutu difukwil diakin. Ap anch chisend chimeken kwikal chikemp ap chakad usey, chidi chiyukish ku chikumangen anch chasadik nawamp.

Chisend ni chisend chitwinkishin mutapu wa kumekesh rukat retu mulong wa Yehova ni mulong wa akadivar netu. (Mat. 22:​37-39) Tuwanyishany nich kushinshaman yisend yin yawonsu yitwinkishinau.