Yijikish

◼ Mikand ya kupan pa Kasan: Approchez-vous de Jéhovah. Rish: Chishany ku Mes! Ndol ni Ndol-Mem: Ronganyin Ritwadila ku Mwom wa Chikupu.

◼ Kalam ntakel ap muntu ukutonday ufanyidin kutal chipau cha chikumangen pa Rish 1 ap machuku makemp kwinyim kwa dichuku dined. Anch kudi chipau chikwau chitekinau, mud cha kurijekish nich ap cha rutung, chifanyidin kutenchik mulong wa kutal chipau chinech. Anch wapwishany kutal kwinoku, ijikishany chikumangen pamwing nich rapor wa chipau ulondwilaku.

◼ Kalam wa ujindj ni kalam wa mudimu afanyidin kushinshikin mujikit wa ayibol a rawonsu. Anch amwing chiyikasikedin kuwanyish uvud wa asaa itinau, amakurump afanyidin kwirijek mulong wa kuyikwash. Piur pa yiyul, chirikinany mikand ya muvu S-201.

◼ Diskur dia pakampwil dia pa chirung cha Chivurikish cha 2005, dikwikal nich mutu wa mulong ulondila anch “Mulong Wak Yesu Wamana Mar ni Kufa.” Tal chijikish chikwatijadina nich mu Mudimu Wetu wa Want wa Mwinses 2004.

◼ Awonsu afanyidin kwikal ku Chikumangan cha Antu Awonsu Diarubing, Rish 20, chakwel kutesh chijikish cha pakampwil chitadila ditenchik dikusalau mulong wa in kulejan.

◼ Biro wa mutiy kitiyinap makomand ma mikand ma muntu ipend. Kalam ntakel ufanyidin kutenchik mulong wa kwijikish chikumangen ngond ni ngond kurutu kwa kutum komand wa mikand ku biro wa mutiy chakwel awonsu asotina kutambul mikand ya pakampwil akutwish kumwijikish mukadivar mwin kutal mikand. Vurikany amboku anch mikand yikwau yidi ya kwitin ku komand wa pakampwil.