Dichirikin dia Shikol ya Mudimu wa Uteokras

Yipul yilondwila ey akez kuyakul pakad kufund ku Shikol ya Mudimu wa Uteokras pa rubing ra Kalol 27, 2005. Kalam wa shikol ukez kutakel dichirikin diengamidina pa malejan ma rubing ra Ndol-Mem 2 kushik ku rubing ra Kalol 27, 2005 mu aminit 30. [Chijikish: Ndond yakad kwikal mareferans kwisudiel kwa chipul, ukutwish kukimbijol amwiney chakwel kutan yakul.​—Tal École du Ministère, p. 36-37.]

UKALIWENY WA KULOND

1. Mulong wak yisikej yidi milad ya kufundish yikweta usu nakash? (Dis. 22:17; Kus. 1:3; Jak. 3:⁠6) [be-F p. 240 par. 2-4, mushet]

2. Kwisu tukutwisha kutan yilikej yifundishina mulong wa malejan ma usey, pakwez yom ik tufanyidina kudimukin? [be-F p. 242 par. 2-3]

3. Yom ik tufanyidina kulam mu manangu chisu tutondina yilikej yikutwisha kwikal ya ukwash nakash? [be-F p. 244 par. 1-2]

4. Mulong wak tufanyidina kusadil yom yimekena ni mes chisu tufundishina, ni mutapu ik wasalay Yehova mwamu? [be-F p. 247 par. 1-2, mushet]

5. Mutapu ik tukutwisha kusadil yom yimekena ni mes mu mudimu wa chingand? [be-F p. 248 par. 1-p. 249 par. 2]

MINSAMB NO. 1

6. Umutakel ik udiaku mu Dizu dia Nzamb piur pa kuyilil an? [w03-F 15/3 p. 12 par. 2; p. 14 par. 4]

7. Mutapu ik Yehova wamekeshay anch wamusangera nsangarum David, ni mutapu ik wamekeshay David kusanger kwend mud Yehova? [w03-F 15/4 p. 29 par. 3; p. 30 par. 3]

8. Mulong wak Yehova wasangera mulambu wa Abel, ni chinech chitwinkishin etu kashinsh ik? (Dis. 4:⁠4) [w03-F 1/5 p. 28 par. 4–p. 29 par. 1]

9. Ov, ‘dipup ik dia Yehova’ dituyudila Jinswir 3:11 anch kangal twalik? [w03-F 1/10 p. 20 par. 2-4]

10. ‘Kusangar nich yom yitukweta’ mud kusadidilau ku 1 Timote 6:​6-8 kurumburikin ik? [w03-F 1/6 p. 9 par. 1-2; p. 10 par. 1]

KUTANG BIBIL KWA RUBING

11. Moj wa rukat wading umunungina Jonatan ni David ufanakeshin chom ik? (2 Sam. 1:26) [w89-F 1/1 p. 26 par. 13]

12. Yom ik tukutwisha kwilejin ku usu wa kusambish wa David wa kutwal mushet wa manswik mu Yerusalem? (2 Sam. 6:2-9)

13. Kupwa kwa David ni Batisheba kusal chitil, ov, mulong wak mwanau wafa, oku Kuvurik Yijil 24:16 ni Ezekiel 18:20 ulondil anch mwan kakufap mulong wa chitil cha tatuku? (2 Sam. 12:14; 22:31)

14. Ov, mutapu ik twija anch kulond kwa Ziba piur pa Mefiboshet mading makasu? (2 Sam. 16:1-4)

15. Mulong wak kwakul kwa Mefiboshet mu mulong wend nend Ziba kudinga chilikej chiwamp kud etu? (2 Sam. 19:24-30)