Chilakej Mulong wa Amakurump nau Ansand

Nowa wata urund wa piswimp nakash ni Nzamb. Wipana mulong wa kusal rusot ra Yehova. Nowa ‘‘wenda pamwing ni Nzamb wakin’’ amuyukisha mulong wa kusal rusot ra Nzamb. Nowa udi chilakej chimwing chiwamp chifanyidinau kwimburij ansand nau amakurump. (Dis. 6:⁠9) Band video Noé: il marchait avec Dieu ukukukwash kushinshikin mu manangu mey mwom wadingay nich Nowa, mulong wak Yehova wamuyukisha, ni mutapu ukutwisha kwimburij ngikadil yend yiwamp.

DVD wa video Noé ukwet yipul yilondwila kwishin oku. Tal video ni kupwa iyipula anch: (1) Yom ik yasalau angel yadinga yiyimp, ni Anifilim adinga anany? (Dis. 6:​1, 2, 4) (2) Antu ikala ayimp nakash mulong wak, ni mutapu ik wovay Nzamb pa chinech? (Dis. 6:​4-6) (3) Mutapu ik washalijanay Nowa nau antu akwau? (Dis. 6:22) (4) Mutapu ik wayisheshau antu ayimp? (Dis. 6:17) (5) Waat wading nich kujimb kwa mutapu ik? (Dis. 6:15) (6) Yom ik yikwau yasalay Nowa, ni antu asala mutapu ik? (Mat. 24:​38, 39; 2 Pi. 2:⁠5) (7) Uvud ik wa mulad ni mulad wa annam wadinga mu waat? (Dis. 7:​2, 3, 8, 9) (8) Ruvul wanaka machuku minch, ni divu diasala machuku minch mu mem? (Dis. 7:​11, 12; 8:​3, 4) (9) Mulong wak Nowa wapanda ni dijuku diend? (Dis. 6:​18, 22; 7:⁠5) (10) Waat wasengamena ndond ik? (Dis. 8:⁠4) (11) Mutapu ik wijikay Nowa anch chawiy chisu chiwamp cha kubudik mu waat? (Dis. 8:​6-12) (12) Yom ik yasalay Nowa pabudikay mu waat? (Dis. 8:​20-22) (13) Nkongal urumburikin ik? (Dis. 9:​8-16) (14) ‘Kwend ni Nzamb’ kurumburikin ik? (Dis. 6:​9, 22; 7:⁠5) (15) Yom ik tufanyidina kusal chakwel tukamumana Nowa mu Paradis? (Mat. 28:​19, 20; 1 Pi. 2:21)

Rusangu ridia mu Bibil ra kushinshaman ni kuziyil kwa Nowa rikufundishin yom ik pa mutapu ukutwisha niyey ‘kwend pamwing ni Nzamb’ ni kwikal nich ruchingej mu ukaliweny wa Yehova wa kupandish antu mu machuku metu ma katat?​—⁠Dis. 7:1; Jinsw. 10:16; Heb. 11:7; 2 Pi. 2:⁠9.