Yijikish

◼ Mikand ya kupan pa Kafumpul: Ukutwishany kusadil umwing wa mabroshir ma mapaj 32, malejenau mu Mudimu Wetu wa Want wa Kalol 2006. Mwinses: Chom ik Chakin Kamu Chifundishinay Bibil? Chifanyidin kusal usu nakash wa kusambish dilejan dia Bibil dia ku chikumbu. Mabuku mawonsu tukupana chifanyidin kuchirik ni kuyital antu mulong wa kusambish dilejan dia Bibil dia ku chikumbu. Mwinkind: Panany makopi men ma pakampwil ma Chinong cha Kalam ni Réveillez-vous ! Kukumekana kusanger, lejan broshir Chishany ku Mes!, chakwel kusosil kusanger mu Bibil.

◼ Kalam ntakel ap muntu ukutonday ufanyidin kutal chipau cha chikumangen pa Mwinses 1 ap machuku makemp kwinyim kwa dichuku dined. Anch kudi chipau chikwau chitekinau, mud cha kurijekish nich ap cha rutung, chifanyidin kutenchik mulong wa kutal chipau chinech. Anch wapwishany kutal kwinoku, ijikishany chikumangen pamwing nich marapor ma yipau malondwilaku.

◼ Yikumangen yifanyidin kusambish kwit Calendrier des Témoins de Jéhovah 2007, Examinons les Écritures chaque jour ​—⁠ 2007 ni Annuaire des Témoins de Jéhovah ​—⁠ 2007 kusutil ku komand wa mikand. List wa mikand yiney mu jindim jidaku akumulejan ku “Avis aux congrégations” ukatau kutum ngond ni ngond.

◼ Réveillez-vous ! wa Mwinses 2006 ukwikal nich mutu wa mulong “Y-a-t-il un Créateur ?” (Ov, Kuding Sakatang?) Mulong wa usey wa chipul chinech, chikumangen ni chikumangen chikez kutambul makopi kuwejin 20 pa chitot ma kopi winou.